د اسراییل پوله څارونکي: قوماندانانو د حماس د مشکوکو کړنو په اړه زموږ خبر له پامه غورځولی و

مېرمن ساپۍ زیاته کړه، چې دا غونډې د هغو کسانو په ژوند کې بدلون نه شي راوستلی چې په افغانستان کې له نا هیلۍ او محرومیت سره مخ دي.

نوموړې له الجزیرې سره په مرکه کې چې د دوشنبې په ورځ (د تلې په ۲۴مه) خپره شوې، ویلي چې په افغانستان کې روان بشري ناورین، د نړۍ والې ټولنې بیا ځلي غبرګون ته اړتیا لري.

اغلې ساپۍ څرګنده کړه: «د طالبانو تر ادارې لاندې د افغانستان په جګړه ځپلي هېواد کې ډېری خلک احساسوي چې پرېښودل شوي یا هېر شوي دي».

حسینه ساپۍ د هغه وزارت سرپرسته وزیره وه، چې طالبانو په ۱۴۰۰ لمریز کال کې واک ته له رسېدو وروسته دغه وزارت په امر بالمعروف بدل کړ.

له هغه وروسته دغه وزارت او د طالبانو ډلې پر ښځو او نجونو بې شمېره بندیزونه ولګول، چې د نړۍوالې ټولنې له نیوکو سره - سره دوام لري.

د ښځو چارو پخوانۍ وزیرې زیاته کړه، د طالبانو د حکومت د چارواکو فرمانونه، چې تر اوسه هېڅ هېواد په رسمیت نه دي پېژندلي، له بشري حقونو څخه سرغړونه ده.

هغې په ​​افغانستان کې اوسنی وضعیت ډېر مایوسوونکی وباله او ویې ویل؛ د دې پر ځای چې طالبان د خلکو د ملاتړ لپاره لارې چارې ولټوي، طالب مشران کله د ښځو د حجاب، د ښځو سینګار او ځینې وختونه د کور څخه بهر د دوی د فعالیتونو د محدودیت په اړه فرمانونه صادروي.

اغلې ساپۍ ټینګار وکړ: «افغانستان د نړۍوالې ټولنې یوه برخه ده. دا هېواد ستراتیژیک اهمیت لري او کله چې نړۍ افغانستان پرېږدي نو خپله یوه برخه پرېږدي».

هغې پراخې بې وزلۍ او د نجونو پر زده کړو بندیز ته په اشارې سره وویل، چې نړۍواله ټولنه باید د دغو ستونزو د حل لپاره مرسته وکړي.

ویل شوي، چې نن دا دویم راکټي برید دی، چې ظاهراً د لبنان د حزب الله ډلې کار ګڼل کیږي.

د دغه برید د احتمالي مرګ ژوبلې په اړه څه نه دي ویل شوي.

د اسراییل پوځ ویلي دي، چې له لبنان څخه په راکټي بریدونو کې پر پوله څو پوځي پوستې په نښه شوي دي.

اسراییل ټینګار کړی، چې د دغو بریدونو ځواب به ورکړي.

د لبنان حزب الله تر دې مخکې پر اسراییل د راکټي برید پړه پر غاړه اخیستې وه.

د اسراییل پوځ د دوشنبې په ورځ ( د تلې په ۲۴مه) ناوخته اعلان وکړ، چې په لبنان کې یې د حزب الله پر اهدافو بریدونه کړي دي.

د اردن پاچا د جرمني له لومړي وزیر سره په یوه خبري کنفرانس کې وویل: «نه په مصر کې کډوال، نه په اردن کې کډوال. دا یوه سره کرښه ده».

ملک عبدالله د غزې له پولو بهر د فلسطیني کډوالو د ایستلو هڅه د ځینو «مشخصو» کسانو پلان وباله.

ټاکل شوې د جرمني لومړي وزیر د سې شنبې په ورځ اسراییل ته ولاړه شي.

ډېری فلسطینیان اندېښمن دي، چې که له غزې ووځي، بیرته به ونه شي کړی چې خپلو کورونو ته ستانه شي او دا سیمه به د تل لپاره د اسراییلیانو تر ولکې لاندې وي.

