د افغانستان د سوداګرۍ او پانګونې خونه وایي چې د سید کریم هاشمي په مشري د اجراییه کمېټې په لسمه غونډه کې د سوداګرو او پانګهوالو لپاره د خدمتونو د ښه والي، د اړیکو د پیاوړتیا او د خصوصي سکتور ستونزو ته د پر وخت رسېدنې په موخه پر یو شمېر اقداماتو هوکړه کړې.
فیفا وایي، د دغې ادارې مشر جیاني اینفانتینو د کمزوري کولو لپاره منظمې هڅې روانې دي، خو ټینګار کوي چې د هغه د رهبرۍ د ننګولو هر ډول اقدام باید د فیفا د قوانینو او ډیموکراټیکو اصولو له مخې ترسره شي.
د فرانسې خبري اژانس د راپور له مخې، د افغانستان په بدخشان کې د سرو زرو د کانکیندنې پراختیا زرګونو کسانو ته د کار زمینه برابره کړې، خو ورسره د سیمې د اوبو، کرنې او څړځایونو د ککړېدو او تخریب له امله د ځايي خلکو ژوند هم اغېزمن شوی دی.
طالب چارواکي وایي، د هلمند په یو شمېر ولسوالیو کې د ماین پاکۍ له عملیاتو وروسته زرګونه جریبه ځمکه له ماینونو او ناچاوده توکو پاکه شوې، چې له امله یې خلک اوس کولای شي په ډاډه زړه په خپلو سیمو کې کار او ژوند وکړي.
د پاکستان په راولپنډۍ کې یوې ښځې ادعا کړې چې یو سړي د واده په ژمنه څو ځله پرې جنسي تېری کړی، وهلې یې ده او د څو میاشتو لپاره یې په یوه اپارتمان کې بندي ساتلې ده.
پېښور عالي محکمې د افغانستان د سترې محکمې د پخواني قاضي عبدالله محمدي، د ټولنیزې فعالې فهیمې ساپۍ، د پخواني ملي امنیت کارکوونکي عبدالقیم عمرزي او د هغوی د کورنیو هغه غوښتنې رد کړې چې په پاکستان کې یې د نیول کېدو او افغانستان ته د ایستل کېدو پر وړاندې د خوندیتوب غوښتنه کړې وه.
د پاکستان سترې محکمې له یوې پاکستانۍ ښځې سره د واده کړي افغان وګړي جلات خان ضمانت منظور کړی او ویلي یې دي چې په قانوني ډول پاکستان ته داخل شوی بهرنی وګړی یوازې د اسنادو د اعتبار له پای ته رسېدو سره باید د اوږدې مودې لپاره بندي نه شي.
په داسې حال کې چې له تېرو پنځو کلونو راهیسې له شپږم ټولګي پورته د افغان نجونو پر زدهکړو بندیز دوام لري، د طالبانو د پوهنې وزارت وایي چې په دې موده کې یې د وزارت له بودجې، د خیریه بنسټونو او د خلکو په مالي مرستو، د ۵ زره او ۳۰۰ ښوونځیو او مدرسو ودانۍ جوړې او بیارغولې دي.
د طالبانو د دفاع وزارت وایي، ختیځ زون کې یې د پاکستان له لوري د افغانستان پر لور د لسګونه میله وسلو او نظامي تجهیزاتو د ناقانونه لېږد مخه نیولې ده.
د تحریک طالبان پاکستان (ټيټيپي) مشر نور ولي محسود په یوه نوې ویډیو کې له داسې یوې درنې بکسډوله وسیلې سره ښکاره شوی چې څلور انتنونه لري او د راپورونو له مخې ښايي د کوچنیو ډرونونو د اړیکو د ګډوډولو لپاره ګرځنده راډیويي جېمر وي.
د برېتانیا «انډیپنډنټ» ورځپاڼې په یوه سرمقاله کې له حکومت څخه غوښتي چې له هغو زرګونو افغانانو سره خپله ژمنه پوره کړي چې په افغانستان کې یې د بریتانوي ځواکونو ترڅنګ کار کړی او اوس د طالبانو له غچ اخیستنې سره مخ کېدای شي.
