د طالبانو حکومت د ویاند مرستیال ویلي چې د افغانستان د بیارغونې لپاره د امریکا د ځانګړي څارونکي یا «سیګار» وروستی راپور له حقیقته لرې دی. «سیګار» ويلي طالبان د افغانستان ښوونیز نظام ته هم خپل سیاستونه ورګډوي چې له دې امله زده کوونکي زده کړو ته زړه نه ښه کوي.
د تسنیم اژانس د راپور له مخې، د افغانستان د بیارغونې لپاره د امریکا د ځانګړي څارونکي دفتر (سیګار) مخکې په یوه راپور کې ویلي: «د طالبانو حکومت د پوهنې په برخه کې د امریکا مرستو ته غیرمستقیم لاس لري.»
د طالبانو حکومت د ویاند مرستیال بلال کریمي د سیګار د راپور په غبرګون کې وویل: «د دغه راپور موندنې له حقیقته لرې او ریښتیا نه دي.»
د افغانستان د بیارغونې لپاره د امریکا ستر څارونکي "جان سیپکو" په یوه ۳۷ مخیز راپور کې ویلي، چې د طالبانو حکومت له واک ته رسېدو وروسته د افغانستان په خصوصي پوهنتونونو او ښوونځیو کې د زدهکړیالانو په شمېر کې ۵۰ سلنه کموالی راغلی دی.
سیګار زیاته کړه: «د طالبانو د حکومت ښوونیز سیاستونه هم په ښوونځیو او پوهنتونونو کې د زده کوونکو د شمولیت د کمښت لامل شوی دی.»
خو بلال کریمي ټینګار وکړ: «د افغانستان د مسایلو په اړه د سیګار د ادارې څرګندونې له حقیقت څخه لرې دي. د طالبانو حکومتټول هغه مسایل او چارې چې په افغانستان کې روانې دي د دغه هېواد د اصولو او ګټو پر بنسټ تنظیموي.»
