د ننګرهار په خوګیاڼیو کې د جمهوریت د وخت د محلي پولیسو یو قومندان ووژل شو

۲۲ تله ۱۴۰۲ - ۱۴ اکتوبر ۲۰۲۳، ۱۳:۰۷ GMT+۱تازه شوی: ۲۲ تله ۱۴۰۲ - ۱۴ اکتوبر ۲۰۲۳، ۲۰:۵۷ GMT+۱

سرچینې وايي، د ننګرهار په خوګیاڼو ولسوالۍ کې د جمهوریت د وخت د محلی پولیسو یو قومندان رازي خان پرون په میمله کې د خپل کور مخ ته وژل شوی دی. سرچینو افغانستان انټرنشنل ته وویل، چې رازي خان د جمهوریت له پرځېدو وروسته عادي ژوند کاوه او له چا سره یې شخصي دوښمني نه درلوده.

تراوسه کوم کس یا ډلې د رازي خان د وژلو مسوولیت نه دی منلی.

د روان کال د جنورۍ پر ۲۱ هم د جمهوریت د وخت د خوګیاڼیو ولسوالۍ امنیه قومندان سید فاروق پاچا د نامعلومو وسلوالو له خوا وژل شوی و.

که څه هم د طالبانو مشر د دې ډلې په واکمنېدو پسې ټولبښنه یا عمومي عفوه اعلان کړې، خو په ننګرهار او نورو ولایتونو کې د پخواني حکومت کارمنان په تېره نظامیان په مرموز ډول او یا هم د طالبانو په بندونو کې د شکنجو له امله وژل کېږي.

•

طالبان: ننګرهار کې د هرات زلزله ځپلو ته شاوخوا ۸.۵ ميليونه افغانۍ نغده مرسته ټوله شوه

۲۲ تله ۱۴۰۲ - ۱۴ اکتوبر ۲۰۲۳، ۱۱:۴۸ GMT+۱

باختر اژانس وايي، د ننګرهار لپاره د طالبانو والي او نورو چارواکو او ځايي ځوانانو د هرات د زلزله ځپلو لپاره شاوخوا ۸.۵ ميليونه افغانيو نغده مرسته ټوله کړې ده.

د دې راپور له مخې دغه مرسته کې ۵.۵ میلیونه افغانۍ د ننګرهار ولايت لپاره د طالبانو سوداګرۍ رياست له يو شمېر سوداګرو او پانګه والو او نږدې درې میلیونه افغانۍ هم ځوانانو له ولس را ټولې کړې دي.

د طالب چارواکو په لاس راټوله شوې مرسته په هرات کې ځايي چارواکو ته سپارل شوې ده.

باختر اژانس وايي، د ننګرهار د ځوانانو يوه ۷ کسيزه پلاوي هم خپله نږدې درې میلیونه نغده مرسته او د یو میلیون په ارزښت درمل او اغوستوکي د شنبې په ورځ هرات او بادغېس ته ولېږدول.

له پاکستانه د هغو افغان کډوالو بېرته ستنېدنه چې له نړۍوالې ټولنې نهیلې شوي دي

۲۲ تله ۱۴۰۲ - ۱۴ اکتوبر ۲۰۲۳، ۰۹:۲۵ GMT+۱

له پاکستانه یو شمېر افغان کډال چې په نورو هېوادونو کې یې لا تراوسه د منلو بهیر نه دی بشپړ شوی، په زیاتې نهیلۍ بېرته افغانستان ته د ستنېدو په درشل کې دي.

دغه افغانان وايي، سره له دې چې ښايي په بېرته ستنېدو سره د هغوی سر او مال ته کواښونه ډېر وي؛ خو په وینا یې دغه د زهرو غړپ به څښي او که د سر په بیه یې هم تمامیږي مجبور دی، چې بېرته ستانه شي.

نور محمد چې د یو نیم کال را په دې خوا په اسلام اباد کې اوسېدلی وايي:« د ژوند ټوله شتمني مې ولګېده او نور هېڅ هم نه دي را پاتې، مجبور یم چې بېرته ستون شم.»

