دغه څېړنه چې د ساینټیفک ريپورټس په ژورنال کې خپره شوې، په ساحل ساتونکو کې د بشرپالو کښتیو شتون د پناه غوښتونکو لپاره "د منلو په معنا" نه ګڼل کېږي. څیړونکي وايي، په سمندر کې د انسانانو د ژوند ژغورلو او د کډوالۍ بهیر ترمنځ هیڅ اړیکه نشته.
د اروپایي ټولنې د سرحدونو آژانس، د تونس او لیبیا ساحل ساتونکو، د کډوالو نړۍوال سازمان او د هالنډ نادولتي موسسو د معلوماتو پر بنسټ؛ د ژغورنې عملیات به له سمندر څخه د کډوالو د تیرېدو د ګواښ په منلو کې هيڅ اغېز ونلري.
په دې څېړنه کې راغلي، د اسعارو بیه، د توکو د بیو لوړوالی، د بیکارۍ کچه، جګړه او د هوا حالات هغه څه دي چې د سمندر له لارې د کډوالو د زیاتوالي لامل شوي دي.
د (InfoMigrant) د راپور له مخې، د برلین د هرټي پوهنتون استاد، جولیان ووچرپفینینګ، په یوه خبري کنفرانس کې وویل، "په سمندر کې د انسانانو د ژوند ژغورلو او د کډوالۍ د بهیر ترمنځ هیڅ اړیکه نشته."
هغه ټینګار وکړ ، چې د لټون او ژغورنې فعالیتونه نشي کولی د خپل هېواد پرېښودو لپاره د خلکو ارادې زیاتې کړي. څېړنه وړاندې کاږي، چې په دغه لاره کېدونکي مرستې یوازې د ژغورنې د هڅو پیاوړتیا لپاره دي، نه په سمندر کې د کډالو د زیاتوالي په موخه.
دا څېړنه په اروپا کې د بشرپالو ډلو د شتون د غندلو لپاره د سخت دریځو د پرله پسې ادعاوو وروسته خپره شوې.
د کډوالۍ ضد ډلې وايي، چې د بشري ژغورونکو کښتیو د کډوالۍ بهیر ګړندی کړی دی او کډوال ډېر ډاډه له پولو تېريږي، دوی دا اندېښنه نه لري چې ګنې له پولو به تېر نه شي، که کښتۍ يې ډوبه هم شي، دوی ژغورل کېږي.
