اسراییل: د قربانیانو پر جسدونو د شکنجې او تیري نښې لیدل کیږي

د رويټرز او نيويارک ټايمز په ګډون يو شمېر رسنيو د اسراييلي چارواکو له خولې ليکلي، چې اسراييلي وسله وال پوځ چمتووالی نيسي، چې غزې ته ننوځي او د حماس پوځي توان او بنسټونه په ځانګړې توګه راکټونه له منځه يوسي.

نتنیاهو د یکشنبې په ورځ د کابینې په غونډه کې وویل: “حماس فکر کاوه چې دوی به موږ له منځه یوسي؛ خو موږ هغه یو چې حماس به له منځه یوسو”.

په ورته وخت کې پر غزې د اسراییل د ځمکني برید د احتمال په اړه د دغه هېواد پوځ د غزې د ښار په ګډون د غزې په جنوبي سیمو کې له یو میلیون څخه د زیاتو خلکو د وتلو غوښتنه کړې ده؛ خو حماس له دوی وغوښتل چې له خپلو کورونو څخه ونه وځي.

یو شمېر کتونکو په غزه کې د ځمکنیو پوځي عملیاتو پر مهال د ملکي وګړو د مرګ ژوبلې پر زیاتېدو اندېښنه ښودلې ده.

په غزه کې چارواکو اعلان کړی، چې په تېره یوه اونۍ کې پر غزې د اسراییل د سختو بریدونو په ترڅ کې تر ۲۳۰۰ ډېر کسان وژل شوي او کابو لس زره نور ټپیان شوي دي.

رویټرز راپور ورکړی، چې روغتونونه د درملو او نورو طبي توکو له کمښت سره مخ دي او د ټپیانو د درملنې لپاره مبارزه روانه ده.

دا اقدام په قره باغ کې د اذربایجان له پوځي عملیاتو او په دې سیمه کې د ارمني نژاد د یو شمېر سیاستوالو له نیول کېدو وروسته وشو.

د سپتمبر په میاشت کې د اذربایجان ځواکونو په سیمه کې پوځي عملیات پیل کړل، چې له لنډې مودې وروسته اوربند وشو او زرګونه ارمني نژاده خلک له دغې سیمې ووتل.

ارمنستان اذربایجان تورنوي، چې د نګورنو قره باغ ته له ننوتلو وروسته یې ارمنیان په زوره شړلي، له دوی سره یې جبري عمل کړی او دا یې "توکمیز محوه" کول بللي.

څو ورځې وړاندې ارمنستان پر اذربایجان د توکمیزې تصفیې لپاره د جرمونو په نړۍواله محکمه کې دعوه وکړه او له دې سره سم یې د جرمونو د نړۍوالې محکمې تعهد لیک هم لاسلیک کړ.

خو د اذربایجان د بهرنیو چارو وزارت د باکو پر وړاندې د جرمنو په نړۍواله محکمه کې د دعوې مساله بې اساسه او مسخره وبلله او ویې ویل، چې د ارمنستان دا ډول دعوه ورته خندوونکې ښکاري.

په نګورنو قره باغ کې د ارتساخ ځان بولي حکومت د تلې په شپږمه اعلان وکړ چې منحل کیږي.

د دغه جمهوریت د منحلولو فرمان د قره باغ سیمې د مشر سامویل شهرمانیان له خوا لاسلیک شو او د ۲۰۲۴ کال د جنورۍ په لومړۍ نېټه به منحل شي.

ارمنیان په دې باور دي، چې د دوی د "لرغوني کلتور زانګو" په توګه د دې خاورې له لاسه ورکول یو تاریخي ګوزار دی.

د چین د بهرنیو چارو وزارت یکشنبه «د تلې ۲۳مه» په یوه خبر پاڼه کې د بهرنیو چارو د وزیر وانګ يي په حواله ویل شوي، چې نوموړي د سعودي عربستان د بهرنیو چارو له وزیر فیصل بن فرحان سره په ټیلفوني خبرو کې د اسراییل له خوا د غزې اوسېدونکو ته د ډله ییزې سزا ورکول غندلي او د سملاسي بندېدو غوښتنه یې کړې ده.

زرګونه فلسطینیان د شنبې په ورځ «د تلې په ۲۲مه» د اسراییل د ځمکنيو بریدونو له امله د غزې ټرانګې له شمال څخه ووتل. ا

سراییل ویلي وو، په داسې حال کې چې په سیمه کې یې ډېر هوایي بریدونه کړي خو فلسطینیانو ته یې د وتلو لپاره دوه لارې خلاصې پرېیښې دي.

تر دې مخکې د اسراییل پوځ اعلان کړی و، چې د شنبې په ورځ د «تلې ۲۲مه» د سهار له ۱۰ بجو څخه د مازدیګر تر ۴ بجو پورې به پر غزې خپل بریدونه ودروي چې ولسي وګړي له دوو خوندي لارو څخه د غزې سویلي سیمو ته ووځي.

په ورته وخت کې د چین د بهرنیو چارو وزیر وانګ يي ویلي، چې اسراییل باید د ملګرو ملتونو د سرمنشي او نړۍوالې ټولنې غوښتنو ته پام وکړي.

نوموړي زیاته کړې> په غزه کې نېږدې ۲،۳ میلیونه خلک ژوند کوي، چې ساحلي، ځمکنۍ او هوايي پولې یې د اسراییل له خوا کلابند دي.

