سومالیا کې د سېلاب له امله د مړو شمېر ۹۶ کسانو ته ورسېد

AP ۱۴۰۲ لیندۍ ۵

د سومالیا خبري اژانس وايي، چې په دغه هېواد کې د وروستي ورښت او سېلابونو له امله د مړو شمېر ۹۶ کسانو ته ورسېد.

دغه اژانس زیاتوي، چې د دغه هېواد له طبیعي پېښو سره د مبازې ادارې مشر محمد معلم هم دا مړینه تایید کړې ده.

ملګرو ملتونو دا سېلاب په تېرو لسیزو کې تر ټولو بد بللی، چې له امله یې تر اوو لکو ډېر کسان بې کوره هم کړل.

سومالیا هم د افریقا د لوېدیځو او ختیځو هېوادونو په څېر د اقلیمي بدلون له امله د رامنځته شوي ورښت سره مخ ده، چې په تېر اکټوبر کې پیل شوی دی.

د ورښت له امله په ټوله سومالیا کې سېلابونه راوتلي، چې خلک یې بې کوره کړي او د کلونو جګړې له امله یې په دغه هېواد کې انساني ناورین نور هم ډېر کړی دی.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