د امریکا د بهرنیو چارو وزیر: اسراییل باید غزه بیاځلې ونه نیسي

د هغه په خبره؛ پر پاکستان د غرب سیاسي او اقتصادي اغېز شته، خو مخامخ یې څوک ګواښلی نه شي.

ملا فضل رحمان زیاتوي، چې اسلام اباد هم د سیاسي، اقتصادي او دفاعي ستراتیژیو له مخې د غرب مقابله کوي.

فضل رحمان تېره یکشنبه په قطر کې د حماس له مشرانو خالد مشعل او اسماعیل هنیه سره ولیدل.

دا لیدنه د حماس او اسراییل د خونړۍ جګړې په درشل کې چې له یوې میاشتې راهیسې روانه ده، شوې ده.

اسراییل وايي؛ ځواکونه یې د غزې زړه ته رسېدلي دي.

بل خوا په پاکستان کې د مولانا فضل الرحمان یو شمېر سیاسي مخالفینو ویلي، چې د نوموړي څرګندونې یوازې کمپایني بڼه لري او نوموړی هڅه کوي، چې په راتلونکو ټاکنو کې یې د شعار په توګه وکاروي.

د اروپايي ټولنې د کوپرنیک اقلیمي بدلون اداره وايي؛ له ۲۰۱۹ کال راهیسې د پخوانیو اکټوبر میاشتو ریکارډ تېرې اکټوبر میاشتې په خوار لوی توپیر مات کړ.

د رویټرز د راپور له مخې؛ دې ادارې مرستیال مشر سمانتا برګس د تېرې میلادي میاشتې پر ګرمۍ د بحث پر مهال وویل؛ د ۰.۴ سانتي ګراد درجې ډېرې ګرمۍ سره ریکاډ مات شو، چې دا خورا لوی توپیر دی.

د تودوخي زیاتېدل هم د انساني چارو له امله د ګلتوني ګازونو تولید او سږ کال هم ور سره د ال نینو په نوم د هوا بدلون دی چې د ارام سمندر ختیځ کې یې د اوبو کچه ګرمه کړې ده.

په نړۍواله کچه د اکټوبر په میاشت کې د هوا منځنۍ تودوخه د ۱۸۵۰ ـ ۱۹۰۰ کلونو تر ورته میاشتې ۱.۷سانتي ګراد درجې ګرمه وه او کوپرنیکوس دغه دوره له صنعتي پړاو مخکې بولي.

100%

کوپرنیکس وايي؛ د اکتوبر میاشتې دا ریکارډ ماتول ښيي، چې ۲۰۲۳ کال به په پوخ باور د نړۍ تر ټولو ګرم کال وبلل شي.

تر دې مخکې تر ټولو ګرم او ال نینو کال ۲۰۱۶ و.

دا اداره له ۱۹۴۰ کلونو راهیسې ډېټا یا معلومات ټولوي او مرستیال برګس یې زیاتوي، چې د خپلو معلوماتو پرتللو سره دا پایله اخلي، چې روان کال به په تېرو یو لک ۲۵ زره کلونو کې تر ټولو ګرم وي.

تر اکټوبر مخکې هم ورته ریکارډ سپټمبر میاشت جوړ کړی و او د کال تر ټولو ګرمه میاشت بلل شوې وه؛ خو اکټوبر د روان کال خورا بې ساری ګرم ثابت کړ.

د سومالیا حکومت په سېلاب کې ایسار زرګونه کسان ژغورلي دي.

دا سخت ورښت د سومالیا د ۴۰ کلنې بدې وچکالۍ په اوج کې دی، خو سخت زیان یې هم اړولی دی.

د دې هېواد د طبیعي پېښو سره د مبارزې مشر وايي، دا په لسیزو کې تر ټولو بد سېلاب دی ان د ۱۹۹۷ کال له سېلاب بد دی.

چارواکي زیاتوي چې ښايي د سېلاب له امله مرګ ژوبله هم ډېره شي.

