د هرات لپاره د طالبانو امینه قومندانۍ وايي، د اسلامکلا د لارې په اوږدو کې د ګنج موندنې ۱۰ دستګاوې کشف او په تړاو یې یو کس هم نیول شوی دی. دغه دستګاوې تر ځمکې لاندې د توکو د موندنې لپاره کارول کېږي. دغه دستګاوې داسې مهال موندل شوي، چې هېواد کې د کانونو بېرویه کیندنې دوام لري.
د پاکستان په لوی اقتصادي ښار کراچۍ کې پښتانه سیاستوال، فعال وکیلان او سوداګر وايي، له تېرې څه مودې راهیسې په دې ښار کې له پښتنو سره تبعیضي چلند کېږي، پښتانه کاروبار کوونکي ځورول کېږي او عام پښتانه هم د پېژندپاڼې په نوم د ځورونې او نیولو له لړۍ سره مخ دي.
د نجونو د زده کړو او حقونو ملاتړي ملاله بنسټ د سویلي افریقا له ولسمشر سیریل رامافوسا څخه د افغان ښځو او نجونو د حقونو د ملاتړ له امله مننه کړې او ویلي یې دي چې د سویلي افریقا د ولسمشر ملاتړ د افغان ښځو او نجونو لپاره د عدالت د ټینګښت په برخه کې مهم ګام دی.
د کابل لپاره د طالبانو والي امینالله عبید د میربچه کوټ ولسوالۍ د ښوونکو په «اصلاحي سیمینار» کې ویلي، ښوونکي باید خپل صورت او سیرت د اسلامي نظام له ارزښتونو سره برابر کړي. هغه ټینګار کړی، چې ښوونکی باید اسلامي قانون پر ځان عملي او نورو ته یې هم ورسوي.
د ملګرو ملتونو د ماشومانو د ملاتړ صندوق (یونیسف) ویلي، چې پر شدیدې خوارځواکۍ د اخته ماشومانو پر وخت درملنه نه یوازې د مړینې د مخنیوي لپاره مهمه ده، بلکې د هغوی د روغتیا او ودې په ښه کېدو کې هم مهم رول لري.
د غزني په ښار او قرهباغ ولسوالۍ کې د ناچاوده مرمیو د دوو چاودنو له امله ۲ ماشومان مړه او ۴ نور ټپيان شوي دي. د دغه ولایت لپاره د طالبانو د رسنیز دفتر مسوولین وايي، مړه شوي ماشومان خپلو کورنیو ته سپارل شوي او د ټپيانو درملنه روانه ده.
د طالبانو د ترانسپورټ او هوايي چلند وزارت د هوا پوهنې ادارې د هېواد په پنځو ولایتونو کې د سختو بارانونو، تالندې برېښنا، تېزو بادونو او ناڅاپي سېلابونو د راوتلو خبرداری ورکړی دی.
د ۲۰۰۲ کال په جنوري کې د بلوچستان په چمن کې د طالبانو جګپوړی چارواکی خیرالله خیرخواه د حامد کرزي له ورور شاه ولي کرزي سره په اړیکه کې و، چې د طالبانو له سقوط وروسته د احتمالي سیاسي راتلونکي او د طالبانو د مشرانو د خوندیتوب په اړه ور سره خبرې وکړي.
د طالبانو د اطلاعاتو او کلتور وزارت د نشراتو معیین له یوټیوبرانو سره په ناسته کې ویلي، چې د زمري ۲۴مې ته، چې طالبان یې «یوم الفتح» بولي، پراخ رسنیز پوښښ ورکړي او خلکو ته یې ارزښت ور وښودل شي.
د پاکستان د پنجاب ایالت د کورنیو چارو وزارت اعلان کړی، چې د ۲۰۲۳ کال له پای راهیسې نږدې ۲،۷ میلیونه افغان کډوال له دغه هېواده افغانستان ته ستانه کړای شوي دي. د رسمي شمېرو له مخې، یوازې له پنجاب ایالت څخه تر ۱۴۰ زرو ډېر بېاسناده افغانان اېستل شوي دي.
