د فرانسوي ښوونکي د سر پرې کولو په قضیه کې شپږ تنکي ځوانان په بند محکوم شول

د طالبانو د بهرنیو چارو وزارت ویاند عبدالقهار بلخي خپل اېکس کې د دې اعلامیې په شریکولو سره، د ملګرو متلونو د امنيت شورا د هغو غړو هيوادونه د دريځ ستاينه کړې، چې په فلسطين کې د دايمي اوربند او د ستونزې د حل ملاتړ يې کړی.

د ملګرو ملتونو په امنیت شوراه کې د متحده عربي اماراتو له خوا امریکا هغه پرېکړه لیک رد کړ، چې‌ په غزه کې یې د سملاسي اوربند غوښتنه کړې وه.

د امنیت شورا په رایه اچونه کې یوازینی هېواد امریکا و، چې د دغې شورا غوښتنې ته یې منفي رایه ورکړه.

دې پرېکړه لیک ته تر رایې ور کولو مخکې په ملګرو ملتونو کې د امریکا مرستیال سفیر ویلي و چې ځکه په غزه کې د اوربند ملاتړ نه کوي، ځکه دا به د یوې بلې جګړې پیلامه وي. د هغه په باور حماس تلپاتې سوله نه غواړي.

د طالبانو د بهرنیو چارو وزارت وايي، چې امريکا په نړیواله سطحه بشري حقونه د سیاسي وسلې په توګه کاروي او زیاتوي، چې د امریکا دا ډول هڅې نړیوال عادلانه نظم رامنځ ته کولو اړتیا ډاګیزوي.

د طالبانو دا څرګندونې او نیوکې په داسې مهال دي چې دوی پخپله پر پراخو بشري سرغړونو تورن دي.

پوځ دا هم وايي، چې په دغو عملیاتو کې یې وسله، مهمات او باروت هم کشف کړي دي.

د پاکستان پوځ دا نه دي ویلي چې دا عملیات کله شوي او دوی ته هم پکې مرګ ژوبله اوښتې او کنه.

په دې وروستیو څو میاشتو کې په ټانک کې د پوځ او د پاکستان طالبانو غورځنګ ترمنځ د نښتو او بریدونو پېښې ډېرې شوې دي.

ښاغلی ویسټ چې پاکستان ته له دوه ورځني سفر وروسته نن له دغه هیواده ولاړ، په خپله اېکس پاڼه لیکلي چې هغه د دغه هېواد د پوځ له لوی درستیز جنرال عاصم منیر، د بهرنیو چارو سرپرست وزیر عباس جیلاني او د افغانستان لپاره د پاکستان له ځانګړي استازي اصف دراني سره کتلي دي او له ترهګرۍ سره یې د مبارزې ترڅنګ پر بېلابېلو موضوعګانو بحث کړی دی.

نوموړي د دغه سفر په ترڅ کې له پاکستاني چارواکو سره په لیدنه کې د ټي ټي پي په اړه د شته اندېښنو او د افغان کډوالو لپاره د اسانتیاوو په برابریدو هم خبرې کړې دي.

دا په داسې حال کې ده چې، د افغانستان په چارو کې د امریکا ځانګړي استازي ټام ویسټ تر دې مخکې پاکستان، متحده عربي اماراتو، قطر او سعودي عربستان ته د خپل دوره یي سفرونو د بیا پیلولو خبر ورکړی و.

ښاغلي ویسټ ویلي و چې د دغو سفرونو موخه د امریکا له مهمو شریکانو سره لیدل او د افغانستان پر سیاسي، امنیتي، اقتصادي او بشري مسایلو خبرې کول دي.

د اسراییل د پوځ ویاند ایلون لوي د دغو کسانو په اړه ویلي، چې دوی د غزې ښار په جبالیه او شجاعیه سیمو کې د حماس ډلې په پناه ځایونو کې نیول شوي دي.

نوموړي زیاته کړه، په دغه سيمه کې یې ولسي خلکو ته ویلي و چې له دې ځایه ووځي.

اخوا رویټرز خبري اژانس لیکلي دي چې دغه کسان د غزې په شمال کې د بیت لاحیا په سیمه کې نیول شوي دي، هغه ځای چې اسراییلي پوځ ولسي وګړو ته د وتلو خبرداری ورکړی و.

