جوزپ بورل: اروپايي اتحادیه باید نور اوکرایني ځواکونه وروزي
د اروپايي ټولنې د بهرنۍ تګلارې مسوول وړاندیز کړی، چې اروپا باید د روان میلادي کال تر پایه ۴۰ زره اوکرایني پوځیانو ته پوځي روزنه ورکړي.
د اروپايي ټولنې د بهرنۍ تګلارې مسوول وړاندیز کړی، چې اروپا باید د روان میلادي کال تر پایه ۴۰ زره اوکرایني پوځیانو ته پوځي روزنه ورکړي.
د جوزپ بورل په وینا؛ اروپايي ټولنې موافقه کړې چې د روان میلادي کال تر پایه به ۳۰ زره اوکرایني پوځیان روزي.
د اروپايي ټولنې د دغه چارواکي په وینا؛ د دغه برنامې له مخې تر اوسه ۲۵ زره اوکرایني پوځيانو روزنه ترلاسه کړې ده.
هغه د چهارشنبې په ورځ (د وږي اتمه) په هسپانیه کې د اروپايي ټولنې د دفاع وزیرانو غونډې په څنډه کې وویل، چې دوی د اوکراین د ثبات د تامین لپاره د حل لارې په لټه کې دي.
د اروپايي ټولنې د بهرنۍ تګلارې مسوول زیاته کړه، چې په اوکراین کې له جګړې وروسته هم باید د دغه هېواد د بیارغونې لپاره مالي مرستې دوام ومومي.
د هغه په وينا؛ په هسپانيه کې د اروپايي ټولنې د چارواکو په غونډه کې به له اوکراين سره د مرستو پر دوام خبرې وشي.
د اوکراين د نیول شويو سيمو د بيا ادغام وزارت؛ د سرطان په اتمه نېټه اعلان وکړ چې پر دغه هېواد د روسيې له بريد وروسته کيف ته څه د پاسه ١٧٠ مليارده يورو ځانګړې شوي دي.
