د مشهد په ګرځنده بازارونو کې د افغان مهاجرینو پر فعالیت بندیز ولګول شو

ښاغلی مجاهد د ملي راډیو د «بحث او شننه» خپرونه کې وايي: مونږ خپله د هغو کسانو پرضد اقدامات کوو چې د افغانستان له خاورې څخه پاکستان ناامنه کوي.

دی په ټینکار سره وايي چې هیچ چاته اجازه نه ورکوو چې د افغانستان خاوره بل هیواد په وړاندې استمعال کړي او پټنځي ولري.

نوموړي په دغه مرکه کې زیاتوي چې د طالبانو د حکومت او د مشر درېځ یې دا دی، چې له افغانستان څخه بل هیواد ته ضرر ونه رسیږي.

د طالبانو په واکمنېدو سره په پاکستان کې د وسلوالو بریدونه ډېر شوي او اسلام اباد پر کابل تور پورې کوي، چې د دوی ضد وسلوالو ته یې پنا ور کړې ده.

افغان طالبان د پاکستان دا ادعا ردوي او د پخوا په څېر مجاهد په دې مرکه کې هم د پاکستان له امنیتي ادارو څخه غواړي چې خپلې خاورې امنیت ته دې په خپله متوجې شي.

مجاهد زیاتوي د امارت د واک ته رسېدو څخه کلونه وړاندې ټي ټي پي په پاکستان کې بریدونه کول دا هم د پاکستان د تېر نظام د پرویز مشرف د حکومت غلطیو پالیسیو نتیجه وه.

د هغه په خبره، مشرف په خپل هیواد کې امریکا ته اډې او امکانات ورکړل چې همدې امله خپل ناراضه ولس یوه برخه ورته پورته شول او په جنګ ورسره اخته شول.

افغانستان انټرنشنل ـ پښتو ته څو سرچینو تایید کړه چې د پاکستان د وروستیو فشارونو له امله افغان طالبانو په افغانستان کې د تحریک طالبان پاکستان ۲۵ غړي نیولي دي.

دغه سرچینې زیاتوي افغان طالبان د ټي ټي پي پر مشرانو فشار راوړي چې په پاکستان کې خپل بریدونه ودروي.

د لغمان ولایت په علیشنګ ولسوالۍ کې د ابوبکر صدیق مدرسه د طالبانو تر ولکې لاندې دی.

د طالبانو د پوهنې وزارت په اېکس پاڼه کې د مولوي شاه جهان ساجد عکس لیدل کیږي چې په لغمان کې په یوه مدرسه کې د ملګرو ملتونو د ماشومانو د وجهي صندوق (یونیسف) لوګو سره یوه کتابچه د دیني زدکړو پر نارینه زدکوونکو ویشي.

تر اوسه د ملګرو ملتونو د ماشومانو وجهي صندوقد طالبانو تر واک لاندې مدرسو کې د خپلو مرستو د ویش په اړه څه نه دي ویلي.

تر دې مخکې، د روانې میاشتې په پای کې د افغانستان د بیارغونې لپاره د امریکا ځانګړي مفتش (سیګار) په یوه راپور کې ویلي وو چې طالبانو د خپلو مدرسو د ملاتړ لپاره "مرستې" او "دولتي بودیجې" کارولې دي.

د سیګار په راپور کې راغلي چې دیني ښوونځي د غیر رسمي تعلیمي سیسټم یوه برخه ده، چې ښوونکي یې "دیني عالمان" او "مذهبي" دي چې یوازې دیني مضامین تدریسوي او د ښوونځیو لپاره معیاري نصاب نشته.

سرچینې افغانستان انټرنشنل ته ویلي، چې طالبان پر مدرسو د ښوونځیو د بدلولو په اړه خبرې کوي.

د دوی په وینا طالبانو ځینو بهرنیو چارواکو ته ویلي چې نجونې دې په دیني مدرسو کې زدکړې وکړي او د طالبانو مشر په دې برخه کې کومه ستونزه نه لري.

دغو سرچینو ویلي چې طالب چارواکو استدلال کړی چې د ښوونځيو او مدرسو ترمنځ توپیر نشته او دا ډله په دیني مدرسو کې عصري او دیني موضوعات تدریسوي.

د سرچینو په وینا طالبانو له نړیوالې ټولنې غوښتي چې د دې ډلې د مدرسو مالي ملاتړ وکړي.

په همدې حال کې په افغانستان کې د ملګرو ملتونو د سرمنشي استازې د ملګرو ملتونو د امنیت شورا په وروستۍ غونډه کې وویل، شواهد ښيي چې په مدرسو کې زیاتې نجونې زدکړې کوي.

