د روسيې د دفاع وزير په دغه هېواد کې د پوځي توليداتو د زياتولو امر وکړ
د روسيې د دفاع وزير امر وکړ، چې د هېواد د هوايي دفاع د پياوړتيا لپاره د پوځي تجهيزاتو؛ په تېره بيا د څارنې رادارونو توليد زيات کړي.
د روسيې د دفاع وزير امر وکړ، چې د هېواد د هوايي دفاع د پياوړتيا لپاره د پوځي تجهيزاتو؛ په تېره بيا د څارنې رادارونو توليد زيات کړي.
سرګي شایګو دغه حکم د چهارشنبې په ورځ (د وږي ۸مه) مسکو ته نېژدې د پوځي تولیداتو له یوه کمپلکس څخه د لیدنې پر مهال صادر کړ.
د روسیې د دفاع وزارت اعلان وکړ، چې د سرګي شایګو حکم د دې هېواد د هوایي دفاع د پیاوړتیااو په «ځانګړو پوځي عملیاتو» کې د تجهیزاتو کارولو لپاره صادر شوی.
د روسيې د دفاع وزارت د اعلاميې له مخې؛ ټاکل شوې چې د دغه هېواد د پوځي تولیداتو تولید به په پراخ ډول لوړ شي.
سرګي شایګو ټینګار وکړ، چې په اوکراین کې د «روسیې د ځانګړو پوځي عملیاتو» لپاره د تجهیزاتو برابرول یو لومړیتوب دی.
د روسیې د دفاع وزیر له دې شرکت څخه وغوښتل چې د پوځي تجهیزاتو د تولید د زیاتوالي لپاره دې «شپه او ورځ» کار وکړي.
د روسیې دفاع وزارت د چهارشنبې په سهار اعلان وکړ، چې د اوکراین د بې پیلوټه الوتکو په بریدونو کې د دغه هېواد شپږ سیمې په نښه شوې دي، چې له هغه وروسته د مسکو څو هوايي ډګرونه د الوتکو د ښکته کېدو او پورته کېدو پر مخ وتړل شول.
