د بښنې نړیوال سازمان یو ځل بیا پر طالبانو غږ وکړ چې د بشري حقونو فعالان او دڅلور معترضې ښځې ژر تر ژره خوشې کړي. دغه سازمان پرون بیا ویلي، د طالبانو په بند کې د بشري حقونو د یو شمیر فعالانو او د پریسا ازاده، ندا پرواني، ژولیا پارسي او منیژه صدیقي دوامدره ساتلو اندیښمن کړي دي.
د دیسمبر پر لسمه د بشري حقونو د نړیوالې ورځې په مناسبت هم مختلفو لورو پر طالبانو غږ وکړ چې د بشري حقونو فعالان په تېره دغه یادې څلور مېرمنې خوشې کړي.
د بښنې نړیوال سازمان د نومبر په ۲۵ مه د ښځو په وړاندې د تاوتریخوالي د له منځه وړلو د نړیوالې ورځې په مناسبت د افغان ښځو د ملاتړ لپاره ۱۶ ورځنی کمپاین وکړ.
په دې ۱۶ ورځو کې د بښنې نړیوال سازمان هره ورځ د دغه سازمان په ټولنیزه پاڼه کې د ښځو اړوند د بشري حقونو، پوهنې او د ښځو د حقونو د مدافعینو هغه پیغامونه خپرول چې پکې د نیول شویو ښځو د خوشې کیدو او ټولو بشري حقونو ته د ښځو او نجونو لاسرسی غوښتل شوی و.
په افغانستان کې د طالبانو له واکمنۍ وروسته د ښځو پر وړاندې د تاوتریخوالي په زیاتیدو سره ښځې او نجونې د زدکړو او کاري فرصتونو په ګډون له خپلو ټولو لومړنیو حقونو بې برخې شوې دي.
