د کرېکټ ۵۰ اوریز نړیوال جام د لوبو په دوام افغانستان نن د نیوزیلنډ سره سیالي کوي

د نړیوال جام د لوبو په دوام تېره ورځ د افغانستان ملي لوبډله د انګلستان لوبډلې په وړاندې د هند په ډیلي کې د لوبې ډګر ته ښکته شوه.

د انګلستان لوبډله د ۲۰۱۹ نړیوال جام اتله لوبډله وه او د لوبې له پیل وړاندې هیڅ چا داسې تصور نه و کړی چې افغانستان دې د تېر نړیوال جام اتلې او دفاعې لوبډلې ته ماتې ورکړي.

افغان لوبډلې دغه لوبه د ۶۹ منډو په توپیر له انګستان څخه وګټله.

د کرېکټ نړیواله شورا وايي:« افغانستان د نړیوال جام دفاعي اتلې لوبډلې ته په زړه پورې ماتې ورکولو سره تاریخ جوړ کړ. افغانستان د کرکټ په نړیوال جام کې د ۱۴لوبو د بایللو لړۍ پای ته ورسوله.»

د کرېکټ نړیواله شورا د انګلستان پر وړاندې د افغانستان د ورو توپ اچوونکو ډېره ستاینه کړې او ویلي یې دي: «دا لومړی ځل دی چې د نړیوال جام په یوه لوبه کې ورو توپ اچونکي د انګلستان اته ویکیټې اخلي. د انګلستان ماتې د افغانستان د دریو ورو توپ اچونکو په لاس لیکل شوې وه.»

له انګلستان څخه د لوبې په ګټلو سره افغانستان د خپل لوبیز تاریخ په کرېکټ کې د ۱۴ پرله پسې ماتو لړۍ ته د پای ټکی کیښود.

افغانستان په دغه لوبه کې د انګلستان لوبډلې ته د ۲۸۵ منډو هدف وټاکه، دا افغان لوبډلې له لوري سیالې لوبډلې لپاره دا دوهم لوی هدف دی.

د انګلستان په وړاندې افغان پېلیز توپ وهونکې رحمان الله ګربز توپانې توپ وهنه پیل کړه او د لوبې په دوام اکرام علي خیل، راشد خان او مجیب ځدران د منځنیو توپ وهونکو پر ځای ښه توپ وهنه وکړه.

افغان توپ اچوونکو د انګلستان د توپ وهنې قوي ځنځیر مات او د لوبې په لومړنیو پنځلسو اورونو کې یې د سیالې لوبډلې درې قوي او تجربه لرونکې لوبغاړو ویکټې واخیستې.

د کرېکټ د نړۍ افسانوي لوبغاړي سچن ټنډولکر د افغان لوبدلې د بریا سره سم پر خپل ایکس پاڼه ولیکل«د افغانستان له لورې په زرړه پوري او هر اړخیزه هڅه تر سره شوه. دا د افغان لوبډلې لپاره ښه او د انګلستان لوبډلې لپاره بده ورځ وه.افغان لوبډله عالي وروتوپ اچونکي لري او نن د لوبې په ډګر کې خپل وړتیا وښودله. هغه انرژي چې دوی د لوبې په ډګر کې مصرف کړه پري خوښ شوم.»

د پاکستان کرېکټ پخوانی لوبغاړي شعیب اختر چې د کرېکټ په نړۍ تیز افسانوي لوبغاړی دی د افغان کرېکټ لوبډلې د بریا په اړه پر خپل ایکس پاڼه لیکلې «د افغانستان د کرېکټ لپاره ستره ورځ او هر اړخیزه بریا. افغان لوبډله د نننۍ پرمختللې زمانې لوبه کوي.تاسو د دوی لومړي لس اورونه ولیدل! همداسې توپ اچونه یې تاسو ولیدل! په دې لوبه کې د زده کړي لپاره ډیر څه وه.»

