د ایران په زندانونو کې د افغانانو اعدامول
د همه نګاو په نامه د بشري حقونو یو سازمان ویلي، چې د جولای په میاشت کې یعنې د چنګاښ له لسمې څخه د زمري تر نهمې نېټې پورې د ایران په زندانونو کې ۶۱ تنه اعدام شوي چې څلور تنه یې افغانان وو.
د همه نګاو په نامه د بشري حقونو یو سازمان ویلي، چې د جولای په میاشت کې یعنې د چنګاښ له لسمې څخه د زمري تر نهمې نېټې پورې د ایران په زندانونو کې ۶۱ تنه اعدام شوي چې څلور تنه یې افغانان وو.
د حالوش په نوم یوې رسنیزې ډلې هم ویلي< چې په تېرو دوو ورځو کې یوولس تنه بلوڅان او یو افغان په ایران کې اعدام شوي دي.
د هه نګاو د بشري حقونو سازمان د راپور له مخې د بهبهان د سیمې اوسیدونکی بندي هم د سه شنبې پر ورځ د اسد په لسمه نېټه د شیبان اهواز په زندان کې اعدام شو.
د هه نګاو د راپور له مخې د مسعود اسحاق زي په نوم یو افغان د سه شنبې پر ورځ د نشه یی توکو د جرمونو په تور اعدام شوی دی.
حالوش د اعدام د حکم د اجرا کولو پر څرنګوالي ټينګار کړی او وایي، چې یو لړ ګډ موارد لکه د قانون ماتول او په قضایي روال کې نا څرګندتیاوې هغه څه دي چې د دغو کسانو د اعدامولو په حکمونو کې له ورایه څرګند ښکاري.
تر دې وړاندې به هرکال د محرم په میاشت کې د اعدامونو کچه راټیټېدله، خو د حال وش په وینا روان کال د محرم په میاشت کې اعدامونه په ډله ییزه توګه ترسره شوي دي.
دغې رسنۍ دا رنګه «د بلوڅانو د اعدامولو د زیاتوالي بهیر، د ټولنې، ځواکمنو هېوادونو، نړۍوالې ټولنې او هغو رسنیو چې ګڼ کتونکي لري»په چوپتیا اندېښنه ښودلې ده.
د ایران اسلامي جمهوريت تېره میاشت هم هغه دوه تنه افغانان پر دار ځړولي وو چې پر هغوی د شاه چراغ پر زیارت د برید تور پورې شوی و.
