د بلوچستان په تربت سيمه کې پر يوې ودانۍ برید شوی، چې په ترڅ کې یې شپږ تنه مړه او دوه نور ژوبلېدلي دي. په سیمه کې پولیس وایي، دغه کسان ټول سره مزدوران وو چې په دغه ودانۍ کې یې ودانیزې چارې پر مخ بیولې.
پولیسو نه دي ویلي، چې د دغه برید موخه څوک و او ولې دغه مزدوران او کاریګر په نښه شوي دي.
په وژل شویو او ټپيانو کې شپږ تنه د یوې کورنۍ غړي وو.
دپولیسو په وینا، د وژل شویو کسانو جسدونه او ټپیان روغتون ته لېږدول شوي دي.
که څه هم چې تر اوسه د دغه برید پړه کومې ډلې نه ده منلې او نه د سیمې پولیسو په دې اړه څه ویلي؛ خو دغلته بلوڅ بېلتون پالو تل د ودانیزو چارو مخه نیولې او پخوا یې هم هغه انجنیران په نښه کړي وو، چې ودانېزې چارې به یې پر مخ بېولې.
د بلوچستان د وزير اعلي له دفتره په خپره شوې وینا پاڼه کې د دغې پېښې غندنه شوې او پولیسو ته یې سپارښتنه کړې، چې په پېښه کې ښکېل کسان دې ژر تر ژره ونیسي او قانوني چلند دې ورسره وشي.