د هند د کرېکټ پخوانې لوبغاړي عرفان پټان د ګډېدا ویډیو پر ټولیزو رسنیو خپره شوه، نوموړی د افغان لوبډلې د بریا په خوشحالۍ کې رقص کوي او پر خپل ایکس پاڼه یې لیکلي دي«افغانستان ته دې ډیر مبارک وي،ګربزه ته په زړه پوري وې، اکرام علیخیل په منځینو اورونو کې ښه ښکاریده. د افغانانو توپ اچونه د توپ اچونې په برخه کې تر ټولو مخکښه وه.»

د انګلستان د لوبډلې پر وړاندې د افغان لوبډلې د بریا او‍ ښې لوبې په اړه د کرېکټ ډیرو نورو سترو لوبغاړو هم خپل نظرونه لیکلي دي او افغان لوبډله یې ستایلې ده.

همدارنګه په افغانستان کې او له افغانستان بهر ګڼو افغانانو د تیرې شپې بریا په خوښیو او اتڼونو لمانځلې ده.

دا د پنځوس اوریز نړۍوال جام په تاریخ کې د افغانستان د کرېکټ د ملي لوبډلې دویمه بریا ده.

په هند کې د پنځوس اوریزو سیالیو په نړۍوال جام کې افغان لوبډلې د انګلستان کرېکټ لوبډلې ته د ۶۹ منډو په توپیر ماتې ورکړه.

مجیب الرحمان د درېیو لوبغاړو په اوټ کولو سره په خپلو لسو اورونو کې ۵۱ منډې ورکړې او د توپ وهنې په پاڼۍ کې یې ۲۲ منډې هم کړې وې.

نوموړي د غوره لوبغاړي د جایزې د اخیستو پر مهال وویل، چې نن د ټول افغان ولس لپاره د ویاړ ډکه شېبه ده، چې په نړۍوال جام کې یې د یوې غښتلې لوبډلې پر وړاندې خپله سیالي وګټله.

مجیب وویل، چې دا جایزه د هرات زلزله ځپلو ته ډالۍ کوي.

د یادونې وړ ده، چې د تېرې اونۍ له شنبې ورځې راپه دېخوا په هرات کې څو ځله زلزله شوې، چې تر دا دمه د مړو او ټپیانو دقیقه شمېره نه ده معلومه.

خو د طالبانو له خوا تر دا مهاله نېږدې د ۴۰۰۰ کسانو د مړه کېدو خبره تایید شوې ده.

دا د پنځوس اوریز نړۍوال جام په تاریخ کې د افغانستان د کرېکټ د ملي لوبډلې دویمه بریا ده.

په هند کې د پنځوس اوریزو سیالیو په نړۍوال جام کې افغان لوبډلې د انګلستان کرېکټ لوبډلې ته د ۶۹ منډو په توپیر ماتې ورکړه.

انګلستان پچه وګټله او توپ وهنه یې غوره کړه.

د افغانستان د کرېکټ ملي لوبډلې په ۴۹.۵ اورونو کې خپل ټول لوبغاړي له لاسه ورکولو سره ۲۸۴ منډې جوړې کړې او خپل سیال ته یې د ۲۸۵ منډو هدف وټاکه.

په افغان لوبغاړو کې د ۸۰ منډو په کولو سره رحمان الله ګربز تر ټولو ډېرې منډې جوړې کړې، ورپسې اکرام علي خېل ۵۸ منډې وکړې.

تر دې مخکې افغان لوبډلې په دغه لوبغالي کې له کوربه هند هم ماتې خوړلې وه.

انګلنډ په روان نړۍوال جام کې خپله لومړۍ لوبه کې له نیوزیلېنډ ماتې خوړلې، خو دويمه لوبه یې له بنګله دېش ګټلې ده.

خو په روان نړۍوال جام کې افغانستان خپلې تېرې دوه لوبې بنګله دېش او هند ته بایلې وې او درېیمه لوبه یې وګټله.

دا د کرېکټ نړۍوالې شورا د ۲۰۲۳ نړۍوال جام ۱۳ لوبه ده.

