د اوکراین پارلمان د دفاع وزارت څخه د الکسي رزنیکوف ګوښه کېدل ومنل
د اوکراین پارلمان د دغه هېواد د دفاع وزیر الیکسي رزنیکوف ګوښه کېدل د رایو په اکثریت تایید کړل.
د اوکراین پارلمان د دغه هېواد د دفاع وزیر الیکسي رزنیکوف ګوښه کېدل د رایو په اکثریت تایید کړل.
وروسته له هغه چې پارلمان د رزنیکوف د ګوښه کولو په اړه رایه ورکړه، د اوکراین د پارلمان غړي یاروسلاو ژیلزنیاک په خپل ټیلیګرام چینل کې لیکلي چې د استازو اکثریت د هغه د ګوښه کولو ملاتړ کوي.
د اوکراین ولسمشر ولادیمیر زیلینسکي تېره یکشنبه اعلان وکړ، چې د خپلې کابینې دغه غړی یې له دندې ګوښه کړی او یوه ورځ وروسته ښاغلي رزنیکوف پارلمان ته خپله استعفاء اعلان کړه.
ښاغلي زیلینسکي د روستم عمروف په نامه یو کریمیایي تاتار وړاندیز کړی، چې د الیکسي رزنیکوف پر ځای د دفاع د وزیر په توګه ټاکلی دی.
ښاغلی عمروف پخوا د اوکراین د پارلمان غړی و او اوس مهال د دغه هېواد د دولتي املاکو د صندوق مشر دی.
د اوکراین د دفاع وزارت رهبري په داسې وخت کې چې دغه هېواد له روسیې سره په سخته جګړه کې ښکېل دی د اوکراینیانو لپاره ډېر مهم دی.
دغه سازمان خبرداری ورکړی، چې که په دوو میاشتو کې یې مرستې ونه رسېږي، د مرستو کچه به ۱۰ میلیونه کسانو ته راکمه شي.
د خوړو نړۍوال پروګرام خبرداری ورکړی، چې که بودیجه پای ته ورسي نو په افغانستان کې به یو "ناوریني" ژمی وي. دا په داسې حال کې ده چې له دې وړاندې هم مرستې کمې شوې وې.
د مالي منابعو د غوښتنې سره - سره، ملګري ملتونه نه دي توانیدلي چې د مرسته ورکوونکو ملاتړ راجلب کړي او یوازې د اټکل شوي مقدار څلورمه برخه یې راټوله کړې ده.
د خوړو نړۍوال پروګرام وايي؛ که مرستې ور نه کړل شي، د لرې پرتو سیمو ۹۰ سلنه خوراکي توکو مرستې به قطع کیږي او حتا د لاس رسي په سیمو کې به هم خلک د سختې یخې هوا پر مهال هېڅ ډول مرستې ترلاسه نه کړي.
په افغانستان کې د WFP مشر هسیا وی لی رویټرز ته وویل: "دا یو ډول ناورین دی چې موږ یې باید مخنیوی وکړو."
د خوړو نړۍوال پروګرام وايي، چې د مرستو په ترلاسه کوونکو کې ۲۰ سلنه ښځې دي.
د راپورونو له مخې شاوخوا درې پر څلورمه برخه افغانان بشري مرستو ته اړتیا لري او د ۲۰۲۱ کال په اګسټ کې د طالبانو د واک له ترلاسه کولو راهیسې د فقر او لوږې کچه د پام وړ لوړه شوې ده.
په همدې حال کې هغه پرمختیايي مرستې چې د پخوانۍ ادارې د مالي مرستو ستون فقرات وو؛ قطع شوې دي، د طالبانو اوسنۍ اداره له بندیزونو سره لاس او ګریوان ده او په امریکايي بانکونو کې د افغانستان بانک زیرمې کنګل شوې دي.
په ښځو باندې د طالبانو سخت محدودیتونه او له بشري حقونو څخه پراخه سرغړونې هغه عوامل دي، چې د دې لامل شوي چې نړۍواله ټولنه د دې ډلې رژیم په رسمیت ونه پېژني.
دې مسالې ډېری مرستندویان اړ کړي چې له افغانستان سره مرستې بندې کړي.
خو په افغانستان کې د خوړو د نړۍوال پروګرام چارواکي له نړۍوالې ټولنې وغوښتل چې د اړو کسانو حسابونه له طالبانو جلا کړي.
دوی خبرداری ورکړ چې دا بې وزله ماشومان او میندې دي چې د اوسني حالاتو قیمت پرې کوي.
د خوړو نړۍوال پروګرام وايي؛ د مرستو په ترلاسه کوونکو کې ۲۰ سلنه یې ښځې دي، چې د زرګونو بې سرپرستو کورنیو مشري کوي.
دې ادارې ویلي چې د مارچ تر میاشتې پورې د خپلو مرستندویه پروګرامونو تمویل لپاره 1 ملیارد ډالرو ته اړتیا لري.
