له اوه کلن ځنډ وروسته په تهران کې د سعودي عربستان سفارت بیا پرانیستل شو
د ایران دولتي خبري اژانس ایرنا وايي، چې له اوه کلن ځنډ وروسته په تهران کې د سعودي عربستان سفارت بېرته پرانیستل شو.
د ایران دولتي خبري اژانس ایرنا وايي، چې له اوه کلن ځنډ وروسته په تهران کې د سعودي عربستان سفارت بېرته پرانیستل شو.
ایرنا نن چهارشنبه (د زمري ۱۸مه) د ایران د بهرنیو چارو وزارت د یوه لوړ پوړي چارواکي، چې نه یې غوښتل نوم یې څرګند شي په حواله راپور ورکړی، چې د تېرې یکشنبې په ورځ په تهران کې د سعودي عربستان سفارت بېرته په فعالیت پیل وکړ.
د روان کال په فیبروري میاشت کې د چین په منځګړتوب ایران او سعودي عربستان تر منځ په بېجینګ کې د ډېپلوماتیکو اړیکو د بیا پیلولو په موخه مذاکرات وکړل او په مارچ میاشت کې د همدغو مذاکراتو پر بنسټ یو درې اړخیز تفاهم د ایران، سعودي عربستان او چین تر منځ لاسلیک شو.
د یاد درې اړخیز تفاهم په اساس د جون په شپږمه نېټه ایران په جده، ریاض او د اسلامي همکاریو په سازمان کې خپلې سیاسي نماینده ګۍ پرانیستې.
د همدغه تفاهم په دوام سعودي عربستان هم خپل سفارت په تهران کې پرانیست.
په ۲۰۱۶ کال کې د سعودي عربستان د یوه شیعه عالم د اعدامولو پرېکړه وکړه او په غبرګون یې ایران له سعودي عربستان سره ډېپلوماتیکې اړیکې پرې کړې.
