د باجوړ په ځانمرګي برید کې پنځه پولیس او دوه ملکي وګړي ټپیان دي

نوموړي نن سې شنبه (د زمري ۱۷مه) په یوې خبرپانې کې وویل، چې دوی به هیچا ته دا اجازه ور نه کړي؛ چې د افغانستان خاوره د بل هېواد د امنیت پر خلاف وکارول شي.

خبرپاڼه زیاتوي: "خو دا په دې معنا هم نه ده چې افغانستان د سیمې د هر هېواد د امنیتي ناکامۍ مسوول وي".

په خبرپاڼه کې راغلي چې طالبانو تېر کال په افغانستان کې په بېلابېلو عملیاتو کې اتلس تنه پاکستاني داعشیان وژلي، چې یاد کسان په افغانستان کې د بېلابېلو بریدونو او چاودنو مسوول وو.

د طالبانو د ویاند د دفتر خپرپاڼه زیاتوي چې په افغانستان او سیمه کې د دیني علماوو او مدرسو د بریدونو یوه لویه توطیه روانه ده چې دوی یې په اړه معلومات لري.

دا چې دا دسیسه څه ده؟ په خبرپاڼه کې یې تشریحات نه دي راغلي.

په خبرپاڼه کې د کوم ځانګړي هېواد نوم نه دی اخیستل شوی خو زیاتوي، چې د دغې لویې دسیسې پر وړاندې د سیمې ځینو هېوادونو پر وخت اقدامات نه دي کړي.

سرچینه په پاکستان کې ناامني د پاکستاني امنیتي ارګانونو ناکامي بولي او وايي چې دوی باید خپله دنده په سمه توګه سرته ورسوي؛ نه دا چې د خپلو خلکو او نړۍوالو د ذهنیت بدلولو لپاره پړه پر افغانستان واچوي.

په دې وروستیو کې په پاکستان کې د امنیتي پېښو په شمېر کې د پام وړ زیاتوالی راغلی، وړمه ورځ د پاکستان د پوځ مشر جنرال عاصم منیر د قبایلي مشرانو په یوې غونډې کې ویلي وو، چې د پاکستان په ناامنیو کې د افغان اتباعو لاس لرل به د طالبانو له خوا په دوحه کې شوي تړون ته زیان ورسوي.

هغه زیاته کړې وه چې دوی به د خپلو مخالفینو د ځپلو لپاره له هر ډول اقداماتو کار واخلي.

شهباز شریف د (سولر ټیوب ویلز) د پرانیستې په مراسمو کې ویلي؛ که چېرې د پېسو د نړۍوال وجهي صندق (ای ایم ایف) پروګرام نه وی نو پاکستان به له ډېرو اقتصادي ستونزو سره مخ شوی و.

هغه زیاته کړه: “ خلک به د خپل ژوند د ساتلو لپاره د درملتونونو په مخکې په قطارونو کې ولاړ وئ او په پیټرول پمپونو کې به هم قطارونه جوړ وی”.

د شهباز شریف په وینا چې که څه هم د پېسو د نړۍوال وجهي صدق له خوا دوی ته ډېر سخت شرطونه وړاندې شوي وو، چې له مخې یې دوی نه شول کولی چې په ازاد ډول اداراتو ته سبسیډي ورکړي؛ تر څو د نرخونو په کنټرول کې مرسته وکړي خو د ای ایم ایف پروګرام وکولی شول چې پاکستان له دیوالیه کېدو څخه خوندي وساتي.

د یادونې وړ ده؛ چې تېر کال د پېسو نړۍوال وجهي صندوق (آی ام اف) د پاکستان پر حکومت بندیز لګولی و چې له اداراتو سره به سبسیډي(مرستې) نه کوي خو په هغه وخت کې د پاکستان حکومت د دوی دغه بندیز رد کړی و.

قریشي وايي عمران خان اوس مهال په زندان کې له ډېر بد وضعیت سره لاس او ګرېوان دی او دا یې د واکمن سیاسي حکومت انتقامي کړنه بللې ده.

شاه محمد قریشي تېره ورځ ( اسد ۱۵ مه ) پر ټویټر په یو ویډیويي پیغام کې ویلي چې عمران خان د اډیاله زندان پرځای د اټک زندان ته وړل شوی دی.

قریشي نیوکه کړې، چې عمران خان د اټک په زندان کې هېڅ ډول لومړني امکانات نه لري او ډوډۍ هم ورته په سمه توګه نه ورکول کېږي .

نوموړی زیاتوي؛ د عمران خان ژوند له ګواښ سره مخ دی او باید ژر تر ژره له زندان څخه ازاد کړی شي.

