د افغانستان په چارو کې د چین استازي په کازان کې د مسکو په غونډه کې وویل چې په افغانستان کې د سولې ټینګښت د ښځو د حقونو تامین او په دغه هېواد کې د یوه ټول شموله حکومت جوړول دي. یوشیایونګ زیاته کړه چې د افغانستان ګاونډیان هڅه کوي چې د دغه هېواد وضعیت ښه کړي.
د مسکو غونډه د کازان په ښار کې د لسو هېوادونو د استازو په حضور کې جوړه شوه.
د چین استازي د افغانستان د روان وضعیت پړه پر امریکا واچوله او په ورته وخت کې یې زیاته کړه چې بیجینګ د افغانانو د اقتصادي وضعیت د ښه کولو لپاره هڅې کړې دي.
نوموړي د مسکو په غونډه کې ګډونوالو هېوادونو ته په خطاب کې د افغانستان د وضعیت د ښه والي لپاره د ګاونډیو هېوادونو پر همکارۍ ټینګار وکړ.
د هغه په وينا، نشه يي توکي او ترهګري نورې هغه ستونزې دي، چې بايد پر وړاندې يې عملي ګامونه پورته شي.
هغه ټینګار وکړ چې طالبانو " داعش ـ خراسان څانګه او د هغې مشرتابه د له منځه وړی، خو دا کافي نه دي."
یوشیایونګ پر طالبانو د بندیزونو د لرې کېدو غوښتنه هم وکړه.
