د پخواني جمهوري نظام پر مهال د ملي امنیت مشر احمد ضیا سراج افغانستان انټرنشنل ته په یوه مقاله کې ویلي، چې د طالبانو د دویمې واکمنۍ د پای نښې د مخالفو ډلو په فعالیت، اقتصادي ستونزو، بېکارۍ او سیمه ییزو امنیتي فشارونو سره مخ پر څرګندېدو دي.
په هرات کې یوه کورنۍ وایي، یوې ښځې چې له ۱۵ کلونو ډېر وخت یې د دوی په کور کې کار کاوه، د دوی دوه کلن ماشوم له پنځم پوړ څخه لاندې غورځولی دی. د دې کورنۍ په وینا، د پېښې پر مهال دوی له کوره بهر د خپل ورک شوي موبایل په لټه کې وو او ماشوم یې په کور کې یوازې پاتې و.
دتیر جمهوري نظام پر مهال د بهرنیو چارو وزیر حنیف اتمر د هزاره وو او شیعه وو د مشرانو له وروستۍ اعلامیې ملاتړ کړی او د هغوی غوښتنې یې په حقه بللې دي. اتمر ویلي،چې د ملت د یوې برخې پر وړاندې بې عدالتي پر ټول ملت ظلم دی او له طالبانو یې دوګړو د اساسي حقونو د رعایت غوښتنه کړې ده.
متحدې جبهې د جمعې په ورځ خبر ورکړی، چې ځواکونو یې د بدخشان ولایت په ارګو ولسوالۍ کې د طالبانو امنیه قومانداني په نښه کړې ده. یادې جبهې ادعا کړې ده، چې د دغه برید په پایله کې یو طالب وژل شوی او څلور نور ټپیان شوي دي.
د امریکا د کار احصایې ادارې ویلي، چې د ۲۰۲۶ کال په جولای کې ۲۳ زره کسانو خپلې دندې له لاسه ورکړې دي. راپور ښيي چې د کار بازار کمزوری شوی او د تېرو میاشتو شمېرې هم راټیټې شوې دي.
ازادۍ جبهه وايي چې د دوی جنګیالیو د پنجشنبې په ماښام د ننګرهار ولایت په جلالاباد ښار کې د طالبانو د شپږمې حوزې د استخباراتو د مدیر پر مرکز برید کړی دی. دوی زیاتوي،چې د دې چریکي عملیاتو په پایله کې دوه طالبان وژل شوي او یو بل ټپي شوی دی.
د جرمني په لایپزیګ هوايي ډګر کې یوه بس چلوونکي په چاودېدونکو توکو سمبال ډرون « په لغته» وهلی او راغورځولی دی. چارواکي وايي، دغه اقدام ښايي د یوه احتمالي برید مخه نیولې وي خو زیاته کړې یې ده چې د ډرون د سرچینې په اړه څېړنې روانې دي.
د ازبکستان د سرخان دریا ولایت مرستیال شیرعلي د طالبانو د بلخ له والي محمد یوسف وفا څخه مننه کړې چې د حیرتان پولې ته څېرمه د ازبکستان په سرخاندریا ولایت کې د اورلګېدنې پر مهال یې د اطفایې د ۱۰ موټرو او اړوندو امکاناتو د ور استولو وړاندیز کړی و.
سعودي عربستان، ترکیې او پاکستان د «مکې د ګډې دفاع تړون» لاسلیک کړ. د دغه تړون له مخې، پر هر یوه غړي هېواد وسلهوال برید به پر ټولو غړو هېوادونو برید ګڼل کېږي.
د امریکا د نیو مکسیکو یوې محکمې د انسټاګرام او فیسبوک مور شرکت مېټا ته حکم وکړ چې ۵۶۷ میلیونه ډالر ورکړي، څو د ددغو پلاتفورمونو له امله ماشومانو او ځوانانو ته د اوښتو زیانونو د کمولو لپاره د درملنې، پوهاوي او اغیزو مخنیوي پروګرامونه تمویل شي.
د طالبانو د لوړو زده کړو وزیر ندا محمد ندیم ویلي، چې ددې ډلې له بیا واکمنېدو وروسته لوړو زده کړو ته ځانګړې پاملرنه شوې او هڅه کیږي پوهنتونونه «متخصص، مسلکي او دینداره» وي.