د اسلام اباد د یوې محکمې د حکم پر بنسټ د لاهور پولیسو د شنبې په ورځ پخوانی لومړی وزیر عمران خان په خپل استوګنځي کې ونیو.

د عمران خان په مشرۍ د تحریک انصاف ګوند ویاند له افغانستان انټرنشنل سره په خبرو کې منلې؛ چې ښاغلی خان په زمان پارک کې د امنیتي ځواکونو له خوا په خپل کور کې نیول شوی.

د پولیسو نوموړی هغه وخت بندي کړ چې د اسلام اباد یوې محکمې عمران خان د توشه خانې د دوسیې په تړاو په درې کاله بند محکوم کړ.

نوموړی پنځه کاله له سیاسي فعالیت او په ټاکنو کې له ګډون هم منع شوی دی. هغه باید سل زره کلدارې جرمانه هم ور کړي.

د عمران خان په مشرۍ تحریک انصاف ګوند غړو د خپل مشر په اړه د محکمې دا پرېکړه غندلې او د پاکستان په یو شمېر لویو ښارونو کې یې لاریونونه هم کړي دي.

د پاکستان پوځ د عامه اړیکو دفتر نن دوشنبه ( اسد ۱۶ مه ) په یوه خپره شوې خبرپاڼه کې ویلي؛ د پوځ مشر د پاکستان په وروستیو ناامنیو کې د افغان اتباعو د لاس لرلو او په افغانستان کې د پاکستان ضد وسلوالو مخالفینو د خوندي پټنځایونو په اړه اندېښنه ښودلې او زیاته کړې یې ده چې د خپلو مخالفینو د ځپلو لپاره به له هر ډول اقدامه کار واخلي.

نوموړي دا نه ده روښانه کړې چې ایا د افغانستان پر خاوره مستقیم عملیات کوي که نه؟ خو طالبانو ته په اشارې یې ویلي چې د پاکستان ضد وسلوالې ډلې د افغانستان خاوره کاروي چې دا د دوحې له تړون څخه د طالبانو سرغړونه ده.

د پاکستان پوځ د عامه اړیکو دفتر زیاتوي چې د پوځ مشر جنرال منیر پر وسلوالو مخالفینو غږ وکړ؛ مخکې له دې چې دوی له منځه یوړل شي د پاکستان حکومت ته دې تسلیم شي ځکه دوی بله لار نه لري.

په دې وروستیو کې د پاکستان ګڼو چارواکو ادعاوې کړي چې د پاکستان په وروستیو ناامنیو کې افغان اتباع ونډه لري او د ټي ټي پي لوی مراکز په افغانستان کې دي.

بلخوا طالبانو د پاکستاني چارواکو ادعاوې د تل په شان رد کړي او زیاته کړې یې ده چې هیچا ته به اجازه ورنه کړي چې د افغانستان خاوره د بل هېواد پر ضد وکاروي.

په افغانستان کې د طالبانو مشر ملا هېبت الله د پاکستان په ګډون له افغان خاورې د باندې هر ډول بریدونه «حرام» بللي او هغه يې له اسلامي احکامو سرغړاوی یاد کړی دی.

تر دې وړاندې ملا یعقوب خپلو جنګیالو ته ويلي وو، چې له افغانستانه بهره جهاد نه شته.

د ځايي دولتي ادارې یوه چارواکي رحمت الله ویلي؛ چاودنه ډېورنډ کرښې ته څېرمه په شمالي وزیرستان کې شوې ده.

نوموړی زیاتوي چې د چاودنې سیمې ته د بمونو د شنډولو يوه ډله هم نږدې موجوده وه، خو هغوی ته پکې زیان نه دی رسېدلی.

رحمت الله وايي شک لري چې ښايي دغه ځانمرګي بريدګر خپل چاودېدونکي توکي په تېروتنه او يا هم له وخته مخکې چولي وي؛ چې د چاودنې پر مهال د ځانمرکي بريدګر موټر ته څېرمه په یوه بل موټر کې خاوند او ښځه وژل شوي دي.

تر اوسه معلومه نه ده چې دغه ځانمرکی بریدګر د کومې وسلوالې ډلې اړوند و، خو نا تایید شوي راپورونه وايي چې یاد ځانمرګی د پاکستاني طالبانو پورې تړاو لري.

دا په داسې حال کې ده چې په دې وروستیو کې د پاکستان پر امنیتي ځواکونو د پاکستاني طالبانو(ټي ټي پي) له خوا په بریدونو کې د پام وړ زیاتوالی راغلی.