د طالبانو تر چتر لاندې افغاني سرې میاشتې ټولنې ویلي چې د قطر هېواد په ملاتړ یې د لوی اختر په مناسبت په پکتیکا او کندهار ولایتونو کې ۱۲۸۰ اړمنو کورنیو ته د قربانۍ غوښه وېشلې ده.
د طالبانو د دفاع وزیر مولوي محمد یعقوب مجاهد په مسکو کې د سفارت د کارکوونکو د فعالیتونو، منظمې همغږۍ او په روسیه کې د طالبانو د استازولۍ د چارو ستاینه کړې او ویلي یې دي چې د افغانانو لپاره د قونسلي خدمات باید معیاري او پر وخت وي.
د ملګرو ملتونو د ښځو ادارې ویلي چې په نړۍ کې لا هم میلیونونه ښځې او نجونې د حیض یا میاشتني عادت له امله د تبعیض، شرم او د لومړنیو اړتیاوو له کمښت سره مخ دي. افغانستان هم یو له هغو هېوادونو دی چې په کې د حیض اړوند ناسم دودونه او د امکاناتو کمښت د نجونو پر ژوند اغېز کوي.
د ملګرو ملتونو تر چتر لاندې د جګړو په ترڅ کې د جنسي تاوتریخوالي پر ضد ادارې ویلي، چې په ۲۰۲۵ کال کې په نړۍ کې د جګړو له امله انساني تلفات خورا درانه وو او ملکي وګړي په دوامداره ډول د تاوتریخوالي ښکار شوي دي.
د اوسلو د سولې څېړنیز بنسټ (پي ار ای او) په یوه تازه شننه کې ویلي، چې د افغانستان او پاکستان ترمنځ شخړه د سویلي اسیا له تر ټولو دوامدارو او پېچلو سیمهییزو بحرانونو څخه ده او سره له دې چې ډیپلوماټیکې هڅې روانې دي، خو لا هم د حل لپاره روښانه لید نه تر سترګو کېږي.
د ماشومانو د ملاتړ نړیوال خیریه بنسټ «Save the Children» ویلي، چې په نړۍ کې د خوړو ناامنۍ بحران مخ په زیاتېدو دی او شاوخوا ۱۵۳ میلیون ماشومان د کافي خوړو له جدي کمښت سره مخ دي.
اسراییل اعلان کړی چې د ملګرو ملتونو له سرمنشي انتونیو ګوترش سره خپلې اړیکې ځنډوي. دغه پرېکړه وروسته له هغې شوې چې د راپورونه له مخې، ښايي اسراییل د جګړو پر مهال د جنسي تاوتریخوالي اړوند د ملګرو ملتونو په «تور لېست» کې شامل شي.
د رویټرز خبري اژانس د راپور له مخې، د کولمبیا په سوېل ختیځ کې د کوکایینو د تولید او قاچاق یوې مهمې سیمې د کنټرول پر سر د دوو سیالو وسلهوالو ډلو ترمنځ په نښتو کې لږ تر لږه ۵۲ وسله وال وژل شوي دي.
د ملګرو ملتونو د نفوس صندوق (یو این اېف پي اې) ویلي، په لبنان کې د روان تاوتریخوالي له امله د دغه ادارې تر ملاتړ لاندې د روغتیايي مرکزونو نیمایي فعالیتونه بند شوي، چې له امله یې زرګونه کورنۍ او امیندواره ښځې له اساسي روغتیايي خدماتو بېبرخې شوې دي.
د اروپا په پارلمان کې د بلجیم استازي، مارک بوتنګا، بروکسل ته د طالبانو پر بلنې سختې نیوکې کړې او ویلي یې دي چې اروپايي ټولنه له روسیې سره د خپلو «ارزښتونو» په نوم له خبرو ډډه کوي، خو طالبانو ته بیا «سرې غالۍ» غوړوي.
