د پاکستان د بشري حقونو شورا د پاکستان د حکومت له لوري د پټرول او ډیزل په بیو کې د وروستي زیاتوالي په اړه شدیده اندېښنه او «اصولي اعتراض» څرګند کړی دی. دغې شورا د پاکستان له حکومت څخه غوښتي چې پر خپلې کړې پرېکړې بیا کتنه وکړي، ګنې اقتصادي بېثباتي به رامنځته شي.
د امریکا د جګړې وزارت ویلي، جنرال رېنډياې جورج به ډېر ژر د پوځ له لوی درستیزۍ ګوښه او ورسره سم به تقاعدۍ ته سوق شي. له دغه اعلان څخه څو ساعته مخکې د امریکا ولسمشر د دغه هېواد لویه څارنواله پامبانډي هم له دندې ګوښه کړه.
د افغانستان د بشر حقوقو مرکز تازه راپور ښيي چې طالبانو د خلکو په بنسټیزو حقوقو او ازاديو پراخ او سیسټماټیک بریدونه کړي، په ځانګړي ډول د ښځو او ماشومانو حقونه. راپور زیاتوي چې د شکنجې، سزاوو، ناامنیو، اقتصادي بحران او ښوونې او روزنې کمښت په ګډون وضعیت په ټول هېواد کې بحراني شوی.
د خیبر پښتونخوا د بنو ولسوالۍ اړوند د پولیسو یوه مرکز ته نږدې په يوې چاودنه کې لږ تر لږه پنځه کسان وژل شوي او د څلورو پولیسو په ګډون ۱۳ نور ټپیان دي. د سرچینو په وینا، په وژل شویو کسانو کې یوه ۴ کسیزه کورنۍ هم شامله ده.
د ایټالیا د بهرنیو چارو وزارت ویلي، چې د شیلي کیټلسن د تښتولو قضیه د عراقي چارواکو په همکارۍ او په بغداد کې د خپل سفارت له لارې تعقیبوي. دغه خبریاله دوه ورځې مخکې د عراق له پلازمېنې بغداد ښار څخه د ناپېژندو کسانو له لوري تښتول شوې ده.
د طالبانو د کورنیو چارو وزارت په دوو جلا خبرپاڼو کې ویلي، چې د دوی ځواکونو په هرات کې او غور ولایتونو کې د نشهيي توکو د کاروبار په تړاو ۱۲ کسان نیولي دي. خبرپاڼه کې راغلي، غور کې د نشهيي توکو د تولید دوه کارخونې هم کشف او وسایل یې ورته سوځولي دي.
د طالبانو سترې محکمې اعلان کړی، چې په تېره یوه اونۍ کې یې په بېلابېلو ولایتونو ۶۱ کسان د بند ترڅنګ په عام محضر کې په دُرو وهلي دي.
د افغانستان په تېر جمهوري نظام کې د بشري حقونو د خپلواک کمېسیون پخوانۍ مشره سیما سمر پر افغان نارینهوو په نیوکې سره وايي، په هېواد کې نارینهوو د نجونو او ښځو د زدهکړو د دوام په تړاو مقاومت نهدی کړی.
ازبکستاني رسنیو راپور ورکړی، چې د دې هېواد په فرعانه ولایت کې پنځه افغانان د نشهيي توکو د قاچاق په تور د اوږدمهاله بند په سزاوو محکوم شوي دي. د ازبکستان د دولتي امنیتي خدمتونو ادارې ویلي، یاد کسان د محکمې له لوري له ۱۲ څخه تر ۱۵ کلونو پورې په بند محکوم شوي دي.
د طالبانو د اوبو او انرژۍ وزارت خبرداری ورکړی، چې د وري له ۱۴مې تر ۱۶مې نېټې پورې به د افغانستان په ګڼو سیندیزو حوزو کې د شدیدو اورښتونو او د واورو د ویلې کېدو له امله د سېلابونو د راوتلو او همداراز د اوبو کچې د راپورته کېدو احتمال زیات وي.
