د طالبانو تر چتر لاندې د پېښو سره د مبارزې او چمتووالي ادارې د افغانستان په لسو ولایتونو کې د سختو بارانونو، تالندې برېښنا، دوړو سره د تېزو بادونو او ناڅاپي سېلابونو د راوتلو خبرداری ورکړی او له خلکو یې غوښتي چې د سیندونو له غاړو او د سېلاب له ګواښ سره مخ سیمو لرې پاتې شي.
د لانګ وار ژورنال د راپور له مخې، د «افغان متحدې جبهې» په نوم وسلهواله ډله د اګست له لومړۍ نېټې راهیسې د طالبانو پر ضد د یو شمېر بریدونو ادعا کوي. د دې ډلې مشر سميع سادات وایي، د خبرو او سیاسي جوړجاړي ټولې هڅې ناکامې شوې او اوس د طالبانو پر ضد وسلهوال مقاومت پیل شوی دی.
د عزیزي ګروپ څښتن میرویس عزیزي ویلي، چې چین ته یې د کاري سفر په ترڅ کې د افغانستان او چینايي شرکتونو ترمنځ د انرژۍ د همکارۍ د پراخولو په موخه خپلې رسمي لیدنې پیل کړې دي. هغه وایي، دا لیدنې یې د بغلان ولایت لپاره د ډبروسکرو پر مټ د برېښناکوټونو د چمتو کولو لپاره پیل کړي دي.
کابل کې یو شمېر سرچینو افغانستان انټرنشنل - پښتو ته ویلي چې نن پنجشنبه ماښام په کابل کې د دوو بېلابېلو زورورو چاودنو غږونه اورېدل شوي دي. ځايي سرچینې وایي، دغه چاودنې د کابل هوایي ډګر ته نږدې شوې دي، خو تر اوسه یې د لامل د څرنګوالي په تړاو کره جزییات نشته.
د افغانستان کرېکټ ملي لوبډله به سبا د پنځو نړیوالو یو ورځنیو سیالیو د لړۍ په دویمه لوبه کې د کوربه ایرلنډ له ملي لوبډلې سره مخامخ شي. ټاکل شوې چې دا لوبه د افغانستان پر وخت د ماسپښین په ۲:۱۵ بجو پیل شي، او افغان لوبډله به هڅه وکړي چې په لړۍ کې خپل دریځ لا پیاوړی کړي.
د افغانستان د بشري حقونو خپلواک کمېسیون پخوانۍ مشره شهرزاد اکبر، ویلي چې نړیوال بنسټونه، نړیوال میکانېزمونه او د ملګرو ملتونو غړي هېوادونه باید د ښځو او نجونو د حقونو د خوندیتوب لپاره له تشو او لفظي دریځونو تېر شي او عملي او اغېزمن ګامونه پورته کړي.
د یمن دولتي سرچینو رویټرز ته ویلي چې د دغه هېواد په مارب او حضرموت ولایتونو کې پر پوځي کمپونو د حوثیانو په توغندویزو او ډرون بریدونو کې لږ تر لږه ۳۰ دولتي سرتېري وژل شوي دي.
«زما په زامنو پام کوئ.» دا د حیاتالله له وروستیو خبرو څخه وې؛ د یوه افغان پلار هغه وروستی غږ چې د ژوند د پای په شېبو کې یې د خپل موبایل له لارې ثبت کړ. ایا د بې وسۍ دا غږ هم د افغانانو تر منځ هېرېدونکی دی؟ او د حیات الله پر لار به نور افغانان هم لاړ شي؟
سرچینو افغانستان انټرنشنل - پښتو ته ویلي چې کلید رسنیز ګرپ د بودیجې د کمښت له امله په کندهار، خوست، هرات، غزني بلخ ولایتونو کې خپل سیمهییز دفترونه تړلي او کارکوونکي یې له دندو ګوښه کړي دي.
کابل د افغانستان پلازمېنه او د سیمې له ګڼمېشته ښارونو څخه دی. خو اوس اوس دغه ښار له یوه لوی طبیعي او بشري ناورین سره مخ ښکاري. له اوبو څخه د وچېدو ناورین. پلازمېنه هم د څښاک او هم د سمسورتیا لپاره اوبه نهلري.