هغه زیاته کړه:« په تېر یو نیم کال کې مې له هېواده راوړې ټولې پیسې ولګولې ما هلته خپل کور ګرو کړ او د کور سامانونه مې پلورلي ول، چې لاسته راغلې پیسې مې ټولې په پاکستان کې ولګولې او اوس تش لاس بېرته وطن ته ستنېږم.»
په پاکستان کې ګڼ مېشت افغان کډوال له نړۍوالې ټولنې شکایت کوي، چې دوی سره په شویو ژمنو نه دي درېدلې او د دوی د اېستلو چارې ډېرې پڅې او مټه روانې دي.

نادره هغه بله افغانه کډواله ده، چې ډېر کلونه یې د بهرنیو ادارو سره کار کړی هغه وايي، چې پخوانیو چارواکو او همکارانو یې د برېښنا لیکونو له لارې ورته ویلي و چې ژر تر ژره دې دریمګړي هېواد ته ووځي، چې بیا یې دوی د اېستلو چاره چټکه کړي؛ خو د هغې په خبره څه کم دوه کاله تېر شول چې چا یې بیا پوښتنه هم نه ده کړې.

نادرې وړاندې زیاته کړه:« نه پوهېږم چې څه وکړم او چا ته وژاړم، نور له خپلوانو هم شرمېږم چې ورته هره میاشت د سوال لاس غځوم، نور مې وجدان هم اجازه نه راکوي چې له چا پیسې وغواړم او دلته مې اولادونه په لوږه دي، نه د کور کرایه لرم او نه د نورو لګښتونو وس. بېرته ستنېدای هم نه شم که ستنه شم هلته به څه وخورم، هلته هم ما ته کار نه شته.»
ګڼ افغانان وايی، نه پوهېږي چې خپل لالهانده برخلیک ته کومه لاره بیامومي.

هغوی وايي، په افغانستان کې د جمهوریت تر ړنګېدو وروسته یې ټولې خوارۍ په اوبو لاهو شوي، نه یې نړۍوالې ټولنې لاس نیوی وکړ او نه یې هم په هېواد کې پر حاکم نظام دا باور پیدا شو چې بېرته د نظام تر سیوري لاندې کار وکړي او خپلې تجربې او شته ځواک د خپل هېواد د ښېرازرۍ پر لاره ولګوي، د دوی په خبره یو پلو ته ډانګ دی او بل پلو ته پړانګ.

یوناما وايي، په پلخمري کې د امام زمان جومات کې د ځانمرګي برید په اړه څېړنې کوي

۲۱ تله ۱۴۰۲ - ۱۳ اکتوبر ۲۰۲۳، ۲۰:۱۲ GMT+۱

په افغانستان کې د ملګرو ملتونو دفتر یوناما د پلخمري ښار په امام زمان جومات کې د چاودنې له امله خواشیني څرګنده کړې ده. دغه دفتر وايي، د پېښې د څرنګوالي په اړه څېړنې کوي.

دغه پېښه د جمعې په ورځ -د تلې په ۲۱ مه- د بغلان ولايت د مرکز پلخمري ښار د دويمې ناحيې اړوند د شيعه ګانو په جومات کې شوې ده.

طالبان وايي، په دغه ځانمرګي برید کې اووه کسان وژل شوي او ۱۵ نور ټپیان دي.

ورته وخت کې له پلخمري ښار څخه ځايي سرچینو افغانستان انټرنشنل ته ویلي، چې په دې چاودنه کې د مرګ ژوبلې کچه تر هغه لوړه ده، چې طالبان یې وايي.

طالبان وايي، امنیتي او کشفي ځواکونه یې د پلټنو لپاره سیمې ته تللي دي.

تر اوسه کوم کس یا ډلې د دغه ځانمرګي برید مسوولیت نه دی منلی.

د افغانستان پخواني ولسمشر حامد کرزي دغه چاودنه په کلکه غندلې او دا کار یې د اسلامي او بشري اصولو او ارزښتونو خلاف عمل بللی دی.

د پروېز مشرف له خوا جوړ شوی ال پاکستان مسلم لیګ د ګوندونو له فهرست واېستل شو

۲۱ تله ۱۴۰۲ - ۱۳ اکتوبر ۲۰۲۳، ۱۹:۲۹ GMT+۱

د پاکستان ټاکنو کمېسون د دغه هېواد د پخواني ولسمشر پروېز مشرف له خوا جوړ شوی ګوند ال پاکستان مسلم لیګ د ګوندونو له لېست وباسه او ټاکنیز نشان یې هم ترې واخیست. د ټاکنو کمسیون درې کسیز پلاوي د جمعې په ورځ په خپله پرېکړه کې ویلي، چې دا سیاسي ګوند نور وجود نه لري.

