په بلوچستان کې د چورلکې د لوېدو له امله درې پوځیان وژل شوي دي
د پاکستان د بلوچستان ایالت په ساحلي ښار ګوادر کې د دغه هېواد د سمندري ځواک یوه چورلکه لوېدلې چې پکې درې تنه پوځیان وژل شوي دي.
د پاکستان د بلوچستان ایالت په ساحلي ښار ګوادر کې د دغه هېواد د سمندري ځواک یوه چورلکه لوېدلې چې پکې درې تنه پوځیان وژل شوي دي.
د پاکستان سمندري ځواک په یوه بیان کې د یادې پېښې د تایید تر څنګ رسنیو ته ویلي، چې دغه پېښه د ازمایشي پرواز د جریان پر مهال رامنځته شوې ده.
اعلامیه زیاتوي، چې د چورلکې د الوتنې پر مهال په چورلکه کې تخنیکي ستونزه راپېښه شوې وه، چې پېلوټانو یې غوښتل بېړنۍ ناسته وکړي مګر چورلکه لوېدلې ده.
د پاکستان پوځ د یادې چورلکې پر لوېدو خواشیني څرګنده کړې او د پلټنو امر یې کړی دی.
د یادوړنې وړ ده، چې له دې وړاندې هم د پاکستان په بلوچستان کې یوه چورلکه رالوېدلې وه، چې پکې سپاره پېلوټان او پوځیان وژل شوي وو.