د ترکیې پولیسو ویلي، په بالیکاسیر ښار کې یې ۱۳ «غیرقانوني» پناه غوښتونکي نیولي چې اووه یې افغانان، پنځه یې د سومالیا او یو یې د ایران وګړی دی. پولیسو همداراز د پناه غوښتونکو د قاچاق په شک یو کس هم نیولی چې وروسته د قاضي په حکم زنداني شوی دی.
سرچینو افغانستان انټرنشنل ته وویل، چې د طالبانو مامورینو په کابل کې د امید سبز ښارګوټي د تخلیې د امر د پلي کولو لپاره په دغه ښارګوټي کې کور په کور ګزمې پیل کړي. د دوی په وینا، د ښارګوټي اوسېدونکو د دغه امر د پلي کېدو پر وړاندې مقاومت کړی او په اعتراضونو یې لاس پورې کړی.
نعناع یو خوشبویه شین بوټی دی چې خلک یې له خوړو او چای سره د خوند لپاره کاروي. نعناع داسې ګټور مواد لري چې د هاضمې په ښه کولو، د خولې په تازه والي او بدن ته د زیان رسوونکو توکو په کمولو کې مرسته کوي.
د پاکستان د اطلاعاتو وزارت له پاکستان څخه افغانستان ته د وسلو قاچاق رد کړی دی. دغه وزارت دا «بېبنسټه تورونه» بللي او وایي چې له دې نه د طالبانو هدف له اصلي مسایلو د پام اړول دي.
د طالبانو تر واک لاندې د معیار او کیفیت اداره وايي، چې په افغانستا کې د وارداتي برېښنايي تجهیزاتو د کیفیت د ارزونې، معیاري کولو او د عامه خوندیتوب د تامین په موخه یې د بندرونو په کچه د دغو توکو د کنټرول بهیر منظم کړی دی.
د طالبانو د ریاستالوزرا اقتصادي مرستیال ملا عبدالغني برادر ویلي چې طالبانو سوداګري له سیاسي مسایلو بېله ساتلې ده او د اقتصادي ډیپلوماسۍ له لارې سیمه ییزو او نړیوالو اړیکو ته دوام ورکوي. نوموړي ویلي، چې افغان ولس «شر اچوونکو کړیو» ته په خپله خاوره کې اجازه نه ورکوي
د تیرا بېځایه شویو او په باړه کې سیاسي ډلو د پاکستان حکومت ته خبرداری ورکړی، چې که د دوی د بیرته ستنېدو رسمي مهالوېش ژر اعلان نه شي، پراخ لاریونونه به پیل کړي.
دوو باوري سرچینو افغانستان انټرنشنل ته ويلي، چې طالبانو تېره شپه ناوخته د کندهار ښار د ۱۵مې ناحیې اړوند د اولې عینو مېنې په سیمه کې د پخواني نظام د یو شمېر سرتېرو پر کورونو چاپې وهلې او د هغوی د کورونو دروازې یې ماتې کړې دي.
طالبانو خبر ورکړی، چې د پکتیکا د ګیانخېلو او د خوست د بورخېلو قبیلو ترمنځ سل کلنه دښمني د سراجالدین حقاني په منځګړیتوب پای ته رسېدلې ده. دغو قبیلو د یو بل پر وړاندې له درنو وسلو او ځمکنیو ماینونو کار اخیستی و، خو اوس دواړو لوریو د جګړې د پای ته رسولو لپاره چمتووالی ښودلی دی.
د افغانستان ازادۍ جبهې ویلي، چې ځواکونو یې تېره شپه د نورستان ولایت په دواب ولسوالۍ کې د طالبانو پر یوې قرارګاه غلچکی برید کړی دی. د دغې جبهې په وینا، په دغه برید کې دوه طالبان وژل شوي او څلور نور ټپیان دي.
په مالیزیا کې د طالبانو سفارت ویلي چې ددغه هیواد د «نشر القران» ادارې او «رستو» بنسټ په ګډه همکاري افغانستان ته د قران کریم د ۴۰ زره نسخو د چاپ بهیر پیل شوی. د دغو نسخو یوه برخه به له پښتو ژباړې سره چاپ شي.