د پښتونخوا د هنګو ولسوالۍ په دوابه کې د جمعې لمانځه پر مهال د پولیسو په جومات کې ځانمرګی برید شوی دی. د پولیسو په وینا په دې پېښه کې درې کسان وژل شوي او ۱۳ ټبیان دي. لا هم د دې برید مسوولیت کومې ډلې نه دی منلی.
یوې سرچینې افغانستان انټرنشنل ته وویل، چې یوه ځانمرګي د پولیسو د تاڼې په دروازه کې چاودنه کړې او بل جومات ته ځان رسولی دی.
د دې سرچینې په خبره، دې پېښه کې تراوسه د درې کسانو د وژل کېدو او ۱۳ نورو د ټپي کېدو خبره کېږي.
خواله رسنیو کې داسې ویډیو هم خپره شوې چې پکې خپړه لګیا ده او کنډوالې پورته کوي.
ویډیو کې خلک وايي، چې د جومات په غورځېدو سره ډېر خلک تر کنډوالو لاندې شول.
ځايي چارواکو تراوسه د دې پېښې په هکله څه نه دي ویلي.
نن د بلوچستان په مستونګ ولسوالۍ کې هم د میلادالنبي په مراسمو کې د چاودنې له امله تر ۵۲ کسان ووژل او همدومره ټپیان شول.
د پاکستاني طالبانو ویاند عمر خراساني د مستونګ برید کې لاس لرل رد کړي دي او بلې ډلې هم په غاړه نه دی اخیستی.
