د هند کرېکټ ملي لوبډلې د شنبې په ورځ د ۲۰۲۳ کال په نړیوال جام کې د اوو ویکټو په لرلرو سره پاکستان ته ماتې ور کړه. د پاکستان لوبډلې په ۴۲.۵ اور کې د ټولو لوبغاړو په سوځېدو سره هندۍ لوبډلې ته ۱۹۲ منډې هدف وټاکه، خو سیالې لوبډلې په ۳۱ اور کې دا هدف پوره کړ.
د هند او پاکستان نننۍ لوبه د کوربه هېواد د احمد اباد ښار په نرېندر مودي لوبغاړي کې د پاکستانیانو په توپ وهلو پیل شوه.
د پاکستان ټوله لوبډله په ۴۲ اور کې وسوځېده او هند ته یې ۱۹۲ ټیټ هدف وټاکه.
د پاکستانیو لوبغاړو له توپوهلو اټکل دا و چې دا لوبه به هند ګټي.
په نړیوال جام کې دا د هند دریمه لوبه ده چې ګټي یې.
تر دې مخکې پاکستان هم په دغه جام کې دوه لوبې ګټلې دي.
د کرېکټ نړیوالې شورا نړیوال جام د اکتوبر پر پنځمه په هند کې پیل شو او د نومبر تر ۱۹ به روان وي.
په سږني جام کې د افغانستان، اسټرالیا، بنګله دېش، انګلنډ، هند، هالنډ، نوی زیلنډ، پاکستان، سوېلي افریقا او سریلانکا ملي لوبډلې ګډون لری.
