د ټاکنو د خپلواک کمېسیون پخوانی مشر یوسف نورستانی د طالبانو په بلنه کابل ته ستون شو
د هرات پخوانی والي او د افغانستان د ټاکنو د خپلواک کمېسیون پخوانی مشر احمد یوسف نورستانی د طالبانو په بلنه کابل ته ستون شو.
د هرات پخوانی والي او د افغانستان د ټاکنو د خپلواک کمېسیون پخوانی مشر احمد یوسف نورستانی د طالبانو په بلنه کابل ته ستون شو.
د طالبانو تر کنټرول لاندې ملي ټلویزیون د سې شنبې په ورځ (دوږي په ۱۴مه) پر خپلې اېکس(ټویټر) پاڼه لیکلي، چې هغه "له افغان شخصیتونو سره د تماس د کمېسیون د هڅو له امله" راستون شوی دی.
دغه ټلویزیون د ښاغلي نورستاني یو عکس خپور کړی، چې ښيي ځینو طالب چارواکو ظاهراً د کابل په هوايي ډګر کې د هغه هرکلی کړی دی.
ښاغلی نورستانی په ۲۰۱۴ کال کې د ټاکنو کمېسیون مشر و. پخوانی ولسمشر اشرف غني د دغو جنجالي ټاکنو په پایله کې واک ته ورسېد.
یوسف نورستاني کابل ته د خپل راتګ په اړه څه نه دي ویلي.
په 2018 کې د امریکا یوې فیدرالي محکمې ښاغلي نورستاني ته د "د عامه شتمنیو د غلا" په جرم په شپږ میاشتې کور کې د نظر بندۍ او درې کاله د هغه د کړنو د څارنې سزا واوروله.
ښاغلي نورستاني اعتراف وکړ، چې د 2015 او 2018 ترمنځ یې د خپل سفر او استوګنې په اړه دروغ ویلي او په غیرقانوني توګه یې له 100,000 ډالرو څخه ډېرې دولتي مرستې ترلاسه کړې.
له دې تورونو وروسته د افغانستان پخواني حکومت اعلان وکړ، چې ښاغلی نورستاني افغان-امریکايي تابعیت لري.
ښاغلی نورستانی په ۱۳۹۲ کال کې د ټاکنو کمېسیون مشر شو او په ۱۳۹۵ کال کې یې استعفاء وکړه.
له استعفا وروسته د افغانستان د مشرانو جرګې غړی شو.
د طالبانو په اداره کې له افغان شخصیتونو سره د اړیکو د کمېسیون ویاند احمدالله وثیق وايي، په تېرو دوو کلونو کې د تېر حکومت ۶۵۵ چارواکي د دغې ډلې په بلنه هېواد ته راستانه شوي دي.
طالبانو په دې وروستیو کې اعلان وکړ، چې دغو کسانو ته یې د مصونیت کارتونه ورکړي دي.
دغه سازمان خبرداری ورکړی، چې که په دوو میاشتو کې یې مرستې ونه رسېږي، د مرستو کچه به ۱۰ میلیونه کسانو ته راکمه شي.
د خوړو نړۍوال پروګرام خبرداری ورکړی، چې که بودیجه پای ته ورسي نو په افغانستان کې به یو "ناوریني" ژمی وي. دا په داسې حال کې ده چې له دې وړاندې هم مرستې کمې شوې وې.
د مالي منابعو د غوښتنې سره - سره، ملګري ملتونه نه دي توانیدلي چې د مرسته ورکوونکو ملاتړ راجلب کړي او یوازې د اټکل شوي مقدار څلورمه برخه یې راټوله کړې ده.
د خوړو نړۍوال پروګرام وايي؛ که مرستې ور نه کړل شي، د لرې پرتو سیمو ۹۰ سلنه خوراکي توکو مرستې به قطع کیږي او حتا د لاس رسي په سیمو کې به هم خلک د سختې یخې هوا پر مهال هېڅ ډول مرستې ترلاسه نه کړي.
په افغانستان کې د WFP مشر هسیا وی لی رویټرز ته وویل: "دا یو ډول ناورین دی چې موږ یې باید مخنیوی وکړو."
د خوړو نړۍوال پروګرام وايي، چې د مرستو په ترلاسه کوونکو کې ۲۰ سلنه ښځې دي.
د راپورونو له مخې شاوخوا درې پر څلورمه برخه افغانان بشري مرستو ته اړتیا لري او د ۲۰۲۱ کال په اګسټ کې د طالبانو د واک له ترلاسه کولو راهیسې د فقر او لوږې کچه د پام وړ لوړه شوې ده.
په همدې حال کې هغه پرمختیايي مرستې چې د پخوانۍ ادارې د مالي مرستو ستون فقرات وو؛ قطع شوې دي، د طالبانو اوسنۍ اداره له بندیزونو سره لاس او ګریوان ده او په امریکايي بانکونو کې د افغانستان بانک زیرمې کنګل شوې دي.
په ښځو باندې د طالبانو سخت محدودیتونه او له بشري حقونو څخه پراخه سرغړونې هغه عوامل دي، چې د دې لامل شوي چې نړۍواله ټولنه د دې ډلې رژیم په رسمیت ونه پېژني.
دې مسالې ډېری مرستندویان اړ کړي چې له افغانستان سره مرستې بندې کړي.
خو په افغانستان کې د خوړو د نړۍوال پروګرام چارواکي له نړۍوالې ټولنې وغوښتل چې د اړو کسانو حسابونه له طالبانو جلا کړي.
دوی خبرداری ورکړ چې دا بې وزله ماشومان او میندې دي چې د اوسني حالاتو قیمت پرې کوي.
د خوړو نړۍوال پروګرام وايي؛ د مرستو په ترلاسه کوونکو کې ۲۰ سلنه یې ښځې دي، چې د زرګونو بې سرپرستو کورنیو مشري کوي.
دې ادارې ویلي چې د مارچ تر میاشتې پورې د خپلو مرستندویه پروګرامونو تمویل لپاره 1 ملیارد ډالرو ته اړتیا لري.
