د کرېکټ ۱۹ کلنو اسیا جام سیالیو کې نن افغانستان له هند سره د سیالۍ ډګر ښکته کیږي

د نوولس کلنو اسیایي جام سیالۍ د متحده عربي امارتو په کوربه توب د روان کال د ډسمبر میاشتې په ۸مه نېټه پیلیږي او تر ۱۷مې نېټې به روانې وي.

افغان نوولس کلنه ملي لوبډله خپله لومړنۍ لوبه د هندوستان په وړاندې ترسره کوي.

د اسیا جام په دغو سیالیو کې افغانستان، نیپال، هندوستان، پاکستان، متحده عربي امارات، جاپان، بنګله دیش او سریلانکا لوبډلې یو د بل پر وړاندې لوبیږي.

د کرېکټ د اسیایي شورا اسیا جام سیالۍ چې په هرو دوو کلونو کې ترسره کیږي، افغان ۱۹کلنه ملي لوبډله به په کې خپله لومړۍ سیالي د ډسمبر پر ۸ مه له هندوستان، په ۱۰مه له نېپال او په ۱۲مه نېټه له پاکستان سره ولوبیږي.

پاتې دې نه وي چې افغان ۱۹کلنې ملي لوبډلې په ۲۰۱۷م کال کې د اسیا جام لوبو اتلولي ګټلې وه او په وروستي پړاو کې یې د متحده عربي اماراتو لوبډلې ته ماتې ورکړې وه خو له هند او پاکستان څخه یې ماتې خوړلې وه.

د پاکستان لوبډلې په ۱۸.۲ اور کې د درېیو لوبغاړو په سوځېدو سره ۱۳۲ منډې جوړې کړې او لوبه یې وګټله.

پاکستانیو لوبغاړو کې فاطمه ثنا ښه بالېنک او شوال ذوالفقار په ښه بېټینک سره د خپلې لوبډلې په بریالیتوب کې ښه رول ولوباوه.

فاطمې ثنا د ۱۸ منډو ور کولو سره درې ویکټې واخیستې او پرانیستونکې لوبغاړې شوال ذوالفقار ۴۱ منډې جوړې کړې او د لوبډلې بری یې ممکن کړ.

د پاکستان کرېکټ لوبډله د نومبر پر ۲۴ د نیو زیلنډ پر وړاندې د ۳ شل اوره او ۳یو ورځنیو سیالیو لپاره نیو زیلنډ ته تللې ده.

د دواړو لوبډلو ترمنځ به درې شل اوره لوبې د ډسمبر په ۳مه، ۵مه او ۹مه نېټه په ډونېډن او کوینزټاون کې او یو ورځنۍ لوبې به د ډسمبر له ۱۲مې تر ۱۸مې په کوینزټاون او کریسټ چرچ کې ترسره شي.

افغان کرېکټ بورډ د دغې سیالۍ لپاره د افغان ابدالیانو څوارلس کسیز نوملړ اعلان کړ.

د یادې لوبې کوربه توب د دواړو هیوادونو په غاړه دی او هر هیواد د خپلې لوبډلې لګښتونه په غاړه لري.

د افغانستان کرېکټ بورډ مسولان وايي،‌ د انګلستان الف لوبډلې په وړاندې دغه درې ورځنۍ تمریناتي سیالۍ د راتلونکو سیالیو او سفرونو لپاره د افغان ابدالیانو لوبډلې د لا چمتووالي په موخه پلان شوې ده.

د افغانستان کرېکت بورډ مشر میرویس اشرف د یادې سیالۍ په اړه وايي: «موږ غوره وبلله چې له دغه فرصت څخه ګټه واخلو او د انګلستان الف لوبډلې په وړاندې د سور توپ، یوه درې ورځنۍ سیالۍ پلان کړه، چې له نېکه مرغه پکې بریالي شوو.»

د افغانستان کرېکټ بورډ وايي، هڅه کوي د افغانستان الف لوبډلې لپاره په پرله پسې ډول لوبې برابرې کړي چې د راتلونکو لوبو او ورته سیالیو لپاره چمتو شي او د ملي لوبډلې لپاره د ملاتړې ډلې ځای ونیسي.

د انلګستان الف لوبډلې پر وړاندې د افغان ابدالیان لوبډلې لوبډلمشر اکرام عليخیل ټاکل شوی، احسان الله جنت، سمیع الله شینواري،افسر ځاځي او شراف الدین اشرف په څېر د ملي لوبدلې نور لوبغاړي یې هم ملتیا کوي.

د نویو ځوانانو هاکي نړیوال جام کې به له بیلابیلو هیوادونو ۱۶لوبډلې ګډون وکړي او د ۱۱ ورځو لپاره به له یو بل سره ولوبېږي.‌

د هاکي نړیوال جام کې به د ارجنټاین، استرالیا، بلجیم، کاناډا، چیلي، مصر، فرانسې، جرمني، هند، سویلي کوریا، مالیزیا، هالنډ، نیوزیلینډ، پاکستان، سویلي افریقا او هسپانیا لوبډلې ګډون کوي.

د دغې جام د پیل په سیالیو کې به په لومړۍ ورځ دولس ټیمونه سره لوبې وکړي.

د جام لومړۍ سیالۍ به په محلي وخت د سهار پر نهو بجو د فرانسې او مصر ترمنځ وي.

په دویمه لوبه کې به جرمني له سویلي افریقې سره، او بیا اسپانیا له کاناډا سره او تر هغه وروسته ارجنټاین له اسټرلیا سره او هندوستان له کوریا سره سیالي کوي.

د هاکي د نوي ځوانانو د نړیوال جام په لومړی ورځ به کوربه هیواد مالیزیا د چیلي سره د جام د لومړۍ ورځې وروستۍ سیالي ترسره کړي.‌

پاکستان به د دغې جام په دریمه ورځ پنجشنبه له نیوزیلینډ سره خپله لومړۍ سیالی وکړي.

د پاکستان او اسټرالیا ترمنځ به شل اوریزې لوبې د ډسمبر په ۱۴مه پیل شي او ورپسې دویمه لوبه به د ډسمبر په ۲۶مه نېټه په میلبورن ښار کې ترسره شي.

د دغه سفر وروستۍ لوبه به د راتلونکې جنورۍ میاشتې په ۳مه نېټه په سیډني کې وشي.

پاکستانۍ لوبډله کې د لوبغاړو، چارواکو او روزونکو په ګډون ۳۱ غړي شامل دي.