د افغانستان د فوټبال د ۲۳ کلنو ملي لوبډلې له ایران څخه په څلورو ګولونو ماتې وخوړه

د ۲۰۲۲ میلادي کال د مې په ۲۲مه نېټه، رایسا دي فریتش هم له انتوني د تاوتریخوالي له امله شکایت کړی.

د ګابریلا کالاوین پر شکایت سربیره، د انتوني په وړاندې دوه نور شکایتونه هم شته. «رایسا ډی فریتش» هم ادعا کوي چې د انتوني لخوا هغه مهال ورسره تاوتریخوالی وشو، چې د هغه غوښتنې ته یې «نه» وویل او وروسته بیا روغتون ته لیږدول شوې.

ویل کیږي چې ریکارډ شبکه به ډېر ژر د دریمې شکایت کوونکې مرکه خپره کړي.

لومړنی شکایت د انتوني د ژوند د ملګرې ګابریلا لخوا ثبت شوی و، چې هغه یې په کورني تاوتریخوالي تورن کړ.

هغه پیښه چې د ۲۰۲۳میلادي کال په جنوري میاشت کې رامنځته شوه او د UOL راپور له مخې ، انتوني هغه ​​​​سر ته په لغتو او سوکانو وهلې چې د نوموړې د ټپې کیدو لامل شو.

ګابریلا د ۲۰۲۳ میلادي کال په جون میاشت کې د برازیل په سایوپاولو کې د انتوني په وړاندې خپل شکایت ثبت کړ. هغې د انتوني په اړه د مانچسټر ښار پولیسو ته هم شکایت کړی دی.

ګابریلا وویل، چې په ۲۰۲۲ میلادي کال کې د انتوني تاوتریخوالی د دې لامل شو چې د مېندوارۍ په شپاړلسمه اونۍ کې خپل ماشوم زیان کړي.

مانچسټر یونایټیډ چې له اوږدې مودې راهیسې د میسون ګرینوود له قضیې سره مخامخ و، اوس د انتوني له دې جنجال سره ښکیل دی.

دا کلب څو ورځې وړاندې په یوه رسمي بیان کې د انتوني پروړاندې تورونه تایید او لیکلي یې دي: "مانچسټر یونایټیډ د انتوني پروړاندې تورونه تایید کړي او اعلان کوي، چې پولیس په دې اړه خپلې څیړنې کوي. کلب د نورو معلوماتو په تمه دی او په دې اړه نور خپل نظر نه څرګندوي. د یوه کلپ په توګه، د کورني تاوتریخوالي قربانیانو باندې د دې تورونو او پایلو په پام کې نیولو سره دا مسله جدي ګڼو».

د مانچسټر ښار پولیسو هم څو ورځې وړاندې په دې قضیه کې خپلې پلټنې پیل کړې دي.

 په داسې حال کې چې راموس کولې شول، د عربستان لیګ کې د ډېرو پیسو ترلاسه کولو سره پاتې شي، خو راموس هغه کلب ته راستون شو، چې د نوموړي په مسلکي فوټبال پرمختګ کې یې رنګین رول درلود.

د سویا مینه وال په ۲۰۰۵ میلادي کال کې د راموس د جنجالي وتلو له امله؛ له هغه مایوسه شوي وو او تمه نه کېده چې له داسې هرکلي سره مخ شي.

راموس په کلب کې خپلو مینه والو ته په وینا کې وویل: «زه تل له دې لوبغالي څخه منندوی یم او موږ به د ګډو اهدافو لپاره کار وکړو.».

هغه زیاته کړه: «هیله مند یم چې دومره ښه چانس ولرم چې دلته ځینې سرلیکونه ترلاسه کړم. موږ کولې شو یو جام وګټو. له هر څه مهم په خپلو وړتیاوو باور کول دي».

راموس له سویا سره یو کلن تړون لري او تمه ده، چې د دې کلب څلورم نمبر کمیس واغوندي.