د امریکا واشنګټن پوسټ ورځپاڼې لیکلي چې په افغانستان کې نږدې ۱۴ میلیونه کسان له سختې لوږې سره مخ دي او د طالبانو «بې کفایته، بې رحمه او ناسم مدیریت»، سخته وچکالي او د بشري مرستو کمېدل د دې ناورین اصلي عوامل دي.
د افغانستان د سوداګرۍ او صنعت سکتور یوه پلاوي په عشق اباد کې د ترکمنستان د سوداګرۍ او صنایعو له خونې، سوداګرو او صنعتکارانو سره د اقتصادي همکاریو، د سوداګرۍ حجم زیاتولو، ګډو پانګونو او د خصوصي سکتور ترمنځ د همکاریو پر ډېرولو خبرې کړې دي.
د ازبکستان د فرغانې ولایت والي خیرالله بوزروف د افغانستان د یو شمېر سوداګریزو شرکتونو له مشرانو سره په کتنه کې د پانګونې ګډو پروژو د پليتابه او د سوداګریزو او اقتصادي همکاریو د لا پراخولو په اړه خبرې کړې دي.
د طالبانو مخالفې ډلې متحدې جبهې ویلي، چې سرتېرو یې تېره شپه د غور ولایت په الفاروق ولسوالۍ کې د طالبانو پر یوې «قرارګاه» پوځي عملیات کړي. د یادې جبهې په وینا، په عملیاتو کې د طالبانو لږ تر لږه دوه غړي وژل شوي او څلور نور ټپیان دي. طالبانو تراوسه ددې ادعا په اړه څه نه دي ویلي.
سعودي عربستان، ترکیه او پاکستان په مکه کې یو ګډ دفاعي تړون لاسلیکوي او دغه پرېکړه د منځني ختیځ له کړکېچونو او پر سعودي د ایران له بریدونو سره هممهاله کیږي. د ترکیې ولسمشر رجب طیب اردوغان او د پاکستان لومړی وزیر شهباز شریف او لوی درستیز عاصم منیر سعودي ته تللي دي.
د بدخشان په ارګو ولسوالۍ کې د طالبانو پر پوستې توغندیز برید شوی. ځايي سرچینو ویلي، برید د پنجشنبې ماښام د وحدت ښار اړوند د دریاخانې په سیمه کې د طالبانو د ګزمې د تېرېدو پر مهال شوی، خو د احتمالي مرګ ژوبلې په اړه لا معلومات نه دي خپاره شوي.
فرانسې خبري اژانس د یوې پوځي سرچینې په حواله راپور ورکړی، چې په مارب او حضرموت ولایتونو کې د حوثي وسلهوالو لهخوا پر پوځي مرکزونو په بریدونو کې لږترلږه ۵۸ یمني ځواکونه وژل شوي دي.
پنځه کاله وړاندې د ۱۴۰۰کال (د زمري په ۱۶مه) د افغانستان د ولایتونو د سقوط په لړۍ کې جوزجان دویم ولایت و، چې طالبان پرې واکمن شول. شبرغان د پخواني ولسمشر د لومړي مرستیال عبدالرشید دوستم د نفوذ سیمه او د طالبانو پر وړاندې د مقاومت له مهمو مرکزونو ګڼل کېده.
د طالبانو مخالفې ډلې ازادۍ جبهې خبر ورکړی، چې ځواکونو یې د پنجشنبې په شپه په توغنديز بريد کې د کابل پوځي هوايي ډګر په نښه کړی دی. تر دې وړاندې سرچينو هم افغانستان انټرنشنل ته ويلي و، چې د کابل هوايي ډګر ته نږدې د لږترلږه دوو زورورو چاودنو غږونه اورېدل شوي دي.
د افغانستان په بېلابېلو پوهنتونونو کې پر طبي زدهکړو بوخت د پاکستاني محصلانو استازو د یوې غونډې پرمهال د پاکستان د طبي شورا پر وروستیو پالیسیو اندېښنه څرګنده کړې او غوښتنه یې کړې، چې د محصلینو د ښوونیز راتلونکي د خوندي کولو لپاره دې عادلانه او له قانون سره سمه پالیسي غوره شي.