د کمېسون په ۱۴ مخیز لیک کې ویل شوي چې ال پاکستان مسلم لیګ اوس نه کوم مسوول لري او تېرو څلورو کلونو کې یې د خپلې شتمنۍ په هکله هم له دوی سره مالومات شریک کړي نه دي.

د ټاکنو کمېسون د پرېکړې له مخې همدې نیمګړتیاوو ته په پام دا ګوند د سیاسي ګوندونو له فهرست لرې کړل شوی، شاهین ټاکنیزه نښه ترې اخیستل شوې او راتلونکو ټاکنو کې ګډون هم نشي کولی.

د پاکستان پخواني ولسمشر او د پوځ لوی درستیز پروېز مشرف پر ۲۰۱۰ کال دا ګوند جوړ کړی و.

پروېز مشرف ۱۹۹۹ز کال د اکتوبر پر ۱۲ د کودتا له لارې د نواز شریف په مشرۍ ولسي حکومت ختم او ځان یې د دغه هېواد مشر کړ.

نوموړي په ۲۰۰۲ کې د ټولپوښتنې له لارې ځان د پنځو کلونو لپاره د پاکستان ولسمشر کړ، وروسته یې پر ۲۰۰۷ کال هم د پارلمان له لارې ورته هڅه وکړه، خو عدالت یې خنډ شو.

پروېز مشرف د سیاسي ګوند تر جوړولو وروسته له مختلفو تورونو سره مخ و او د روان کال په فبرورۍ کې په دوبۍ کې مړ او پاکستان ته ولېږدول شو.

طالبان وايي د بغلان په یوه جومات کې د ځانمرګي برید له امله ۷ کسان وژل شوي او ۱۵ ټپیان دي

۲۱ تله ۱۴۰۲ - ۱۳ اکتوبر ۲۰۲۳، ۱۶:۴۰ GMT+۱

د بغلان لپاره د طالبانو امنیه قومانداني وايي، د دغه ولایت د مرکز پلخمري ښار په امام زمان جومات کې د ځانمرګي برید له امله اووه کسان وژل شوي او ۱۵ نور ټپیان دي. امنیه قوماندانۍ په اعلامیه کې ویلي: «دغه ځانمرګی برید د جمعې د لمانځه پر مهال د اهل تشیع وروڼو په جومات کې شوی دی.»

طالبان وايي، امنیتي او کشفي ځواکونه یې د پلټنو لپاره سیمې ته تللي دي.

تر اوسه کوم کس یا ډلې د دغه ځانمرګي برید مسوولیت نه دی منلی.

دغه پېښه د جمعې په ورځ -د تلې په ۲۱ مه- د بغلان ولايت د مرکز پلخمري ښار د دويمې ناحيې اړوند د شيعه ګانو په جومات کې رامنځته شوې ده.

افغانستان انټرنشنل ته له دغه جومات رسېدلې ویدیوګانې او انځورونه د یو شمېر لمونځ کوونکو جسدونه ښيي.

ورته وخت کې له پلخمري ښار څخه ځايي سرچینو افغانستان انټرنشنل ته ویلي، چې په دې چاودنه کې د مرګ ژوبلې کچه لوړه ده، خو طالبان یې په اړه راپور نه ورکوي.

دغو سرچینو د تلفاتو شمېر تر شلو زیات ښودلی.

د طالبانو يوه چارواكي ویلي، چې د پېښې يو شمېر ټپيان یې د درملنې لپاره كندز ولايت ته لېږدولي چې د ځينو روغتيايي حالت د اندېښنې وړ دى.

په افغانستان کې د هزاره ګانو او د اهل تشییع مذهبي ځایونه او عامه مرکزونه په وروستیو کلونو کې د خونړیو چاودنو هدف ګرځېدلي دي.

دا بریدونه په تیرو دوو کلونو کې په افغانستان کې د طالبانو له بیا واکمنۍ سره لا هم دوام لري او د ځینو دغو بریدونو مسوولیت داعش ډلې په غاړه اخیستی دی.

•

طالبان وايي، امنیتي او کشفي ځواکونه یې د پلټنو لپاره سیمې ته تللي دي.