سرېلانکا لوموړی توپ وهنه پیل کړه او په ټاکل شویو اورونو کې یې د ۸ لوبغاړو په سوځېدو ۲۹۲ منډې هدف وټاکه. د توپ اچونې په برخه کې ګلبدین نایب څلور، راشد خان دوه او مجیب ځدراڼ یو لوبغاړی وسوځاوه.

ورپسې افغانستان د ټولو لوبغاړو په سوځېدو سره ۲۸۹ منډې وکړې او په دې سره افغانستان خپله دویمه لوبه هم وبایلله.

د یادونې وړ ده، چې له دې وړاندې افغانستان له بنګله دېش سره هم ورته سیالي ترسره کړه، چې په هغه لوبه کې یې هم ماتې خوړلې وه.

کابل مېشتي شرف نایب د افغانستان انټرنشنل خبریالې ولولې کوچۍ ته ویلي، چې دغه کپ یې د لسو ورځو په اوږدو کې جوړ کړی او دا مهال دغه کپ په کابل کې دی، چې تېره ورځ یې د کابل ښار د شاه دوشمشېره جومات مخکې نندارې ته وړاندې کړ.

شرف نایب وايی:«د اسیا جام له سیالیو د افغان لوبډلې د بېرته ستنېدو وروسته د تشویق او هرکلي په موخه مې دغه کپ جوړ کړی دی.»

هغه زیاتوي:« زه غواړم، چې د اسیا جام په دغو روانو سیالیو کې، چې نن هم د سریلانکا پر وړاندې زموږ ملي لوبډله لوبېږي، بریا ترلاسه کړي او د اسیا جام په سیالیو کې وتوانېږي، چې ځان پای لوبې ته ورسوي.»

بنګله دېش پچه وګټله او د توپ وهنې پرېکړه یې وکړه. دغې لوبډلې په ۵۰ اورونو کې د خپلو پنځو لوبغاړو په له لاسه ورکولو سره افغانستان ته د ۳۳۵ منډو هدف وټاکه. افغانستان ټاکل شوي هدف ته ونه رسېد او له ماتې سره مخ شو.

دا لوبه نن د پاکستان د لاهور ښار په ۲۷ زره کسیز قذافي لوبغالي کې ترسره شوه، چې افغان لوبډلې په ۴۴،۳ اورونو کې خپلو ټولو لوبغاړو په له لاسه ورکولو سره ۲۴۵ منډې جوړې کړې وې او بنګله دېش ترې په ۸۹ منډو وګټله.

په لومړۍ پاڼۍ کې د بنګله دېش له لوري مهدي حسن او نجم الحسین شانتو په ترتیب سره ۱۱۲ او ۱۰۴ منډې وکړې. دغو دوو لوبغاړو د بنګله دېش لپاره د ټولو ۳۳۴ منډو له جملې ۲۱۶ منډې وکړې او د خپل هېواد په بریا کې یې ستر رول ولوباوه.

د لوبې په دویمه نیمايي کې د افغانستان له لوري ابراهیم ځدراڼ په ۷۵ منډو او حشمت الله شهیدي ۵۱ منډو جوړولو سره تر نورو لوبغاړو ښه وځلېدل.

د توپ وهنې په برخه کې د بنګله دیش له لوري تسکین احمد څلور او شریف الاسلام درې ویکټې واخیستې.

د دې لوبې پایله د دواړو لوبډلو لپاره ډېره مهمه او حیاتي وه، په ځانګړې توګه د بنګله دېش لپاره چې څو ورځې وړاندې یې په دې جام کې خپله لومړۍ لوبه سریلانکا ته بایللې وه. دا د دوی لپاره یوازینی چانس پاتې و، چې وروستیو څلورو ټیمونو او اتلولۍ ته ورسي.

تر دا مهاله په دویم ګروپ کې د سریلانکا او افغانستان لوبډلو یوه - یوه لوبه کړې او بنګله دېش دوه لوبې کړي دي. د افغانستان راتلونکې لوبه به دوه ورځې وروسته په همدې لوبغالي کې له سریلانکا سره وي.