دغو کسانو د یوه لیک لاسیکولو سره ویلي چې د کډوالو ضد بهیر د دوبي په وروستیو کې جوړ شوی دی.
نږدې لس ورځې مخکې هم ځینې ایرانیانو د قزوین ولایت په اقبالیه ښار کې د افغان کډوالو پر کورونو بریدونه وکړل.
ور سره ځینې رسنیو په ایران کې له افغان ځورونې د هڅو د زیاتولو په هکله خبرداری ور کړ.
ځینو هم دا هڅې «امنیتي پروژه» او سرچینه یې د ایران د حکومت اړوند کسان وبلل چې په دې کار ره غواړي د لوږې، ګراني او تورم په څېر له مختلفو ستونزو ځان خلاص او سپین کړي.
لاسلیکوونکو خپل بیان کې ویلي کوم کسان چې له دې بهیر سره یو ځای شوي، د واقعیت خلاف مطالبو نشرولو، سترولو او نفاق ته لمن وهلو او کله هم توکمپالو څرګندونو سره هڅه کوي چې کډوال د ایرانۍ ټولنې د اقتصادي او امنیتي ستونزو عامل وبولي.
دوی په دغه ډول بهیرونو او د افغان کډوالو ۴۰ کلنو ستونزو کې د ایران د حکومت پر رول او عاملتوب هم ټینګار کړی دی.
د دې بیانیې له مخې، ایران کې د کډوالو د کره شمېر نشتوالی د رواعجنو اطلاعاتو وړاندې کولو، جعلي خبرونو او د افغانانو پرضد د نامنطقي چاپېریال جوړولو وسیله ده.
د ملګرو ملتونو د راپور له مخې افغان کډوال د ایران د وګړو شپږ سلنه جوړوي.
لاسلیکوونکي وايي، دومره وګړي په ایران کې د بېکاري، تورم، ګرامي، چاپېریالي ستونزو او امنیتي خطرو سبب نه کېږي او زیاتوي چې د حکومت ناکارندوالی د امنیتی، اقتصادي، مالي او ټولنیزو ستونزو لامل دی.
دوی دا هم وايي چې افغان کډوال یوازې خدمتونه نه ترلاسوي، بلکې تېرو څلورو لسیزو کې یې خورا کم مزد سره سخت کارونه کړي دي.
دې فعالانو د ایران حقوقي نظام هم په ایرانۍ ټولنه د افغان کډوالو د ور ګډېدو لامل بللی او ویلي یې دي د ۴۰ کلونو تېرېدو سره د اول او دویم نسل کډوالو ته وګړتوب نه دی ور کړل شوی او نه هغه ماشومان دا امتیاز لري چې له ایرانۍ مور او افغان پلار زېږېدلي دي.
دوی زیاتوي چې افغان کډوال د ملکیت، بانکي حساب، سیم کارډ او ښوونځي کې د ماشوم ثبتولو په څېر قانوني محدودیتونو سره مخ دي او غوښتنه کوي چې په دې برخه کې په قوانیو کې بدلون راشي.
