د ترکیې پولیسو په اماسیا ښار کې د ۱۶ افغان کډوالو د نیولو خبر ورکړ
د ترکیې پولیسو د دوشنبې په ورځ په اماسیا ښار کې ۱۶ تنه افغان کډوال چې په یوه موټر کې پټ شوي وو، ونیول. د ترکي رسنیو د راپور له مخې، موټر چلوونکی هم د پولیسو لهخوا نیول شوی دی.
د ترکیې پولیسو د دوشنبې په ورځ په اماسیا ښار کې ۱۶ تنه افغان کډوال چې په یوه موټر کې پټ شوي وو، ونیول. د ترکي رسنیو د راپور له مخې، موټر چلوونکی هم د پولیسو لهخوا نیول شوی دی.
په وروستیو میاشتو کې له ترکیې څخه د افغان کډوالو د نیولو او اېستلو لړۍ چټکه شوې ده.
ترکيه وايي، هېواد ته به یې د کډوالو د ناقانونه ننوتلو او وتلو د مخنيوي لپاره خپلو هڅو ته دوام ورکړي.
د راپورونو له مخې، د ترکیې پولیسو د روان کال له پیل راهیسې د دغه هېواد په بېلابېلو ښارونو کې څه باندې څلور زره افغان کډوال نیولي او بېرته یې افغانستان ته استولي دي.
په ترکیه کې د «وان یوزونجویل» پوهنتون د نفوسو او کډوالو د څېړنې د مرکز مشر او په ترکیه کې د پناه غوښتونکو په برخه کې څېړونکی وايي چې، په نیول شویو پناه غوښتونکو کې د پام وړ برخه افغانان، ورپسې د پاکستان، بنګله دېش، ایران او عراق وګړي دي.
د رسمي شمېرو پربنسټ، په ترکیه کې څه باندې ۳۰۰ زره افغان کډوال ژوند کوي.
