مجاهد: د امریکا له لوري پر دوو طالب چارواکو لګیدلي بندیزونه غندو

د جمعې په ورځ د ملګرو ملتونو د امنیت شورا لخوا د اسراییل او حماس په جګړه کې د سملاسي بشردوستانه اوربند د غوښتنې په اړه د رای ورکولو له ځنډیدو څخه دمخه ، متحده ایالاتو، چې د ویټو صلاحیت لري، امنیت شوار ته ویلی چې د داسې یو اقدام ملاتړ نه کوي.

په ملګرو ملتونو کې د متحده ایالاتو مرستیال سفیر رابرټ ووډ د امنیت شورا ته ویلي: "بشري اوربند یوازې د یوې بلې راتلونکې جګړې پیلامه ده،‌ ځکه چې حماس د تلپاتې سولې د لیدلو لیوالتیا نه لري."

د متحده عربي اماراتو له خوا امنیت شورا ته وړاندې شوي پریکړه لیک په اړه رای اچونه وروسته له هغه د څو ساعتونو لپاره وځڼډول شوه چې د امریکا د بهرنیو چارو وزیر انتوني بلنکین په واشنګټن کې د مصر، اردن، قطر، سعودي عربستان، فلسطیني ادارې او ترکیې له وزیرانو سره وکتل.

په ملګرو ملتونو کې د متحده عربي اماراتو مرستیال سفیر محمد ابوشهاب امنیت شوار ته وویل: "نن به د امنیت شورا د اوربند په اړه رای اچونه وکړي او په دې توګه به دا فرصت ولري چې د نړۍ په ګوټ ګوټ کې د دغې جګړې په اړه راپورته شوو غوښتنو ته ځواب ووايي.‌"

د اردن د بهرنیو چارو وزیر ایمن سفادي په واشنګټن کې خبریالانو ته ویلي، که امنیت شورا د دغه پرېکړه لیک په تصویبولو کې پاتې راشي دغه کار به اسراییل ته اجازه ورکړي چې په غزه کې د فلسطینیانو وژنې ته دوام ورکړي.

په دغه پریکړه لیک د سملاسي بشردوستانه اوربند د غوښتنې ترڅنګ، دا هم راغلي چې د فلسطین او اسراییل ملکي وګړي باید له بریدونو خوندي پاتې شي او ټول یرغمل شویي اسراییلیان باید سملاسي او په غیر مشروطه توګه خوشي شي.

پریکړه لیک کې راغلي چې باید غزې ته د بشري مرستو د رسیدو اجازه هم ورکړل شي.

دغه ویډیو د زینب علیزۍ په نوم د یوې زدکوونکې له خوا د افغانې نجلۍ غږ او د ناامیدۍ احساس په نوم ثبت او خپره شوې چې د شپږم ټولګي وروستۍ ازمونیه یې ورکړې او تر دې وروسته د نجونو پر تعلیم د طالبانو د بندیز له امله ښوونځي ته نشي تللی.‌

زینب وايي پلان یې درلود چې د لیسانس، ماسترۍ او دوکتورا تر کچې زدکړې وکړي او بیا د افغانستان د معارف وزیره شي.

هغه وايي: “ما غوښتل چې د افغانستان په ګوټ ګوټ کې هغو افغان خویندو او وروڼو ته چې له تحصیل څخه محروم دي، کتاب او کتابچه ور ورسوم او د زدکړو زمینه ورته برابره کړم.”

زینب زیاتوي: “خو په خواشینۍ سره زه خپله له زدکړو محرومه شوم.”

نوموړې له افغان او د نړۍ له نورو ” خیرخواه“ مشرانو غواړي چې د افغان نجونو د مکتبونو د خلاصولو لپاره لا ډیرې هڅې وکړي.

زینب وايي، د شپږم ټولګي وروستۍ ازموینې ورکولو وروسته یې د ښوونځي له استادانو او ټولګیوالو سره په خورا ناامیدۍ او ژړا مخه ښه کړې.

دغه ویډیو په خواله رسنیو کې د ځینو افغانانو غبرګونونه راپارولي دي.

د صهیب صاحبدل په نوم د اکس خواله رسنۍ یو کارن د دغې ویډیو په غبرګون کې لیکلي: ”بغیر له اوښکو تویولو ستا لپاره بل هیڅ کار نشم کولای.”

د سحر شریفی په نوم یوې بلې کارنې لیکلي چې دغې ویډیو یې زړه ورمات کړی. هغې ویلي چې د نجونو د تعلیم مخنیوی به د افغانستان راتلونکې سخته زیانمنه کړي.‌

نیلوفر ایوبي، د خواله رسنیو یوې بلې کارونکې لیکي چې د افغان نجونې د تعلیم کولو په برخه کې تل له بې شمیره خنډونو سره مخامخ شوې، خو هیڅکله یې د تعلیم سره د دوی لیوالتیا نه ده کمه کړې.