د روسیې دولتي خبري اژانسونو لیکلي، چې ښاغلی پوتین به د ویټنام، مغلستان، لاوس له ولسمشرانو او د ټایلنډ له صدراعظم سره خبرې اترې وکړي.

کرملین وايي چې ښاغلی پوتین به د چهارشنبې په ورځ (د تلې په ۲۶مه) د دغې ناستې د پرانیستې په مراسمو کې وینا وکړي.

همدا راز ټاکل شوې، چې نوموړی به د چهارشنبې په ورځ (د تلې په ۲۶مه) له خپل چینايي سیال سره یوه دوه اړخیزه ناسته ولري.

د دې غونډې اجنډا د دوه اړخیزو اړیکو پیاوړتیا او «د یو عادلانه څو قطبي نړۍوال نظم رامنځته کول» دي.

«لار او کمربند» هغه پروګرام دی، چې یوه لسیزه مخکې په چین کې پیل شو او د نړۍ په تاریخ کې تر ټولو لوی بنسټیز پروګرام بلل کېږي.

ښاغلي پوتین مخکې ویلي وو، چې د «لار او کمربند» نوښت په خپل وخت و او د ښه پرمختګ په حال کې دی.

سپینې ماڼۍ ویلي، چې جو بایډن به د اسراییل له لومړي وزیر بنیامین نتنیاهو سره له کتنې وروسته د اردن پلازمېنې عمان ته ولاړ شي او هلته به د اردن له پاچا، د مصر له ولسمشر او د فلسطیني ادارې له مشر سره وګوري.

د سپینې ماڼۍ د ملي امنیت ویاند جان کربي ویلي، چې د امریکا ولسمشر به د سفر پر مهال د بشري مرستو په اړه خبرې وکړي؛ څو ډاډ ترلاسه شي چې مرستې ملکي وګړو ته ځي، نه حماس ته.

په دې وروستیو ورځو کې د امریکا د بهرنیو چارو وزیر دوه ځلې اسراییل ته سفر کړی او د دغه هېواد له چارواکو سره یې کتلي او خبرې یې ورسره کړې دي.

انټوني بلېنکن سعودي عربستان، مصر او قطر ته هم سفرونه کړي او د دغو هېوادونو له مشرانو سره یې د حماس او اسراییل ترمنځ د شخړې په اړه خبرې کړې دي.

له دې مخکې جو بایډن له بنیامین نتنیاهو سره په ټیلیفوني خبرو کې ویلي وو، چې امریکا د اسراییل تر څنګ ولاړه ده او د اسراییل د دفاع له حق څخه ملاتړ کوي.

د اسراییل پر خاوره د حماس د وسله والو له بریدونو وروسته تل ابیب اعلان وکړ، چې د دغه هېواد پوځ به د حماس ډلې د له منځه وړلو په موخه د غزې په تړانګه کې ځمکني برید وکړي.

په ورته وخت کې تېره ورځ د امریکا ولسمشر جو بایډن په یوې مرکې کې ویلي، چې که اسراییل غواړي غزه ونیسي، نو دا به د دوی لپاره تر ټولو ستره تېروتنه وي.

نوموړي له سي بي اېس سره په خپلې تازه مرکې کې ویلي، چې دی د اسراییل او غزې مساله له نېږدې څاري او زیاتوي، چې حماس او د حماس توندلاري پلویان د غزې د اوسېدونکو استازیتوب نه کوي.

بایډن ویلي، چې په غزه کې د توندلارو پر وړاندې عملیات مهم اقدام دی، خو دی تمه لري، چې اسراییل به د جګړې ټول قوانین په نظر کې نیسي.

بایډن په غزه کې حماس ته په اشارې سره وايي، چې اسراییل له یوې داسې ډلې سره په مقابلې بوخت دی، چې په ظلم او جبر ککړه ده.

د نوموړي په خبره، چې په غزه کې حماس ډله د بې ګناه ملکي وګړو تر شا پټېږي او په هغه ځای کې یې خپل پټنځایونه جوړ کړي، په کومو سیمو کې چې عام وګړي اوسیږي.

د بایډن په خبره، چې د امریکا حکومت به د خپلو یو شمېر هغو امریکايي وګړو، چې دا مهال حماس یرغمل کړي پر وړاندې به یې اقدامات وکړي.