نن د چهار شنبې ورځ (تلې ۱۹مه) غرمه یوه بجه د یو ورځنیو سیالیو نړیوال جام په نهمه لوبه کې د افغانستان د کرېکټ ملي لوبډله د هند د ملي لوبډلې سره د نوي ډېلي په ارون جټلي لوبغالي کې د سیالۍ ډګر ته ښکته کیږي.
په نړۍوال جام کې دا د افغانستان دویمه لوبه ده، لومړۍ لوبه یې درې ورځې وړاندې د هند په درمشاله لوبغالي کې بنګله دېش ته بایللې وه.
د افغانستان د کرېکټ د یو ورځینو لوبو لوبډلمشر حمشت الله شاهدې د سې شنبې په ورځ (تلې ۱۸مه) د یو خبرې کنفرانس پر مهال له هند سره د لوبې د چمتوالې په اړه خبر وکړ.
ښاغلی شاهدي ویلي: «موږ به په دې نړیوال جام کې د خپل هیواد لپاره تاریخ جوړ کړو .»
همدارنګه نوموړي د خپل رسنیز کنفرانس پر مهال وویل، په لوبډله کې تکړه ورو توپ اچونکي لري او له هند سره د چهارشنبې ورځې لپاره یې لوبډله پوره چمتو ده.
د یو ورځنیو لوبو نړیوال جام د هند په کوربه توب تر سره کیږي
د هند د پلازمېنې ډیلي پولیسو پرون (سې شنبې) د افغانستان او هند د کرېکټ تر سیالۍ یوه ورځ مخکې یوه خبرتیا خپره کړه او له ټولو خلکو یې وغوښتل چې د ارون جیاتیلي لوبغالي له شاوخوا سړکونه د تګ راتګ له پاره و نه کاروي.
په خبرتیا کې د هغو سړکونو او واټونو چې نن به د ټرافیکو په مخ تړلي وي، نومونه یاد شوي.
په خبرتیا کې دا یادونه هم شوې چې د لوبغالي د ګاډو په تمځای کې به لږو موټرو ته ځای وي.