اروپایي ټولنې د سې شنبې په ورځ (د نومبر ۷مه) په یوې خبرپاڼه کې لیکلي؛ په داسې حال کې چې په افغانستان کې بشرپاله وضعیت د جدي اندېښنې وړ دی، اروپایي اتحادیې د بشري مرستو په برخه کې په هېواد کې دننه زیانمنو وګړو او همداراز په ګاونډ هېواد پاکستان کې د کډوالو اړتیاو ته د رسېدو لپاره ۶۱ میلیونه یورو ځانګړې کړې دي.

دغه اتحادیه وایي، چې له دغو ۶۱ میلیونه یورو څخه ۶۰ میلیونه یورو یې په افغانستان کې فعاله بشرپاله نهادونو لپاره او یو میلیون یورور یې په پاکستان کې افغان کډوالو ته ځانګړې کړې دي.

په داسې حال کې چې په افغانستان کې نېږدې نیمایي نفوس په جدي توګه د خوړو خوندیتوب نه لري، دغه مرستې به د خوړو د ناورین د حل په برخه کې مرسته وکړي.

همداراز؛ دغه بشري مرستې به د زیانمنو وګړو نورې اړتیاوې لکه سرپناه، ساتنې، روغتیایي پاملرنې، تغذیه او اوبه پوره کړي. په ځانګړې توګه د هغو خلکو لپاره چې د اکټوبر په میاشت کې د هېواد په لویدیځ کې د زلزلې له امله اغېزمن شوي.

د دغې مرستې یوه برخه به افغانستان ته د افغان راستنیدونکو کډوالو سره مرسته وکړي.

دا نوې مرسته د هغو ۹۴ میلیون یورو بشري مرستو سربیره ده، چې سږ کال د افغانستان لپاره ځانګړې وه.

په افغانستان کې د اروپایي اتحادیې بشري مرستې یوازې د بشرپاله شریکانو له لارې ترسره کیږي.

اروپایي اتحادیه وایي، چې افغانستان د نړۍ یو له هېوادونو څخه دی چې له ستر بشري ناورین سره مخ دی او سږ کال څه باندې ۲۹ میلیونه خلک بشري مرستو ته اړتیا لري.

اروپایي اتحادیه زیاتوي، چې په افغانستان کې له ۹۰ سلنه ډېر نفوس د فقر تر کرښې لاندې ژوند کوي او شاوخوا ۱۷ میلیونه خلک په جدي توګه د خوړو نا خوندیتوب سره مخ دي.

رویټرز لیکي؛ وروسته له هغه چې اسراییل د یکشنبې په ورځ د یوې کورنۍ پر یوه موټر برید وکړ، چې له امله یې درې ماشومان او یوه ښځه ووژل شوه، حزب الله وویل چې جدي ځواب به ورکړي.

د حزب الله استازی علي فیاض د دغه هېواد په جنوب کې د وژل شویو څلورو لبنانیانو د جنازې په مراسمو کې وویل: «حزب الله به هر هغه یرغل ته دوه چنده ځواب ورکړي، چې ملکي وګړي په نښه کوي.هغه دغې ځواکمنې ډلې ته چې د ايران له خوا يې ملاتړ کېږي، په اشارې سره وويل: تر ​​اوسه يې خپل بشپړ وزن نه دى ښودلى.د لبنان امنیتي چارواکي وايي، له اسراییل سره د لبنان پر پوله د پوځي تاوتریخوالي په پایله کې تر ۶۰ زیات حزب الله جنګیالي او ۱۰ ملکیان وژل شوي دي.د اسراییل پوځ ویلي چې د دوی پوځیانو په لبنان کې یو موټر چې "د یوه مشکوک تروریستي موټر په توګه پیژندل شوی و" نیولی او د هغو راپورونو پلټنه کوي چې ملکي وګړي پکې وو.

اسراییل د دوشنبې په ورځ اعلان وکړ، چې د حزب الله سره تړلې هدفونه یې په نښه کړي دي.

که څه هم حزب الله له اسراییل سره په جګړه کې د حماس سره د یوځای کېدو غوښتنه رد کړې؛ خو د لبنان پولې ته نېږدې د اسراییل پر پوستو یې محدود راکټي بریدونه پیل کړي دي.

له اسراییل سره د لبنان پر پوله د پوځي تاوتریخوالي په پایله کې تر ۶۰ زیات حزب الله جنګیالي او ۱۰ ملکیان وژل شوي دي.