د تېر جمهوري نظام د عدلیې وزیر فضل احمد معنوي د طالبانو له خوا د ښځو د جنسیتي ځورونې د ادعاوو د څېړنې لپاره د نړیوالې جزايي محکمې د قاضیانو د وروستي اقدام هرکلی کړی، خو وايي چې د افغانستان د روانو جنایتونو په اړه د قضايي پروسې ځنډ د اندېښنې وړ دی.
د برېتانیا ډېپلوماټ ورځپاڼې د څېړنیز راپور له مخې، بلوچستان د ۲۰۲۶ کال په جولای کې د پاکستان خونړی ایالت و چې په ۱۷۶ بریدونو کې ۴۳۸ کسان وژل شوي؛ راپور همداراز ادعا کوي چې د افغانستان د پخوانیو امنیتي ځواکونو ځینې غړي په بلوچستان کې د طالبانو ضد فعالیتونو لپاره بیا تنظیمېږي.
د روسیې د مستقیمو پانګونو صندوق مشر کریل دیمترییف وايي، اروپايي هېوادونه د روسي ګازو د پېرلو د کمولو له امله د ژمي له رارسېدو مخکې د ګازو له کمښت او د انرژۍ له احتمالي بحران سره مخ دي.
د طالبانو ۲۱۵ عزم قول اردو خبر ورکړی چې د سرحدي محمدي لوا منسوبینو تېرو ۱۵ ورځو کې د هلمند ولایت بهرامچې «نقل» سیمې اړوند د ډیورنډ کرښې په اوږدو کې په ناقانونه توګه د یو اندازه توکو د لېږد مخه نیولې ده.
لاس انجلس ټایمز ورځپاڼې لیکلي، چې د هُرمز تنګي د بېرته پرانېستلو لپاره د ایران د اسلامي جمهوریت نوي شرطونه ښايي د دې سمندري لارې د سمبالښت او د بېړیو د تګ راتګ په اړه خبرې اترې له لا ډېرو ستونزو سره مخ کړي.
د جرمني فرانکفورت ښار کې یو شمېر افغان ښځو د شنبې په ورځ د زمري ۱۷مه د ښځو او نجونو پر وړاندې د طالبانو د محدودیتونو پر ضد اعتراضي لاریون وکړ. دوی په داسې وخت کې د افغان ښځو د بنسټیزو حقونو د تامین غوښتنه وکړه، چې د طالبانو واک ته د بېرته ستنېدو پنځمه کلیزه رانږدې کېدونکې ده.
په جرمني کې یوې نوې څېړنې ښودلې چې له اندازې زیات د انټرنېټ کارول انسان له بد خویۍ، لوړ او رواني فشار سره مخ کولای شي او همداراز په ورځنيو چارو کې د بې غورۍ لامل هم کېدلای شي.
هند د سعودي عربستان، ترکیې او پاکستان د «مکې ګډ دفاعي تړون» ته په غبرګون کې ويلي، نوی ډېلی دغه تړون له نږدې څاري. د سعودي، ترکیې او پاکستان د «مکې ګډ دفاعي تړون» پر بنسټ چې د جمعې په ورځ (د زمري ۱۶مه) لاسلیک شوی، پر هر یوه غړي هېواد برید پر ټولو غړو هېوادونو برید ګڼل کېږي.
د افغانستان د ازادو مبارزو لوبغاړي عبدالعظیم بدخشي د سیالیو له ډګره له یوه کال لرېوالې وروسته له یوې چټکې او ځلېدونکې بریا سره سیالیو ته راستون شو. بدخشي د هند په ایاېفاېل (IFL) سازمان کې خپل بلاروسي سیال ارتم بولویچیک ته د لومړي پړاو په ۱۵مې ثانیې کې په سبمېشن سره ماتې ورکړه.
د امریکا د مخکیني ولسمشر جوبایډن زوی هینټر بایډن وايي، د پلار د پروسټاټ سرطان نورو برخو ته غځېدلی او له خورا دردناک حالت سره مخ دی. د هغه په وینا، د پلار د پروسټاټ سرطان د هغه هډوکو ته غځېدلی او دمګړۍ له سخت درده کړېږي.