روزا اوتونبایوا د امنیت شورا له غونډې وروسته افغانستان انټرنشنل ته وویل، د طالبانو د پوهنې د وزیر په حواله لس میلیونه ماشومان د طالبانو په مدرسو کې زدکړې کوي. هغې زياته کړه چې نور پنځه ميليونه ماشومان له زدکړو بې برخې دي.

د پنجشنبې په ورځ د ملګرو ملتونو د امنیت شورا تر غونډې وروسته مېرمن اوتونبایوا وویل، طالبان هڅه کوي چې زیات ماشومان د دیني زدکړو په سیستم کې شامل کړي، ځکه دوی باور لري چې مدرسې خپلط او ښوونځي د غرب دي.

د یوناما د مشرې څرګندونو ته غبرګون: د ملګرو ملتونو استازې د نجونو په نه شتون کې لوی جوړجاړی کوي

د طالبانو په مدرسو کې د ماشومانو په ځانګړې توګه د نجونو د زدکړو په اړه د یوناما د مشر خبرې له پراخو غبرګونونو سره مخ شوې.

د بشري حقونو د څار د ښځو چارو مسوولې وویل چې یوناما د نجونو د تعلیم په برخه کې د یوه لوی جوړجاړي لپاره چمتووالی نیسي.

د افغانستان په تېر حکومت کې د ولسي جرګې غړې فوزیه کوفي وايي، ډاډه نه ده چې یوناما په افغانستان کې د ملګرو ملتونو منشور ته درناوی کوي که نه.

اغلې کوفي په دې باندې په ټینګار سره چې مدرسې د رسمي زدکړو ځای نه شي نیولی، په ایکس چینل کې لیکلي چې په افغانستان کې د ملګرو ملتونو اصول له خطر سره مخامخ دي.

فوزيې کوفي چې پخوا يې د طالبانو د ديني مدرسو د ودې او د افراطيت د ودې په اړه اندېښنه ښودلې، په دې ليکنه کې پوښتنه کړې ده چې : زموږ په نه شتون کې به بيا څه پخېږي؟

خو د طالبانو ویاند ذبیح الله مجاهد پر مدرسو د ښوونځیو بدلولو ادعاوې ردوي او وايي، مدرسه او مکتب دواړه د ټولنې اړتیاوې دي.

هغه بي بي سي پښتو ته ویلي، چې اوس یې هم ډېر مصارف پر ښوونځیو کېږي.

افغانانو به ناکامورا ته کاکا مراد ویل او پر کونړ سیند یې د ننګرهار ښېوه ولسوالۍ کې د بند جوړولو سره شاړه ځمکه ښېرازه کړه.

نوموړي دا شعار درلود چې اوبه، نه وسله او په خپل کار سره یې خلک له خوارځواکۍ وژغورل.

د تیڅو ناکامورا وژل کېدو سره د نوموړي پروژې هم نیمګړې پاتې شوې.

په افغانستان کې د جاپان سفیر سږ کال وویل، چې د ښاغلي ناکامورا پروژې به بشپړې شي.

اساهي شیمبون ورځپاڼې نن ویلي، ۷۳ کلن نوریو اوا سپټمبر کې افغانستان ته تللی او د اوبو رسولو او زرغون چاپېریال برابرولو لپاره د ښاغلي ناکامورا نیمګړې پروژې بشپړوي.

نوموړي دې ورځپاڼې ته ویلي: «که څه هم د توان له مخې له تیڅو ناکامورا سره پرتله کېدلی نه شم، خو له ځايي پوهانو سره به خپلې تجربې او پوهه شریکه کړم.»

نوریو اوا د څلورو کلونو لپاره د جاپان په فوکوکا ښار کې د اینجینرۍ یوې خصوصې ادارې غړی دی.

د اساهي شیمبون په خبره، نوریو اوا له پخوا غوښتل چې په متقاعد کېدو د تیڅو ناکامورا سره مرسته وکړي، خو دې هیلې ته تر رسېدو مخکې ښاغلی ناکامورا په افغانستان کې ووژل شو.

د خبرپاڼې له مخې، د دغه سړي پر وژنې تورن کس له سیمې تښتېدلی دی.

تر اوسه د دغه کس د وژنې انګېزه معلومه نه ده؛ خو له څو مياشتو راهيسې د افغانستان په بېلابېلو سيمو کې هدفي او مرموزې وژنې زياتې شوې دي.

ګڼ خلک طالبان په دغه ډول پېښو کې په لاس لرلو تورنوي.