د اسلام اباد محكمې د علي وزیر او ایمان مزارۍ ضمانت ومانه
د پلازمېنې اسلام اباد یوې محکمې د پښتون ژغورنې مخکښ غړي او په پخوانۍ قامي اسمبلۍ کې د خلکو استازي علي وزیر او د بشري حقونو فعالې ایمان مزارۍ ضمانت ومانه.
د پلازمېنې اسلام اباد یوې محکمې د پښتون ژغورنې مخکښ غړي او په پخوانۍ قامي اسمبلۍ کې د خلکو استازي علي وزیر او د بشري حقونو فعالې ایمان مزارۍ ضمانت ومانه.
په قامي اسمبلۍ کې د سویلي وزیرستان استازی د اګسټ په ۱۹مه، او ایمان مزارۍ د اګسټ په شلمه په اسلام اباد کې پولیسو تر هغه وروسته ونیوله، چې د پښتنو د حقونو د دفاع په موخه د پښتون ژغورنې غورځنګ د مشر لهخوا په وربلل شوې غونډه کې یې د پاکستان پر حکومت سختې نیوکې وکړې.
پاکستاني پولیسو تر نیول کېدو وروسته وویل، چې دغه دواړه یې د حکومت پر وړاندې د بغاوت په تور نیولي؛ خو دا هغه تورونه دي چې د پښتون ژغورنې غورځنګ وار له مخه رد کړي دي.
پي ټي اېم یا د پښتون ژغورنې غورځنګ ویلي، چې علي وزیر د قانون سره سم د پښتنو د حقونو په دفاع کې غږ پورته کړی دی.
تر دې وړاندې هم علي وزیر څو ځلي د پاکستان د حکومت لهخوا په ورته تورونو بندي شو،ی چې بیا وروسته بېرته خوشې شوی دی.
