د مونشن سترې محکمې یو افغان تورن فرهاد ن. د دوو وژنو او د ۲۳ نورو کسانو د وژلو د هڅې په جرم په عمري بند محکوم کړ. محکمې د هغه د جرم «ځانګړې دروندوالی» هم تثبیت کړی، چې له امله یې له ۱۵ کلونو بند وروسته د مشروطې خوشې کېدا امکان ډېر محدودېږي.
د طالبانو له بیا واکمنېدو ۵کاله وروسته، چین لا هم د طالبانو اداره په رسمیت نه ده پېژندلې. د چین د سوهو رسنۍ په وینا، د ترهګرۍ ګواښونه، د حکومت د جوړښت په اړه اندېښنې، د ښځو د حقونو او زدهکړو محدودیتونه او د سیمهییز ثبات خطرونه هغه عوامل دي چې د بېجینګ دریځ اغېزمنوي.
د مالدووا د بهرنیو چارو وزیر میهای پوپشوی وايي، د طالبانو د پلاوي غړو ته ویزې د قانوني کړنلارو له مخې ورکړل شوې دي، خو چارواکو د دغه سفر سیاسي مناسبوالی نه و ارزولی. پوپشوی زیاته کړې چې د پلاوي د سفر د هدف جزئیات نه شي افشا کولای.
سرچینو افغانستان انټرنشنل ته ویلي چې طالبانو د هلمند، کندهار، ارزګان او زابل ولایتونو په ولسوالیو کې تر ځانګړو شرایطو لاندې د کوکنارو د کښت «غلې اجازه» ورکړې ده. سرچینې وايي، د کوکنارو د کښت اجازه د علماوو شورا په مرسته ورکول شوې ده.
د عادي هوايي ترافیکو د کنټرول سیسټم د نشتوالي له امله نړیوالې الوتکې د افغانستان له هوايي حریم څخه د ځانګړي بیړني سیستم له لارې تېرېږي. د الوتنو د تنظیم لپاره د بوبکېټ سیستم کارول کېږي، چې د بنکاک د هوايي ترافیک ادارې له خوا اداره کېږي.
د روسیې مرستیال لومړي وزیر مارات خوسنولین ویلي چې مسکو غواړي د هند سمندر ته د رېل پټلۍ د بدیلې لارې پر جوړولو غور وکړي، چې د ترکمنستان، ایران، افغانستان او پاکستان له لارې به د هند بازارونو ته د لاسرسي زمینه برابره کړي.
د بلوچستان د سوداګرو ټولنې او جماعت اسلامي ګوند اعلان کړی، چې د جمعې په ورځ به په کوټه او د بلوچستان په نورو ښارونو کې د ناامنۍ او تړلو لارو په غبرګون به د بشپړ ګرځبندیز او د یاد ایالت د لارو د تړلو اقدام عملي کړي.
د طالبانو عدلیې وزارت خبر ورکړی، چې د مرکزي زون د غصب شویو ځمکو قضیو ته د رسېدنې ځانګړې محکمې په ننګرهار ولایت کې ۳۶۳ جریبه ځمکه د دولت ملکیت بللې او بشپړه یې دولتي اعلان کړې ده.
د ملګرو ملتونو د امنیت شورا په غونډه کې د چین استازي ویلي، چې په افغانستان کې مېشتې وسلهوالې ډلې لاهم افغانستان او د دغه هېواد ګاونډیانو ته جدي ګواښ دی. د چین استازي ټینګار کړی، چې د داعش په څېر ډلې لاهم د پولې هاخوا د بریدونو لپاره خپلې انګېزې او وړتیاوې پراخوي.
د ملګرو ملتونو د خوړو او کرنې سازمان خبرداری ورکړی، چې د کیمیاوي سرو د بیو ناڅاپي لوړېدل د افغانستان د ۲۰۲۷کال د غنمو حاصلات له جدي ګواښ سره مخ کړي او د دغه ستونزې د مخنیوي لپاره یې د ۳۸ اعشاریه ۳ مېلیون ډالرو بېړنۍ مرستې غوښتنه هم کړې ده.
