د روغتیا نړۍوال سازمان وايي، د غزې په شمال کې هېڅ فعال روغتون نه شته

په اسراییل کې د ایران انټرنشنل د خبریال د معلوماتو له مخې؛ اسراییل دغه وړاندیز د پنجشنبې په ورځ (د لیندۍ ۳۰مه) تر هغه وروسته رد شو، چې اسراییل د څلوېښتو یرغمل شویو کسانو د خوشې کېدو موضوع مطرح کړه.

دا په داسې حال کې ده، چې حماس او اسراییل تر دې مخکې د یوې اونۍ لنډ مهاله اوربند په تړون کې د لسګونو فلسطینیانو د یرغمل شویو بندیانو تبادله کړې وه او همدا راز اسراییل زیانمنو او اړمنو کسانو ته د بشري مرستو د رسولو اجازه ورکړې وه.

د راپورونو له مخې؛ اوسمهال شاوخوا ۱۲۰ اسراییلیان له حماس سره یرغمل دي او لسګونه نور فلسطینیان بیا اسراییل سره یرغمل نیول شوي دي.

د یادولو ده، چې د اکټوبر میاشتې په اومه نېټه حماس ډلې شاوخوا پنځه زره توغندي په اسراییل وتوغول چې په پایله کې یې کابو ۱۲۰۰ کسان ووژل شول او ۲۴۰ کسان یرغمل ونیول شول.

له دې سره د دغه برید په ځواب کې بیا اسراییل په غزه کې پراخ چاڼیز عملیات پیل کړل، چې تر دې مهاله څه باندې ۱۹ زره فلسطینیان وژل شوي، سلګونه زره کسان له خپلو کورونو بې ځایه شوي او زرګونه نور یې ټپیان او لادرکه کړي دي.

په دغو جګړو کې نه روغتونونه خوندي پاتې شول، نه ښوونځي، نه ښځې او نه هم ماشومان.

سره له دې چې په بېلابېلو هېوادونو کې میلیونونو کسانو د فلسطینیانو په ملاتړ او د جګړو د بندیدو لپاره لاریونونه وکړل؛ خو دغو غوښتنو ته اسراییلیانو پاملرنه ونه کړه.

د پراګ د بېړنیو حالاتو ویاند د چک دولتي تلویزیون ته وویل: « اوس ویلی شم ووایم چې د برید کوونکي په ګډون ۱۱ تنه وژل شوي دي.»

د کورنیو چارو وزیر له خلکو د همکارۍ غوښتنه وکړه او ویې ویل، چې بل کوم خطر نه شته.

پولیسو د ډزو ځای ته څېرمه سیمه کلابنده کړې او له خلکو یې غوښتي چې په کورونو کې پاتې شي.

له ډزو وروسته پولیس سیمې کې ځای پر ځای شول او وضعیت یې تر کنټرول کړی.

د پراګ ښاروال ویلي، چې له ډزو وروسته د چارلز پوهنتون د فلسفې پوهنځی خالي شوی دی.

ډونالډ ټرمپ په خپلې څلور کلنې ولسمشرۍ دوره کې د امریکا سترې محکمې ته بدلون ورکړ.

اوس ۶-۳ محافطه کاره اکثریت چې هغه یوځای کړي دي، د یو څو قضیو له مخ کېدو سره شاید دا معلومه کړي چې ایا جمهوري غوښتونکي به وشي کړی سپینه ماڼۍ بېرته تر لاسه کړي.

سترې سیاسي قضیې کولې شي د هېواد په سترې محکمې فشار راوړي، چې یو ځل بیا په ټاکڼو کې ښکیله شي. محکمه کولې شي چې د ۲۰۲۴ کال په ولسمشریزو ټاکنو کې پراخ رول ولوبوي.

د کالیفورنیا پوهنتون د حقوقو پوهنځي مشر ایرون چیمیرنسکي رویټرز ته وویل: « څه چې سږ کال غیر معمول دي هغه دا دي چې محکمې باید له ټاکنو مخکې خورا ستره اغیزه کړې وی، په ځانګړې توګه دا یې باید په ګوته کړې وی چې ډونالډ ټرمپ کولی شي په ټاکنو کې برخه واخلي او ایا د هغه په ​​​​فیډرالي جرمي محاکمه کې پرمختګ کېدلی شي.»