د اسراییل لومړی وزیر بنیامین نتنیاهو ویلي، د جګړې په پیل کې یې اعلان کړی و چې د منځني ختیځ بڼه به بدله کړي او له پیله روښانه وه چې د حـ. ـماس او حـ. ـزبالله ډلو تر شا د ایران اسلامي جمهوریت ولاړ دی.
د امریکا د خزانې وزیر، سکاټ بسنټ، خبرداری ورکړی چې واشنګټن به هر هغه لوری په سختۍ په نښه کړي چې د هُرمز تنګي کې د محصول د اخیستو په بهیر کې رول ولري.
د طالبانو د عامې روغتیا وزارت چارواکو د لوی اختر په ورځو کې د کابل روغتونونو د عاجلو او دوامدارو روغتیايي خدمتونو پر فعال ساتلو ټینګار کړی او له روغتیايي مرکزونو یې غوښتي چې ناروغانو ته پر وخت او منظم خدمات وړاندې کړي.
د خوست د شیخ زاید پوهنتون یو شمېر محصلان شکایت کوي چې له تېرو دوو سمسترونو راهیسې ورته د بدل اعاشې پیسې نه دي ورکړل شوې او له جدي اقتصادي ستونزو سره مخ دي.
د قرغیزستان د پلازمېنې بیشکک چارواکي وایي، د نړۍ د کوچيانو د دودیزو لوبو شپږم پړاو ته د افغانستان په ګډون د ۵۰هېوادونو استازو تر اوسه خپل ګډون تایید کړی دی.
واشنګټن پوسټ ورځپاڼې راپور ورکړی، چې د ډونالډ ټرمپ د ادارې چارواکي د امریکا د تاسیس د ۲۵۰مې کلیزې په مناسبت د نوموړي له انځور سره د ۲۵۰ ډالري بانکنوټ د چاپولو طرحه تعقیبوي، خو د امریکا اوسنی قانون پر بانکنوټ د ژوندیو کسانو د انځورونو چاپول منع کوي.
د چین د دفاع وزارت ویاند ویلي، چې د دغه هېواد او پاکستان د ځمکنیو، سمندري او هوايي ځواکونو ترمنځ د پوځي تمرینونو لړۍ د دوه اړخیزو دفاعي همکاریو په څرګند او بریالیو پروژو بدل شوي او دواړه هېوادونه د پوځي همکاریو پیاوړتیا ته ژمن دي.
د هرمزتنګي له تړل کېدو وروسته، د ترکمنستان د بهرنیو چارو وزارت ویلي، د دغه هېواد د بهرنیو چارو وزیر رشید مرادوف د ملګرو ملتونو د سیاسي او سولې جوړونې چارو له مرستیالې روزمري ډیکارلو سره د افغانستان له لارې د ټاپي پروژې د عملي کېدو پر لارو چارو خبرې کړې دي.
د امریکا د خزانې وزارت اعلان کړی، چې د بندیزونو له تور نوملړه د ۷۶ کسانو، بېړییو او ادارو نومونه لرې کوي.یاد وزارت ویلي چې دا اقدام به د بندیزونو د سرغړونې او تېښتې د مخنیوي لپاره پر پېچلو او لوړ خطر لرونکو هدفونو د لا زیات تمرکز لامل شي.
طالبانو د ریاست الوزرا ادارې مرستیال عبدالسلام حنفي په کابل کې د علياباد او امیري کمپلکس روغتونونو څخه د لیدنې پرمهال ویلي، چې یاده ډله د روغتیايي سکټور پیاوړتیا، د روغتیايي خدماتو د کیفیت ښهوالي او هېوادوالو ته د لازمو اسانتیاوو برابرولو ته ژمن دي.
د امریکا د پوځ مرکزي قوماندانۍ (سنټکام) اعلان وکړ، چې د ایران د سمندري محاصرې له پیل څخه تراوسه پورې ۱۱۱ روسي او د نورو هېوادونو سوداګریزې بېړۍ مجبورې شوې دي، چې د خپلو سفرونو لوری بدل کړي.