د امریکا د سمندري طوفان ملي مرکز خبرداری ورکړی چې د ایډیالیا طوفان فلورېډا ته نږدې شوی

د امریکا د ناروغیو د کنټرول او مخنیوي ادارې د شمېرو له مخې؛ د زمري په ۲۱مه پای ته رسېدونکو دوو اونیو کې په روغتونونو کې د بستر شویو کسانو شمېر د تېرو دوو اونیو په پرتله ۲۴ سلنه لوړ شوی دی.

د دغې ادارې د شمېرو له مخې؛ په امریکا کې د کووېډ-۱۹ خپرېدل د سرطان په میاشت کې د پام وړ کم شوي و، خو په دې وروستیو کې معلومه شوې چې د ګڼې ګوڼې په مرکزونو لکه ښوونځیو، کارځایونو او دولتي دفترونو کې د دغه ویروس خپرېدل ډېر شوي دي.

دا شمیرې ښیې، چې په دې وروستیو دوه اونیو کې په امریکا کې د کرونا ناروغانو منځنۍ کچه 3056 وه او په دې هیواد کې له هرو زرو تنو څخه یې پنځلس تنه په روغتون کې بستري وي.

امریکا د تېر کال په جدي میاشت کې د کرونا ناروغۍ له یوې سترې څپې سره مخ شوه، داسې څپې چې د لا زیاتو ټولنیزو محدودیتونو د لګولو لامل شو.

له هغه وروسته دا ناروغي کمه شوه؛ خو د زمري له پيله بيا مخ په خپرېدو شوه.

په دې هېواد کې کارپوهان د کرونا ناروغۍ د پراخېدو د نوې څپې په اړه اندېښمن دي .

د جانز هاپکنز پوهنتون د شمېرو له مخې؛ د دغې ناروغۍ له پيل څخه د تېرې اونۍ د می تر ۱۹مې نېټې پورې په امريکا کې نږدې ۱۰۴ ميليونه کسان په دې ناروغۍ اخته شوي او شاوخوا ۱،۱۲۴ کسان یې له امله مړه شوي دي.

دغه پوهنتون د کرونا د وبا له پیله تر دې دمه د نړۍ د احصایې له مخې ویلي، چې یادې وبا په ټوله نړۍ کې نېږدې ۶ میلیونه نهه سوه زره کسان وژلي دي.

​

د تاجېکستان د ولسمشر امام علي رحمان له دفتره په خبر پاڼه کې چې د دوشنبې په ورځ( د وږي ۶مه)خپره شوې راغلي، چې سختو بارانونو او ځمکې ښویېدنې په دغه هېواد کې یو ناورین رامنځته کړی، چې له امله یې دیارلس کسان مړه شوي دي.

خبرپاڼه زیاتوي، چې دغې پښې د پلازمېنې دوشنبې ته نېږدې په دوو سیمو کې رامنځته شوي دي.

په خبرپاڼه کې راغلي، چې د پېښو سیمو ته د ژغورنې ډلې رسېدلي او یو شمېر خلک ژغورل شوي او خوندي سیمو ته انتقال شوي دي.

خو د بېړنیو پېښو وزارت بیا وايي، چې تر دا مهاله ۱۵ کسان مړه شوي او درې نور ورک دي. دوی په دغه هېواد کې د لا نورو ګواښونو خبرداری ورکړی او ویلي یې دي، چې دوی په دولتي کچه اماده ګي نیولې ده.

د یادونې وړ ده، چې د روان کال په پیل کې د تاجېکستان په یو شمېر سرحدي سیمو کې د واورې ښویېدنې له امله ځینو کورنیو ته مالي او ځاني زیانونه ور اوښتي وو.

ګارډین لیکي، چې طالب چارواکو د دغو ځانوژنو په اړه معلومات نه دي خپاره کړي.

ګارډین دا راپور د عامه روغتونونو او رواني روغتیا کلینیکونو څخه د راټولو شويو معلوماتو پراساس لیکلی.

په همدې حال کې ویل شوي، چې طالبانو په یو شمېر ولایتونو کې د روغتیايي مرکزونو کارکوونکي د ځانوژنو د شمېرو په اړه له معلوماتو ورکولو منع کړي دي.

ګارډین ورځپاڼې د دوشنبې په ورځ (سنبله ۶) لیکلي: "معلومات ښيي چې افغانستان د نړۍ یو له هغو څو هېوادونو څخه دی، چې ښځې پکې د نارینه وو په پرتله زیاتې ځان وژنې کوي."