د طالبانو د دولتي شرکتونو ریاست خبر ورکړی، چې له چین نه افغانستان ته د معیاري برېښنايي تجهیزاتو د واردولو بهیر پیل شوی. یاد ریاست زیاته کړې، په لومړي پړاو کې به شاوخوا ۲۷ کانټینره د برېښنا د وېش شبکو تجهیزات او اړوند لوازم افغانستان ته راوړل شي.
د بلخ د شادیانو دښتې په پراخو کروندو کې د وچې ځمکې درزونه هر کال ژورېږي. د ګوریمار کلي بزګر رحیم لالا هر سهار له لمر ختو مخکې، چې لا د لمر تودې وړانګې نه وي خپرې شوې، خپلو ځمکو ته ځي.
د سره صلیب نړۍوالې کمېټې په یوه تازه راپور کې ویلي، د ۲۰۲۶کال د جنورۍ له پیل څخه د جون تر پایه یې په افغانستان کې د روغتیا، بیارغونې، خوراکي او نغدو مرستو، پاکو اوبو او د راستنېدونکو کډوالو د ملاتړ په برخه کې خپلو بشري فعالیتونو ته دوام ورکړی دی.
په جرمني کې مېشته افغانه رباب غږوونکې ثریا حسیني چې د شمالي اېرلنډ د بلفاسټ د «فلیا» د موسیقۍ او کلتور په جشنواره کې د ګډون لپاره بلل شوې وايي، غواړي د افغانستان د ښځو غږ نړۍ ته ورسوي.
د کډوالۍ نړۍوال سازمان په افغانستان کې د اقلیمي ناورین له امله د رامنځته کېدونکو پایلو په اړه خبرداری ورکړی او ویلي یې دي، چې له دې پدیدې سره تړلو طبیعي پېښو په بېساري ډول بشري اړتیاوې زیاتې کړې دي.
په هرات کې د طالبانو رسنیز دفتر خبر ورکړی، چې د دغه ولایت لپاره د یادې ډلې والي اسلام جار په افغانستان کې د ایران مرستیال سفیر سید حسن مرتضوي سره د ویزو په ورکړه کې پر اسانتیا خبرې کړې. یاد دفتر زیاتوي، په دغه لیدنه کې د سوداګریزو اړیکو پر زیاتېدو هم بحث شوی.
د پاکستان د بهرنیو چارو وزارت ویاند طاهر اندرابي په یوې خبري ناسته کې د وینا پرمهال ویلي، چې عمان د هرمز تنګي د ستونزې په حل کې مهم رول لوبولی دی. د هغه په وینا؛ اسلاماباد د منځني ختیځ د کړکېچ او د هرمز تنګي د وضعیت په اړه له بېلابېلو هېوادونو سره په اړیکه کې دی.
په دایکنډي کې د طالبانو د امنیې قوماندانۍ رسنیز دفتر خبر ورکړی، چې د دغه ولایت په لزیر سیند کې درې ځوانان د لامبو پرمهال په اوبو کې ډوب او مړه شوي دي. د یاد دفتر په وینا؛ د مړو شویو ځوانانو عمرونه د ۲۱ او ۲۲ کلونو ترمنځ وو.
د بشري حقونو بنسټ، فریډم هاوس او د هندوانو د بشري حقونو سازمان د بلوڅانو د یووالي غورځنګ مشرې ماهرنګ بلوڅ د قضیې په اړه د ملګرو ملتونو د خپلسرو نیونو کاري ډلې ته عریضه وړاندې کړې او د هغې د سملاسي او بېقید و شرطه خوشې کېدو غوښتنه یې کړې ده.
د کابل ښار یو ښوونکی وايي، پرون سهار د خوشحالخان مېنې او افشارو ترمنځ په یوه کورولا ډوله موټر کې سپرو کسانو د غلا هڅه کړې او دی د تېښتې پرمهال ټپي شوی دی. نوموړي له خلکو غوښتي، چې په موټر کې له سپرلۍ سره احتیاط وکړي او خپلو جېبونو او قیمتي توکو ته پام وکړي.
د خیبر پښتونخوا د سویلي وزیرستان د برمل سیمې اوسېدونکو د پاکستان له حکومته غوښتي، چې د شپې لهخوا د ډرون الوتنو، ډزو او چاودنو مخه ونیسي؛ ځکه دغه وضعیت خلک له وېرې او ناامنۍ سره مخ کړي دي.