د ترکیې ولسمشر رجب طیب اردوغان د شنبې په ورځ د ملګرو ملتونو امنیت شورا کې د سمون غوښتنه وکړه. نوموړي د دې شورا دا څانګړنه هم وغندله چې عړي یې متحده ایالتونو د نورو هېوادونو له پراخ ملاتړ سره سره په غزه کې د اوربند وړاندیز ویټو کړ.
د ترکیې ولسمشر رجب طیب اردوغان په استانبول كې د بشري حقونو په كنفرانس كې وويل: «د ملګرو ملتونو د امنيت شورا د اوربند غوښتنه يوازې د امريكا د ويټو له لارې رد شوې ده، ايا دا انصاف دى؟»
هغه زیاته کړه: «د ملګرو ملتونو امنیت شورا اصلاح ته اړتیا لري.»
د طالبانو د بهرنيو چارو وزارت د امريکا هغه دريځ غندلی، چې پکې یې د ملګرو ملتونو د امنيت شورا له خوا په غزه کې د حماس او اسراییل ترمځ د سملاسي اوربند پرېکړه لیک ويټو کړی دی.
د دې وزارت په اعلامیه کې راغلي، چې امريکا په دغه ګام سره په غزه کې د «روان ظلم ملګرې او شريکه ده.»
متحده ایالاتو پرون په غزه کې د بیړني بشري اوربند لپاره د ملګرو ملتونو د امنیت شورا د پریکړه لیک مسوده ویټو کړه.
د متحده عربي اماراتو په نوښت، په دغه پریکړه لیک کې د یرغمل شویو کسانو په بیړنۍ او غیر مشروطه خوشې کیدا ټینګار شوی و.
په ملګرو ملتونو کې د امريکا د استازي مرستيال ویلي و، چې د ملګرو ملتونو دغه پرېکړه ليک له حقيقته لرې دى.
دغه طرحه د ۱۳ موافقو رایو، د امریکا د یوې مخالفې رایې او د بریتانیا له شنډې رایې سره تصويب نه شوه.