ذهیر بارکزی بیا لیکي چې، افغان نجونی له نړیوالې ټولنې مرسته غواړي،‌ ځکه چې دوی له طالبانو مرسته نشي غوښتلی. هغه لیکلي چې هیله لري چې د بشري حقونو فعالان د افغان نجونو غږ نړیوالو ته ورسوي.

له تیرو ۸۰۷ ورځو یا څه باندې دوو کلونو راهیسې طالبانو له شپږم ټولګي وروسته د نجونو پر تعلیم بندیز لګولی دی او هغوی ته د پوهنتونو د تګ او په نړیوالو ادارو کې د کار اجازه نه ورکول کیږي.‌

طالبانو په پیل کې دغه بندیز موقتي ښودلی وو، خو د نړیوالو،‌ کورنیو مشرانو او ځینو طالب چارواکو له انتقادونو سره سره، لا هم دا بندیز شته.

د نجونو او ښځو پر زدکړو او کار د بندیز له امله له افغانستان سره ډیرې نړیوالې مرستې هم محدودې شوې دي، خو د طالبانو په درېځ کې کوم بدلو ندی راغلی

دغې ادارې د «ترهګریزو» پېښو او د تلفاتو د شمېر د جدول په خپرولو سره اعلان کړی چې له ۲۰۲۰ کال تر ورپسې کال پورې د هېواد په بېلابېلو سیمو کې ۱۸۲۳ بریدونه شوي دي.

د معلوماتو له مخې په دغو بریدونو کې ۴۲۹ امنیتي ځواکونه وژل شوي او ۱۰۲۱ نور ټپیان شوي دي.

په دغو پېښو کې د ملکي تلفاتو شمېر ۱۰۷۴ تنو ته رسېږي، چې ۲۶۹ وژل شوي او ۸۰۵ ټپیان دي.

د رویټرز خبري اژانس د خبر له مخې دغه سیلاوونه چې د دوشنبې په ورځ تر سختو ورښتونو وروسته راوتلي وو په چینای ښار او تامل ناډو ایالت کې یې لږ تر لږه ۱۴ کسان وژلي دي.

د چارواکو په وینا د دغه ایالت ځینې ټیټې سیمې لا هم تر اوبو لاندې ډوبې دي.

حکومتي چارواکي او رضاکاران په کلیو او نورو سیمو کې په خپلو کورونو کې بندو کسانو ته د هغوی د اړتیا وړ خوراکی توکي ورسوي.

د کوریايي هیونډای موټرو او اپل کمپنۍ په ګډون د بیلابیلو نړیوالو شرکتونو هندي څانګې د هندوستان چینای کې فعالیت کوي.

د معلوماتي ټیکنالوژۍ خدماتو وړاندې کوونکو خپلو کارکوونکو ته ویلي چې د دې اونۍ لپاره دې له کوره کار وکړي.

په ټوله سیمه کې ښوونځي او پوهنتونونه تړل شوي. ځینې ښوونځي او پوهنتونونه په موقتي ډول د سیلاو ځپلو لپاره د سرپناه په توګه کاروکول کیږي.‌

اته کاله وړاندې په دغه سیمه کې د پراخو سیلاوونو له امله ۲۹۰ کسان وژل شوي وو.‌

د هندوستان د دفاع وزیر رجنت سینګ د پنج شنبې ورځ سیمې ته ورغلی او اعلان یې کړی وو چې نوی ډیلی د تامل ناډو ایالت سره د دې سیلاوونو د ویجاړیو د جوړولو په خاطر د مرستو په دویمه جوپه کې ۵۴ میلیونه ډالر ورکوي.

افغان لوبډلې په ټولو ۵۰ اورونو کې د لسو ویکټو په بایللو سره هندۍ لوبډلې ته د ۱۷۴ منډو هدف وټاکه.

د دې اعلامیې له مخې، سیالې لوبډلې په ۳۷،۳ اورونو کې د دریو ویکټو په سوځېدو سره دا هدف پوره کړ او افغان لوبډلې ته یې د اوو ویکټو په توپیر ماتې ورکړه.

افغان نوولس کلن ځوانان به د اسیا جام سیالیو خپله دویمه لوبه کې د راتلونکې یکشنبې په ورځ له نیپال سره ډګر ته وځي.

د ۱۹ کلنو د ۲۰۲۳ پنځوس اوره نړیوال جام کې اته لوبډلې په دوو ډلو کې یو د بل پر وړاندې په متحده عربي اماراتو کې لوبیږي.

دا جام نن پیل شو او روانې ډیسمبر میاشتې تر ۱۷ به روان وي.

په دې جام کې د افغانستان، پاکستان، هند، نېپال، سریلانکا، بنګله دېش، متحده عربي امارات او د جاپان لوبډلې ګډون لري.