د فوټسال دغه سیالۍ چې د فوټسال د اسیا جام ته د لار موندې په موخه تر سره کیږي تېره شپه د افغانستان فوټسال لوبډلې کوربه هیواد عربستان لوبډلې ته ماتې ورکړه. د فوټسال دغه سیالۍ د سعودي عربستان په دمام ښار کې تر سره شوه.
افغانستان د یادې لوبې په ګټلو سره درې امتیازونه خپل کړل.
د افغانستان د فوټسال لوبډله اسیا جام ته د لارې موندنې په موخه له عربستان، اندونیزیا او ماکو سره په بي ګروپ کې لوبې تر سره کوي.
د افغانستان بله لوبه له اندونیزیا سره ده او ورستۍ ګروپې لوبه کې به له ماکو سره مخ شي.
د یادونې ده چې د افغانستان د فوټسال ملي لوبډله په دې وروستیو کې ډېره ښه ځلېدلې او پیاوړې لوبډلې یې ماتې کړې دي.
د افغانستان فوټسال ملي لوبډلې همدا راز لبنان، میانمار او تایوان هم مات کړي او د چک جمهوریت، تاجکستان، موزامبیق او مالیزیا په څېر له پیاړو لوبډلو سره یې لوبې مساوي پای ته رسولې دي.
