د روغتیا نړۍوال سازمان وايي، د غزې په شمال کې هېڅ فعال روغتون نه شته
د روغتیا نړۍوال سازمان د پنجشنبې په ورځ اعلان وکړ، چې د غزې په شمال کې د تیلو، طبي کارمندانو او تجهیزاتو د نشتوالي له امله فعال روغتونه نه شته.
د روغتیا نړۍوال سازمان د پنجشنبې په ورځ اعلان وکړ، چې د غزې په شمال کې د تیلو، طبي کارمندانو او تجهیزاتو د نشتوالي له امله فعال روغتونه نه شته.
د دغه سازمان په وینا؛ په ټوله غزه کې له ۳۶ روغتیايي مرکزونو څخه یوازې د دغې سیمې په سویل کې ۹ مرکزونه په نیمه توګه فعال دي.
په غزه کې د روغتیا نړۍوال سازمان استازي ریچارډ پیپرکورن وویل: «په حقیقت کې د غزې په شمال کې هېڅ یو روغتون نه دی پاتې چې کار ترې واخیستل شي.»
پیپرکورن وويل: «الاهلي روغتون یوه ارام ځای ته ورته دی، چې ډېر محدود او د پاملرنې لږ خدمات وړاندې کوي.»
هغه وویل، دا روغتون په دې سيمه کې وروستۍ فعال روغتون و؛ خو د درملنې دغه مرکز اوس لږ تر لږه فعال دى.
د روغتیا د نړۍوال سازمان د دغه چارواکي په وینا؛ د خوندي او باعزته تدفین د نشتوالي له امله د اسراییل د وروستیو بریدونو د قربانیانو جسدونه د دغه روغتون په انګړ کې اېښودل شوي دي.
هغه زیاته کړه: «په الاهلي روغتون کې ځیني ناروغان په اونیو د جراحۍ عملیاتو لپاره انتظار باسي او که عملیات ترسره شول نو د درملو د کمښت له امله د عفونت له خطر سره مخ دي.»
ریچارډ پیپرکورن هم پر بشردوستانه اوربند ټینګار وکړ.