تر اوسه کوم کس یا ډلې د دغه ځانمرګي برید مسوولیت نه دی منلی.

د پروېز مشرف له خوا جوړ شوی ال پاکستان مسلم لیګ د ګوندونو له فهرست واېستل شو

۲۱ تله ۱۴۰۲ - ۱۳ اکتوبر ۲۰۲۳، ۱۹:۲۹ GMT+۱

د پاکستان پخواني ولسمشر او د پوځ لوی درستیز پروېز مشرف پر ۲۰۱۰ کال دا ګوند جوړ کړی و.

طالبان وايي د بغلان په یوه جومات کې د ځانمرګي برید له امله ۷ کسان وژل شوي او ۱۵ ټپیان دي

۲۱ تله ۱۴۰۲ - ۱۳ اکتوبر ۲۰۲۳، ۱۶:۴۰ GMT+۱

طالبان وايي، امنیتي او کشفي ځواکونه یې د پلټنو لپاره سیمې ته تللي دي.

تر اوسه کوم کس یا ډلې د دغه ځانمرګي برید مسوولیت نه دی منلی.

افغانستان انټرنشنل ته له دغه جومات رسېدلې ویدیوګانې او انځورونه د یو شمېر لمونځ کوونکو جسدونه ښيي.

دغو سرچینو د تلفاتو شمېر تر شلو زیات ښودلی.

د ننګرهار په خوګیاڼیو کې د جمهوریت د وخت د محلي پولیسو یو قومندان ووژل شو

د طالبانو یو ملاتړی ملا: تر هغه ارام نه کښېنو چې سپین بیرغ په اسلام اباد کې ورپیږي

د حج ادا کولو لپاره څه باندې ۹۸ زره افغانانو نوم لیکنه کړې

د سوالګرو ډېرېدل؛ طالبانو په کابل ښار کې څه کم ۷۵ زره سوالګر راټول کړي

احمدشاه حبیبي: امریکا د حبیبي له خوشې کېدو پرته ګوانتانامو کې د طالبانو بندي نه خوشې کوي

کرملین وايي چې کارمندان یې په پراخه کچه مصنوعي ځیرکتیا کاروي

ډېر لیدل شوي

د طالبانو یو ملاتړی ملا: تر هغه ارام نه کښېنو چې سپین بیرغ په اسلام اباد کې ورپیږي

د حج ادا کولو لپاره څه باندې ۹۸ زره افغانانو نوم لیکنه کړې

د سوالګرو ډېرېدل؛ طالبانو په کابل ښار کې څه کم ۷۵ زره سوالګر راټول کړي

احمدشاه حبیبي: امریکا د حبیبي له خوشې کېدو پرته ګوانتانامو کې د طالبانو بندي نه خوشې کوي

کرملین وايي چې کارمندان یې په پراخه کچه مصنوعي ځیرکتیا کاروي

طالبان: ننګرهار کې د هرات زلزله ځپلو ته شاوخوا ۸.۵ ميليونه افغانۍ نغده مرسته ټوله شوه

له پاکستانه د هغو افغان کډوالو بېرته ستنېدنه چې له نړۍوالې ټولنې نهیلې شوي دي

یوناما وايي، په پلخمري کې د امام زمان جومات کې د ځانمرګي برید په اړه څېړنې کوي

د پروېز مشرف له خوا جوړ شوی ال پاکستان مسلم لیګ د ګوندونو له فهرست واېستل شو

طالبان وايي د بغلان په یوه جومات کې د ځانمرګي برید له امله ۷ کسان وژل شوي او ۱۵ ټپیان دي

طالبان: ننګرهار کې د هرات زلزله ځپلو ته شاوخوا ۸.۵ ميليونه افغانۍ نغده مرسته ټوله شوه

له پاکستانه د هغو افغان کډوالو بېرته ستنېدنه چې له نړۍوالې ټولنې نهیلې شوي دي

یوناما وايي، په پلخمري کې د امام زمان جومات کې د ځانمرګي برید په اړه څېړنې کوي

د پروېز مشرف له خوا جوړ شوی ال پاکستان مسلم لیګ د ګوندونو له فهرست واېستل شو

طالبان وايي د بغلان په یوه جومات کې د ځانمرګي برید له امله ۷ کسان وژل شوي او ۱۵ ټپیان دي