رویټرز د دوو ایراني چارواکو، دوو خلیجي سرچینو او یوه سیمهییز ډیپلومات له قوله خبر ورکړی چې ایران د خلیج له هېوادونو غوښتي چې ټرمپ پر ایران له بریدونو را وګرځوي او که نه تهران به د دغو هېوادونو مهم اقتصادي تاسیسات په نښه کړي.
د یونان یوې محکمې پریکړه کړې چې د یوې برېتانوۍ مېرمنې په وژنه تورن ۲۶ کلن افغان سوک وهوونکی به د محاکمې تر وخته په زندان کې پاتې شي. د محکمې سرچینو ویلي، تورن کس د لومړنیو پوښتونو پرمهال د چوپتیا له حقه ګټه اخیستې او له ځواب ورکولو څخه یې ډډه کړې ده.
د پاکستان پوځ ویلي د بلوچستان په واشک او مستونګ ولسوالیو کې یې د دوو جلا عملیاتو په ترڅ کې ۱۲ وسلهوال وژلي دي. د پاکستان پوځ ویلي، په یادو ولسوالیو کې لا هم د وسله والو پر ضد عملیات دوام لري.
د جنرال سمیع سادات په مشرۍ متحده جبهه وايي، چې د چهارشنبې په شپه یې د بغلان ولایت د اندراب ولسوالۍ په دهصلاح سیمه کې د طالبانو پر یوې پوستې برید کړی، چې له نښتې وروسته یې پوسته نیولې او یو شمېر وسلې او تجهیزات یې له ځان سره وړي دي.
د پېښور عالي محکمې په پاکستان کې د لنډمهالې استوګنې په تړاو د پخوانۍ افغان ملي اردو د دوو افسرانو بریالي شریفي او عبدالمجیب غیرت غوښتنلیکونه رد کړل. د یادو افسرانو وکیل افغانستان انټرنشنل ته وویل، چې موکلینو یې د افغانستان په امنیتي ځواکونو کې د «جنرالانو» په توګه دنده ترسره کړې.
د حامد احمدزي په نوم یو بهر میشتي ځوان پر خپله فیسبوک پاڼه ژمنه کړې چې له نن وروسته به د طالبانو اړوند قانوني لارښوونو ته درناوی کوي. نوموړي دا څرګندونې وروسته له هغه کړې، چې د طالبانو استخباراتو یې تېره ورځ ورور د ده د نیوکې له امله ونیوه.
د کابل د امید سبز ښارګوټي استازي، چې د طالبانو له لوري د دغه ښارګوټي د ځمکو د ضبط او د اوسېدونکو د ایستلو له پرېکړې وروسته کندهار ته تللي وو، بېرته کابل ته ستانه شوي دي. سرچینې وايي، د طالبانو د کندهار والي ملا شیرین ژمنه کړې چې د دوی غوښتنه به وڅېړي.
د طالبانو ویاند ذبیح الله مجاهد د ملګرو ملتونو د امنیت شورا وروستۍ ناستې ته غبرګون ښودلی او وايي، د طالبانو دریځ روښانه دی او هیچاته اجازه نه ورکوي چې د افغانستان خاوره د بل پر ضد وکارول شي.
د افغانستان د پخوانۍ ولسي جرګې یو شمېر غړي پاکستان ته تللي چې له پاکستاني پوځي چارواکو سره د طالبانو خلاف د ملاتړ ترلاسه کولو په تړاو خبرې وکړي. په دغو کسانو کې نثار احمد غوریاني، الماس زاهد، اقبال صافی، عالم ساعي، عبدالروف ابراهیمي، الیاس غوریاني او حمیدالله توخي شامل دي.
د پاکستان د بهرنیو چارو وزارت ویاند طاهر حسین اندرابي وایي، اسلاماباد له کابل سره جګړه نه غواړي، خو طالبان باید له پاکستان سره د ښو اړیکو او یا د وسله والو د ملاتړ ترمنځ یو انتخاب کړي.
د مونشن سترې محکمې یو افغان تورن فرهاد ن. د دوو وژنو او د ۲۳ نورو کسانو د وژلو د هڅې په جرم په عمري بند محکوم کړ. محکمې د هغه د جرم «ځانګړې دروندوالی» هم تثبیت کړی، چې له امله یې له ۱۵ کلونو بند وروسته د مشروطې خوشې کېدا امکان ډېر محدودېږي.