د پاکستان د جماعت اسلامي پخواني مشر سراجالحق د تیلو په بیو کې لوړوالي ته په اشارې سره ویلي، چې پاکستان دې پر خلکو د فشار راوړلو پر ځای د خپلو لوړ پوړو چارواکو امتیازات راکم کړي.
د طالبانو تر واک لاندې له پېښو سره د مبارزې ادارې مشر ملا نور الدین ترابي د پنجشنبې په ورځ کابل کې د ترکیې له سفیر سادین ایلدیز سره کتلي دي. په دغه ناسته کې د طالبانو یاد چارواکي د ترکیې له سفیر څخه غوښتي چې د طبیعي افتونو له امله زیانمنو شویو سره خپلو مرستو ته دوام ورکړي.
د طالبانو امر بالمعروف وزارت وايي چې روانه اونۍ یې د ښځو د حقونو ۸۴ قضیو ته رسېدنه کړې ده. په داسې حال کې چې په افغانستان کې ښځې لا هم له زده کړو، کار او عامو ټولنیزو فعالیتونو منع دي.
کازان خبري اژانس راپور ورکړی چې ټاکل شوې د روسیې (د تاتارستان جمهوریت)، ترکمنستان او افغانستان ترمنځ د یوه درېاړخیز ترانزیټي دهلېز د جوړېدو هوکړه به د مې میاشتې په ترڅ کې او د «کازان فورم» په څنډه کې لاسلیک شي.
د امريکا ولسمشر ډونالډ ټرمپ د پنجشنبې په ورځ اعلان وکړ چې د دغه هېواد لویه څارنواله پام بانډي يې له دندې ګوښه کړې ده. د رويټرز اژانس د راپور له مخې، دا پرېکړه د بانډي د کړنو پر وړاندې د نيوکو له زياتېدو وروسته شوې چې د اپسټین اسنادو د خپرېدو څرنګوالي مساله هم پهکې شامله ده.
د زابل ولایت د میزانې ولسوالۍ په ربغۍ سیمه کې د تندر لوېدو له امله يوه مېرمن مړه شوې او څلور کسان نور ټپيان شوي. په دغه ولایت کې ځایي طالب چارواکي وایي چې ټپيان یې روغتون ته لېږدولي دي.
د سعودي عربستان ولیعهد محمد بن سلمان د روسیې ولسمشر ولادیمیر پوتین سره په یوه ټیلیفوني اړیکه کې خبرې کړي، چې پکې د سیمې د پوځي کړکېچ پر پراخېدو، د سمندري تګ راتګ د امنیت او په نړیوالو اقتصادي اغېزو اندېښنې مطرح شوي.
په داسې حال کې چې د طالبانو او پاکستان ترمنځ د چين په ارومچي ښار کې مذاکرات روان دي، سيمهييزو سرچينو خبر ورکړی چې د خوست ولايت د ګربزو ولسوالۍ اړوند په غلام خان سیمه کې د طالبانو او پاکستاني سرحدي ځواکونو ترمنځ تازه نښته رامنځته شوې ده.
د طالبانو او پاکستان ترمنځ اړیکې، چې په وروستیو کې د خونړیو بریدونو، سرحدي نښتو او سیاسي تورونو له امله سختې ترینګلې شوې وې، یو ځل بیا د خبرو مېز ته راګرځېدلې دي؛ مګر ښکاري چې دا مذاکرات به عملي نتیجه ونه لري.
سرچینې وايي، طالبانو پر کونړ د پاکستان له بریدونو وروسته نن ماښام انتقامي بریدونه پیل کړي دي. طالبان وايي، په تېرو ۲۴ ساعتونو کې د کونړ پر سرکاڼو او مرورې ولسوالیو په بریدونو کې دوه کسان وژل شوي او ۱۰ نور ټپیان شوي دي.
د طالبانو مرستیال ویاند حمدالله فطرت ویلي، چې پاکستاني ډرون الوتکو یو ځل بیا د خوست او پکتیکا ولایتونو پر یو شمېر سیمو هوایي بریدونه کړي دي. د هغه په وینا، د دې بریدونو له امله د پکتیکا په شکین کې ۳ ملکي وګړي او د خوست په ځاځي میدان کې ۲کسان ټپیان شوي دي.