د خوړو نړۍوال پروګرام: څه باندې یو میلیون افغانان د لوږې له بېړنۍ کچې سره مخ دي
د خوړو نړۍوال پروګرام وايي، افغانستان اوس د نړۍ یو له هغو لسو هېوادونو څخه دی چې له یو میلیونه ډېر وګړي یې د لوږې له بېړني حالت سره مخ دي.
د خوړو نړۍوال پروګرام وايي، افغانستان اوس د نړۍ یو له هغو لسو هېوادونو څخه دی چې له یو میلیونه ډېر وګړي یې د لوږې له بېړني حالت سره مخ دي.
دغه پروګرام نن په اېکس شبکه کې د دغې ادارې د «۲۰۲۳ کال د خوراکي توکو د ناورین د نړۍوال راپور» په حواله د لسو هغو هېوادونو په اړه شمېرې خپرې کړې چې له یو میلیون څخه زیات وګړي یې د لوږې له بېړنۍ کچې سره مخامخ دي.
د دغو شمېرو له مخې، سوډان افغانستان او د کانګو جمهوریت هغه درې هېوادونه دي چې د نړۍ د نورو هېوادونو پرتله د بېړنۍ لوږې په کچه ډېر خلک لري.
دغه شمېرې په داسې حال کې خپریږي، چې مرستندویه بنسټونو په وار، وار سره په افغانستان کې له زیانمنو خلکو سره د مرستې لپاره د بودجې د کموالي خبرداری ورکړی دی.
د خوړو د نړۍوال پروګرام اجرایوي مشر په دې وروستیو کې خبرداری ورکړی، چې دغه اداره د اکټوبر میاشتې د تېرولو لپاره کافي بودجه نه لري او که مرستې ورنهکړل شي، د افغانستان پرېښودو ته به اړ شي.
پر افغانستان د طالبانو له واکمنۍ وروسته په دغه هېواد کې د وزګارۍ او بېوزلۍ کچه په بې ساري توګه لوړه شوې، چې مرستندویه ادارې یې اندېښمنې کړې دي.