قاضیان عموماً د قضیو او سیاسي مسایلو په اړه پر خپلو احکامو د عامه تبصرو څخه ډډه کوي، که څه هم اکثریت محافظه کاره ډلې په زیاتېدونکي توګه د امریکا قانون ښي خواته وړی.

د حقوقي تحلیل بلاګ لافیر ډیټابیس له مخې کولوراډو تر دې دمه یوازینی ایالت دی، چې ټرمپ له ۳۲ ایالتونو څخه له رایې بې برخې کوي.

ستره محکمه څنګه د کولوراډو قضیه کې د ټرمپ استیناف اداره کولی شي او ایا ورته هڅې به د ټول هېواد په ایالتونو کې بریالۍ یا ناکامې شي.

وکیلانو د میشیګن عالي محکمې څخه غوښتنه کړې چې په دې قضیې بیا کتنه وکړي.

میشیګن په سیاسي لحاظ له کولوراډو سره خورا ستره سیالي لري او ښکاري چې د ۲۰۲۴ ټاکنو کې به پرېکړه کوونکی رول ولوبوي.

د میشیګن پوهنتون د حقوقو پروفیسور لیه لیټمن وویل، چې د کولوراډو قضیه او د قاضیانو پر وړاندې د ټرمپ نورې شخړې "د ډېموکراسۍ لپاره خورا لوی خطر لري."

په ۲۰۲۱ میلادي کال کې له واک پرېښودو راهیسي ټرامپ د جرمي تورونو سره - سره له ډېری قانوني ننګونو سره مخ دی.

خو دغو ننګونو د هغه محبوبیت او شهرت د خلکو تر منځ نه دی کم کړی لا یې د هغه ملاټړي ځواکمن کړي دي.

د اوکراین لومړي وزیر ویلي، دا مرستې به له دوی سره د اقتصادي ثبات په ساتلو او ټولنیز مکلفیتونو پوره کول کې مرسته وکړي.

نوموړي په ټېلېګرام خواله رسنۍ کې په یو پیغام کې ویلي، چې اوکراین له اروپايي ټولنې څخه د ۱،۵ میلیارده یورو مرستې ترلاسه کولو سره د مرستې د دې کڅوړې وروستۍ برخه هم لاسته راوړې ده.

هغه زیاته کړه: "دا مرستې زموږ سره د اقتصادي ثبات ساتلو او زموږ ټولنیز مسوولیتونه پوره کولو کې همکاري کوي."

د ۲۰۲۲ کال په ډسمبر میاشت کې اروپایي کمېسیون اعلان وکړ، چې دوی د ۱۸ میلیارده یورو په ارزښت اوکراین سره د لویو مالي مرستې یوه کڅوړه تصویب کړې، چې موخه یې د ۲۰۲۳ کال لپاره د دغه هېواد "عاجلو اړتیاو" تمویل کول دي.

روچیرا کمبوج د چهارشنبې په ورځ د افغانستان د وضعیت په اړه د امنیت شورا یوې غونډې ته په وینا کې وویل، چې د افغانستان د یوه مترقي ګاونډي او د دې هېواد د خلکو د ملګري او د یوه داسې هېواد په توګه چې افغانستان کې د سولې په تامین کې مستقیم رول لري، هندوستان لا هم د افغانستان د وضعیت په اړه اندېښمن دی.

کمبوج وويل: "زموږ په بېړني لومړيتوبونو کې د افغانانو لپاره د بشري مرستو برابرول، د يوه ټول شموله او انتخابي حکومت جوړښت، د ترهګرۍ او نشه يي توکو له قاچاق سره مبارزه او د ښځو، ماشومانو او لږکيو د حقونو خوندیتوب شامل دي."

هندوستان تر اوسه د طالبانو حکومت په رسمیت نه دی پېژندلی او په کابل کې یې د یوه ریښتیني ټول شموله حکومت پر جوړېدو او د نورو هېوادونو پر ضد د افغانستان د خاورې پر نه کارېدو یې ټینګار کړی دی.‌