د دغه راپور له مخې؛ د ملګرو ملتونو چارواکو او د بشري حقونو فعالانو په افغانستان کې د ښځو د ځان وژنې د زیاتوالي په اړه خبرداری ورکړی دی.

د دغو چارواکو په وینا؛ په ټولنه کې د ښځو د حضور د محدودولو، د نجونو پر زده کړو د بندیز لګولو، پارکونو، حمامونو او نورو عامه ځایونو ته د هغوی د ورتګ د بندیز په اړه د طالبانو حکمونو د افغان ښځو وضعیت کړکېچن کړی دی.

په افغانستان کې د ملګرو ملتونو د ښځو د برخې استازې الیسون ډیویډیان وايي؛ افغانستان د ښځو د حقونو د کړکېچ له امله د رواني روغتیا له بحران سره مخ دی.

الیسون ډیویډیان وویل: "موږ په اوسنیو شرایطو کې د ښځو او نجونو د ډېرېدونکي شمېر شاهدان یو چې د ژوند پرځای مرګ غوره کوي."

د ګارډین په وینا؛ په افغانستان کې د ښځو د ځان وژنې شمېره د ښځو د مایوسۍ ژوروالی ښيي.

ورځپاڼې زیاته کړې، چې په افغانستان کې ځان وژنه د شرم خبره ده او اکثره وخت دا پېښې پټېږي.

حتا ځینې ښځې چې د ځان وژنې هڅه کوي بیا وروسته د درملنې لپاره نه منل کیږي او هغه چې مړې کیږي کېدای شي پرته له نوم څخه ښخې شي.

د دې رسنۍ په وینا؛ د ازادۍ او هیلو له لاسه ورکول، په زوره او کم عمره ودونو زیاتوالي په تېرو دوو کلونو کې افغان مېرمنې ډېرې زیانمنې کړې دي.

ګارډین د یوې نجلۍ کیسه رابرسیره کړې چې د ډاکټرې کېدو خوب یې لیدلی و؛ خو د طالبانو له خوا د نجونو د تعلیم د بندولو له حکم وروسته یې دا خوب پوره نه شو.

دغې اتلس کلنې نجلۍ د غور ولایت په مرکز کې وویل: «ما دوه لارې درلودې، یا به ما نشه یي توکو روږدی تره زوي سره واده کړی وی او بدبخته ژوند به مې تېروه او یا به ځان وژنه کومه". هغه وايي، چې دې دویم انتخاب غوره یې کړی و.

لطیفې روغتون ته له لېږدولو او د هوش ته د راتلو وروسته وویل، چې که د هغې د تره زوی چې په نشه یې توکو روږدي دی او بیا ځلې له هغه سره واده ته اړ کړ ی شي، نو بیا به ځان وژنه وکړي.

په روسیه کې د امریکا سفارت تراوسه په دې اړه څه نه دي ویلي.

د روسیې امنیتي ادارې، په جاسوسۍ د تورن کس د نیول کېدو ویډیو هم خپره کړې ده.

د روسیې امنیتي ادارې ( ف‌اس‌ب) ویلي، چې نیول شوي کس تر دې وړاندې په ولاډیوسټوک کې د امریکا په قونسلګرۍ کې کار کاوه.

د روسیې دولتي رسنیو د (ف‌اس‌ب) په حواله ویلي، نیول شوي کس د ۲۰۲۲ کال له سپټمبر راهیسې د امریکا له لوري یوه ماموریت ته ګمارل شوی و چې په اوکراین کې د روسیې د پوځي عملیاتو په اړه معلومات راټول کړي.

په قامي اسمبلۍ کې د سویلي وزیرستان استازی د اګسټ په ۱۹مه، او ایمان مزارۍ د اګسټ په شلمه په اسلام اباد کې پولیسو تر هغه وروسته ونیوله، چې د پښتنو د حقونو د دفاع په موخه د پښتون ژغورنې غورځنګ د مشر له‌خوا په وربلل شوې غونډه کې یې د پاکستان پر حکومت سختې نیوکې وکړې.

پاکستاني پولیسو تر نیول کېدو وروسته وویل، چې دغه دواړه یې د حکومت پر وړاندې د بغاوت په تور نیولي؛ خو دا هغه تورونه دي چې د پښتون ژغورنې غورځنګ وار له مخه رد کړي دي.

پي ټي اېم یا د پښتون ژغورنې غورځنګ ویلي، چې علي وزیر د قانون سره سم د پښتنو د حقونو په دفاع کې غږ پورته کړی دی.

تر دې وړاندې هم علي وزیر څو ځلي د پاکستان د حکومت له‌خوا په ورته تورونو بندي شو،ی چې بیا وروسته بېرته خوشې شوی دی.