د کرېکټ دا نړۍوال جام د اکټوبر پر پنځمه په هند کې پیل شو او د نومبر تر ۱۹ به روان وي.

په سږني جام کې د افغانستان، اسټرالیا، بنګله دېش، انګلنډ، هند، هالنډ، نيوزیلنډ، پاکستان، سوېلي افریقا او سریلانکا ملي لوبډلې ګډون لري.

د سیالۍ په پیل کې د چیلي ښځینه کرېکټ لوبډلې پچه وګټله او ارجنټاین ته یې د توپ وهنې بلنه ورکړه، خو د کرېکټ د مبصرینو په وینا دا پرېکړه یوه نادرسته پرېکړه وه؛ ځکه ارجنټاین په شلو اورونو کې د یوې لوبغاړې په سوځېدو ۴۲۷ منډې جوړې کړې.

دا د ښځینه کرېکټ په تاریخ کې تر ټولو ډېرې منډې دي، چې په یوې شل اوره لوبه کې کیږي.

تر دې وړاندې د بحرین ښځینه لوبډلې په یوه نړۍواله شل اوریزه سیالۍ کې ۳۱۸ منډې جوړې کړې وې.

د چیلي پر وړاندې د ارجنټاین ښځینه لوبډلې دواړو د پیل توپ وهونکو سلیزې بشپړې کړې او د لومړۍ وېکټې لپاره یې د ۳۵۰ منډو ریکارډ جوړ کړ.

د ارجنټاین د پیل توپ وهونکې البرټینا ګلان د ۱۴۵ ناسوځیدلو منډو او لوسیا ټیلر د ۱۶۹ منډو ریکارډ جوړ کړ.

د ارجنټاین لوبډلې په ۴۲۷ منډو کې ۵۷ څلوریزې وهلې، خو په ټوله لوبه کې یې کومه شپږیزه نه ده وهلې.

د چیلي د توپ اچوونکو په ډله کې له کونس تنزا څخه په څلورو اورونو کې ۹۲ منډې اخیستل شوې وې او په یوه اور کې د ۵۲ منډو په ورکولو سره، ارجنټاین د ښځینه کرېکټ په تاریخ کې نړۍوال ریکارډ جوړ کړ.

د چیلي د توپ وهنې په پاڼۍ کې دغه لوبډله په ۱۵ اورونو کې د ۶۳ منډو په جوړولو وسوځېده او لوبه د ارجنټاین په ګټه تمامه شوه.

د کرېکټ د شل اوره نړۍوالو لوبو د نړۍوالو ریکارډونو په ډله کې د ارجنټاین دا بریا تر ټولو لویه او تاریخ جوړوونکې بریا وبلل شوه.

افغان لوبغاړو په ۴۹.۵ اور کې د ټولو لوبغاړو په سوځېدو سره سیالې لوبډلې ته ۱۸۵ هدف وټاکه.

په افغان لوبغاړو کې د ۸۰ منډو په کولو سره رحمان الله ګربز تر ټولو ډېرې منډې جوړې کړې، ورپسې اکرام علي خېل ۵۸ منډې وکړې.

تر دې مخکې افغان لوبډلې په دغه لوبغالي کې له کوربه هند هم ماتې خوړلې وه.

انګلنډ په روان نړۍوال جام کې خپله لومړۍ لوبه کې له نیوزیلېنډ ماتې خوړلې، خو دويمه لوبه یې له بنګله دېش ګټلې ده.

خو په روان نړۍوال جام کې افغانستان خپلې تېرې دوه لوبې بنګله دېش او هند ته بایلې دي.

دا د کرېکټ نړۍوالې شورا د ۲۰۲۳ نړۍوال جام ۱۳ لوبه ده.

د کرېکټ دا نړۍوال جام د اکټوبر پر پنځمه په هند کې پیل شو او د نومبر تر ۱۹ به روان وي.

په سږني جام کې د افغانستان، اسټرالیا، بنګله دېش، انګلنډ، هند، هالنډ، نيوزیلنډ، پاکستان، سوېلي افریقا او سریلانکا ملي لوبډلې ګډون لري.