فلسطینیان بیا وايي، په دغو انځورونو کې د دوی ځینې خپلوان لیدل کېږي، چې له حماس سره هېڅ تړاو نه لري.

فلسطیني هاني المادحون چې په امريکا کې اوسېږي، رويټرز اژانس ته ويلي، چې په انځورونو کې يې د خپل دولس کلن وراره په ګډون دولس تنه خپلوان ليدلي دي.

هغه زياته کړې، چې دغه کسان د اسرایيلي پوځ له خوا له دولس ساعته بند او پوښتنو ګروېږنو وروسته خوشې شوي دي.

دغه فلسطیني وګړي وویل چې خپلوان یې له حماس ډلې سره هیڅ تړاو نه لري.

په لندن کې میشت نوي العربي خبري شبکې هم ویلي چې د دوی یو خبریال دیا الکهولت هم په نیول شویو کسانو کې شامل دی.

دغې شبکې له نړیوالې ټولنې او د بشري حقونو له بنسټونو وغوښتل چې د خبریالانو نیول کیدل وغندي.

د خبریالانو د خوندیتوب کمېټې د دغه خبریال د خلاصون غوښتنه کړې ده.

د خبریالانو د خوندیتوب کمېټې د یاد خبریال د خوشې کیدو غوښتنه کړې ده.

د اردن بهرنیو چارو وزیر ایمن الصفدي هم ویلي چې په نیول شویو کسانو کې یو شمیر خبریالان او ډاکټران هم شته چې سپکاوی یې شوی دی.

د حماس یوه چارواکي عزت الرشیق د دې انځورونو په غبرګون کې اسراییل د «بې ګناه ملکي وګړو په وړاندې د یو ظالمانه جرم» په ترسره کولو تورن کړ.

هغه وويل، دغه کسان په يوه ښوونځي کې چې ملکي وګړو د اسراييل بمباريو له امله پناه اخیسنې وه، نیول شوي دي.

د فلسطینیانو نیول او بربنډولو د بشري حقونو د ځینو ډلو له نیوکو سره هم مخ شوي دي.

د سره صلیب نړیوالې کمیټې ویلي چې د انځورونو په اړه ژوره اندیښنه لري: «له ټولو نیول شویو کسانو سره باید د نړیوال بشردوستانه قانون سره سم د انساني کرامت له مخې چلند وشي.»

د حماس رسنيز دفتر ويلي، چې اسراييل له دغو کسانو څخه يو شمېر یې خوشې کړي، خو دا لا روښانه نه ده چې څومره نور لا هم په بند کې دي.

خو د طالبانو ویاند ذبیح الله مجاهد په اکس خواله رسنۍ خپور کړي پیغام کې د امریکا د خزانه دارۍ وزارت له خوا پر دې طالب چارواکو لګیدلي‌ بندیزونه غندلي دي.

د مجاهد په وینا فشار او بندیزونه هیڅ ستونزه نشي هوارولی او دا چې د ده په وینا امریکا د دغه دول ناکامو کړنو تجربه لري چې نورې باید تکرار نشی.‌

نوموړي ویلي: “په داسې حال کې چې امریکا پخپله د اسراییل د ملاتړ له امله د بشري حقونو تر ټولو ستر سرغړونکی هیواد دی، د بشري حقونو پر سرغړونو د نورو تورنول او بیا پرې بندیزونه لګول غیر منطقي کار دی.”

د متحده ایالتونو د بهرنیو چارو وزیر انتوني بلنکین د جمعې په ورځ په یوه اعلامیه کې ویلي چې د امریکا د خزانه دارۍ وزارت او بهرنیو چارو وزارت د ۱۳ هیوادونو په ۳۷ کسانو له بشري حقونو د سرغړونې له امله بندیزونه لګولي دي.

په دې ډله کې د افغانستان، چین او ایران په ګډون د یو شمیر نورو هیوادونو چارواکي هم شامل دي.

د امریکا د خزانه دارۍ وزارت ویلي چې پر طالب چارواکو د ښځو او نجونو د ځپلو له امله بندیزونه لګیدلی او د طالبانو د امر بالمعروف او نهې عن المنکر وزرات سرپرست وزیر حنفي د انساانانو په وژنو، اختطافونو، وهلو او ټکولو کې لاس لري.