د راپورونو له مخې تر دا مهاله په غزه کې د اسراییل له خوا تر ۲۳۰۰ څخه زیات ملکي وګړي وژل شوي دي.

د چین د بهرنیو چارو وزیر فیصل بن فرحان ته ویلي، چې ټول دخیل اړخونه باید داسې اقدامات ونه کړي، چې له امله یې په سیمه کې وضعیت لا پسې کړکېچن شي.

نوموړي د دواړو اړخونو تر منځ د مذاکراتو وړاندیز هم کړی دی.

د چین د بهرنیو چارو وزیر تېره ورځ د امریکا د بهرنیو چارو له وزیر سره هم په ټیلفوني خبرو کې له امریکا غوښتي وو، چې د اسراییل او حماس تر منځ په رامنځته شوي کړکېچ کې دې رغنده او مسوولانه رول ولوبوي.

بل خوا د سعودي عربستان د بهرنیو چارو وزیر له خپل امریکايي سیال سره په لیدنه کې ویلي وو، چې د اسرايیل او حماس تر منځ د جګړې اصلي قربانیان ولسي وګړي دي.

فیصل بن فرحان له انټوني بلینکن سره د لیدنې پر مهال زیاته کړې وه: “موږ ټول د هرچا له خوا په هر وخت کې د ولسي وګړو په نښه کول غندو”.

همداراز سعودي عربستان په جده کې د اسراییل او حماس ترمنځ د شخړې په اړه د خبرو لپاره د اسلامي همکاریو سازمان د غړو هېوادونو د بهرنیو چارو د وزیرانو بیړنۍ غونډه هم رابللې ده.

د اسلامي همکاریو سازمان د یوې اعلامیې له مخې ټاکل شوې، چې د ۵۷ اسلامي هېوادونو د بهرنیو چارو وزیران د راتلونکې چهارشنبې په ورځ «د تلې په ۲۶مه» غونډه وکړي.

د قطر د بهرنیو چارو وزارت په یوه اعلامیه کې ویلي، چې په دې کتنه کې د قطر او ملګرو ملتونو ترمنځ پر همکاریو او د افغانستان په وروستیو پرمختګونو خبرې شوې دي.

اعلامیه زیاتوي، چې په دې کتنه کې د قطر لومړي وزیر د افغانستان له خلکو سره د پرمختګ او هوساینې د هیلو د پوره کولو لپاره د قطر پر ژمنو ټینګار کړی دی.

د افغانستان په چارو کې د ملګرو ملتونو ځانګړي همغږي کوونکي همدارنګه په افغانستان کې د تلپاتې سولې د ترلاسه کولو لپاره د نړیوالو د ملاتړ لپاره د قطر د دوامداره هڅو هرکلی وکړ.

قطر د طالبانو یو له هغو ملاتړو هېوادونو څخه دی، چې په د امریکا او طالبانو تر منځ د خبرو کوربه توب یې کاوه او د افغانستان د وروستي جمهوري دولت له سقوط وروسته لا هم په نړیوال سټیج د دغې ډلې د ملاتړ لپار کار کوي.

نوموړي د شنبې په ورځ د میزان۲۲ مه په دغه خبري کنفرانس کې دا هم وویل چې هېواد یې د بشري مرستو د لېږلو او په غزه کې د روغتونونو د پرانستلو په لټه کې دی.

محمد بن عبدالرحمن الثاني وویل، په غزه کې اوربند د قطر یو لومړیتوب وباله.

د قطر د بهرنیو چارو وزیر وویل: "زه باور لرم چې متحده ایالات په دې هدف کې له موږ سره شریک دي چې څنګه دا جګړه پای ته ورسول شي، څنګه تاوتریخوالی کم کړل شي، څنګه بشري دهلیز رامنځته او څنګه په خوندي توګه یرغمل شوي بیرته راستانه شي."

په تېرو څو ورځو کې د امریکا د بهرنیو چارو وزیر انتوني بلینکن او د ایران د بهرنیو چارو وزیر حسین امیرعبداللهیان قطر ته جلا جلا سفرونه کړي دي.

ښاغلي بلینکن په دغه کتنه کې د غزې د پرمختګونو په اړه له قطري چارواکو سره وکتل او حسین امیرعبداللهیان د دوحې له چارواکو سره پر خبرو سربېره د حماس د سیاسي دفتر له مشر اسماعیل هنیه سره هم وکتل.

حسین امیرعبداللهیان په دوحه کې له اسماعیل هنیه سره په کتنه کې وویل، که اسراییل پر غزې خپلو بریدونو ته دوام ورکړي، په سیمه کې هر ډول احتمال شته.

په دې کتنه کې چې د میزان په ۲۲مه ترسره شوه، امیر عبداللهیان د حماس د تېرې اونۍ مرګوني بریدونه د اسراییل لپاره بې ساری ګوزار وباله.

د راپورونو له مخې، ایران اسلامي جمهوریت اسراییل ته خبرداری ورکړی چې که پر غزې بریدونه دوام وکړي په جګړه کې به مداخله وکړي.

د اسراییل د بهرنیو چارو د وزارت د ستراتیژیکو چارو مشر جاشوا زارکا وویل، ایران اسلامي جمهوریت غواړي سوریې ته د وسلو په استولو سره د اسراییل پر ضد د جګړې نوې جبهه جوړه کړي.