د طالبانو د اقتصاد وزارت په یوې خبرپاڼه کې د سیګار هغه راپور بې بنسټه بللی چې ویلي یې و، د بشري مرستو په وېش کې طالبان لاسوهنه کوي او مرستې هغوی پر خپلو خپلوانو او خواخوږو وېشي.
په خبر پاڼه کې زیاته شوې، چې طالبان هیڅکله هم د مرستو د وېش په بهیر کې د لاس وهنې تګلاره نه لري او په دې اړه دغه راپور رېښتینی نه دی.
د افغانستان د بیارغونې لپاره د امریکا ځانګړي څارونکي سه شنبه د (لړم په ۲۳مه) د هغه هېواد کانګرس ته په استماعیه غونډه کې ویلي و، چې د نړۍوالو بشري مرستو غوښنه برخه د طالبانو لهخوا تالا ترغۍ کېږي.
جان ساپکو خبرداری ورکړی و، چې د امریکا او نړۍوالې ټولنې مرستې د ترهګرو په روزلو لګول کېږي او که مخه یې و نه نیول شي؛ نو کېدای شي نورې ستونزې هم راولاړې کړي.
ښاغلي ساپکو دا هم ویلي و، چې طالبان له بهرنیو پروژو کلنګ اخلي او په نادولتي ادارو کې په زوره خپل خپلوان پر دندو ګوماري.
تر دې وړاندې هم یو شمېر افغانانو دا نېوکې لرلې، کومې پیسې چې هره اونۍ د بشري مرستو په نامه افغانستان ته لېږل کېږي، زیاته برخه یې طالبانو ته رسېږي.