د اسلام اباد سترې محکمې د پنجاب د پخواني مشر وزیر چودري پرویز الهي د خوشې کولو حکم کړی
راپورونه وايي، چې د سې شنبې په ورځ(د وږي ۱۴مه) د پنجاب پخواني مشر وزیر د نظر بندۍ حکم وځنډاوه او د نوموړي د خوشې کېدو حکم یې صادر کړ.
راپورونه وايي، چې د سې شنبې په ورځ(د وږي ۱۴مه) د پنجاب پخواني مشر وزیر د نظر بندۍ حکم وځنډاوه او د نوموړي د خوشې کېدو حکم یې صادر کړ.
پرویز الهي چې د پاکستان تحریک انصاف ګوند له مخکښو غړو څخه دی او د عمران خان د حکومت پر مهال د پنجاب صوبې مشر وزیر و، د روان کال په جون میاشت کې د فساد په تور په لاهور کې نیول شوی و.
هغه وخت پولیسو اعلان وکړ، چې نوموړی د فساد په یوې قضیې کې ښکېل دی.
پرویز الهي له نیول کېدو وروسته رسنیو ته ویلي وو، چې حکومت یې پر وړاندې یوه سیاسي دسیسه جوړه کړې او کوښښ کوي چې نوموړی زنداني شي.
اوس د اسلام اباد محکمې حکم کړی، چې پولیس به چودري پرویز په بلې کومې قضیې کې نه نیسي او سر له نن نېټې څخه نوموړی ازاد دی.
خو "ده نیوز" خبري اژانس د هغه د وکیل په حواله ویلي، چې د پرویز الهي د خوشې کېدو له حکم وروسته هم پولیسو نوموړی یو ځل بیا نیولی دی.
د یادونې وړ ده، چې اوسمهال د تحریک انصاف ګوند د مشر عمران خان په شمول د هغه د کابینې ګڼ وزیران زندانیان او یا هم تر تعقیب لاندې دي.
