پاکستاني چارواکي: ۴۴۸ زره او ۶۷۰ افغان کډوال افغانستان ته ستانه شوي
د پاکستان د دولتي راډیو د خبر له مخې؛ تر دې دمه ۴ لکه، ۴۸ زره او ۶۷۰ تنه افغان کډوال له پاکستانه افغانستان ته ستانه شوي دي.
د پاکستان د دولتي راډیو د خبر له مخې؛ تر دې دمه ۴ لکه، ۴۸ زره او ۶۷۰ تنه افغان کډوال له پاکستانه افغانستان ته ستانه شوي دي.
دغې رسنۍ د سې شنبې په ورځ (د مرغومي په ۵مه) د پاکستاني چارواکو په حواله لیکلي، په تېرو دوه ورځو کې له پاکستانه ۲ زره او ۵۷۳ تنه افغان کډوال افغانستان ته راستانه شوي دي.
دغه رسنۍ ریاتوي، چې خپلو هېواد ته د افغان اتباعو او نورو بې اسنادو اوسېدونکو د اېستلو لړۍ دوام لري.
د دغو کډوالو د موقتي استوګنځايونو لپاره هم تیاری نیول شوی دی او لومړني اړین وسایل هم ورته برابر شوي دي.
اسلام اباد ویلي، چې له اقتصادي او امنیتي کړکېچونو سره لاس او ګریوان دی او نه شي کولی د هغو ۶۰۰ زرو کډوالو کوربه توب وکړي، چې د طالبانو له واکمنۍ وروسته دغه هېواد ته راغلي دي.
طالبان چې له پاکستانه په ډله ییزه توګه د کډوالو له اېستلو سره مخالف دي؛ وايي دوی د هغو کسانو ملاتړ کوي چې هېواد ته راستنیږي.
دوی وايي، چې په سیمه کې پولیس هم وو؛ خو د پېښې پر مهال یې سیمه پرېښې وه.
د بلوڅانو د حقونو فعالې ماه رنګ بلوڅ پر خپلې اېکس پاڼې د یوې ویډیو په خپرولو سره لیکلي، چې تېره شپه یو شمېر مخ پټو کسانو پر دوی برید وکړ او له سیمې څخه وتښتېدل.
اغلې بلوڅ وایي، چې د بلوڅانو د نسل وژنې مخه باید ونیول شي.
نوموړې زیاتوي:"موږ سل کیلومتره سفر وکړ او پلازمینې اسلام اباد ته راغلو ترڅو د بلوڅانو د نسل وژنې پر ضد لاریون وکړو؛ خو تاسو د دې ریاست جدیت وګورئ چې د بلوڅانو د نسل وژنې د پای ته رسولو پرځای دوی سهار شاوخوا درې بجې زموږ د لاریون کوونکو پر کمپ برید وکړ او زموږ د ساونډ(غږ سیسټم) یې غلا کړ ."
نوموړې په یوې بلې ویډیو کې د پرلت له امنیتي پولیسو پوښتنه کړې، چې دوی ولې په سیمه کې نه وو؟ خو د پولیسو ځايي مشر ناخبري ښيي.
ماهرنګ بلوڅ په اشارې سره وايي: " نو تاسو خو پوهېږئ چې دا موټر د چا و او څوک پکې وو، ورشئ او همکارانو ته مو ووایئ چې زموږ وسایل بېرته راکړي".
نوموړې وایي، چې دوی د بلوڅانو د نسل وژنې د مخنیوي لپاره اوسمهال د ټولې نړۍ مرستې او همکارۍ ته اړتیا لري.
دغه لاریون وروسته له هغه پیل شو، چې د دوی په وینا د (سي،ټي،ډي) له خوا یو ځوان بلوڅ په بندخونه کې ووژل شو.
اعتراض کوونکې مېرمنې چې د اسلام اباد پرېس کلپ مخې ته راټولې شوې دي، په بلوچستان کې یې د سي،ټي،ډي یا ترهګرۍ ضد پولیسو د منحلولو، د ټولو "لادرکه شویو کسانو" خوشې کولو او همدارنګه د هغو ملګرو د خوشې کولو غوښتنه کوي، چې تېره اونۍ د پولیسو له خوا نیول شوي دي.
