په ګردېز ښار کې د ښځو په مشرۍ يو کلينيک پرانيستل شو

نوموړي دا هم وویل، چې یو شمېر کړۍ هڅې کوي، افغانان د قوم، ژبې، سمت او مذهب په نوم سره بېل کړي او یو شمېر رسنۍ هم په همدې موخه خلکو ته په ګوړه کې زهر ورکوي.

نوموړي سره له دې چې د کومې مشخصې رسنۍ نوم وانه خیست؛ خو ویې ویل، چې دغه کړۍ غواړي د نظام پر وړاندې خنډونه جوړ کړي.

د اطلاعاتو او کلتور وزارت سرپرست زیاته کړه، چې طالبان له ټولو سره ښې اړیکې غواړي او که څوک د دوی پر وړاندې ودرېږي نو ښه ورځ به ونه ویني.

د ایران د صدا سیما د چارشنبې ورځې د راپور له مخې، سکندر مومني له پاکستان سره د ګډو پولو په ساتلو کې د اسلام اباد ګامونو ته په اشارې وویل؛ « ترسره سوي ګامونه ښه دي، خو بسنه نه کوي او باید لا پیاوړي شي. ځکه چې د دواړو هېوادونو لپاره د امنیت خوندي ساتل مهم دي.»

ایران وخت ناوخت پر پاکستان نیوکه کوي چې له خاورې یې «ترهګر» ور اوړي او تر بریدونو وروسته بېرته ورځي.

مومني هم دغو اندېښنو ته په اشاره وویل« د پولو په صفري نقطو کې تر عملیاتو وروسته ترهګر بايد دا فکر ونه کړي، چې د سرحد يو او بل طرف ته خوندي ځای ولري، له همدې امله په دې برخه کې موږ تمه لرو، چې د نشه یي توکو پر وړاندې د معلوماتو د تبادلې سیمه ییز مرکز  د دې توکو او ترهګرۍ په اړه معلومات شریک کړي، ترڅو د پولې دواړو غاړو ته د عملیاتو په کولو کې همږغي رامنځ ته شي.»

د پاکستان د نشه يي توکو د مبارزې مشر جنرال محمد انيق الرحمن ملک زهم په ټولو برخو کې ددواړو هېوادونو د همکاريو پر پراختيا ټينګار وکړ او د نشه يي توکو سره د مبارزې په برخه کي يې د همکارۍ د تفاهم لیک د تازه کولو غوښتنه وکړه.

عبیده پرون د پېښور په فقیر اباد کې له کور اېستل شوې او د پیسو لپاره وژل شوې وه.

د خواجه سراوو مشره ریاض وایي، څو کسان د عبیده کور ته ورغلي او هغه یې د پیسو د ترلاسه کولو لپاره له کور اېستلې او په لار کې یې وژلې ده.

نوموړې له افغانستان انټرنشنل پښتو سره خبرو کې زیاته کړه، د پیښې عاملین معلوم شوي خو تراوسه نیول شوي نه دي او د نیولو هڅې یې روانې دي.

نوموړې وايي، عبیده د خواجه سراوو سره اوسېده او کله یې چې د هغې مور پلار د نوموړې له وژل کېدو خبر کړل، نو د مړي له وړلو یې انکار وکړ.

هغه وايي: «د عبیده مور پلار ویل، چې هغه خواجه سرا وه، تاسو هم خواجه سرا یی، تاسو یې ښخه کړئ، موږ ته یې مه را کوئ.»

د نوموړې په خبره، نرښځي په ټولنه کې په امن ژوند نه لري او ډېر د پیسو یا نورو غوښتنو بدل کې ځورول کېږي او وژل کېږي، خو اخر کې یې مور پلار هم مړی نه غواړي.

نرښځۍ تر ډېره له کورنیو شړل شوې او دوی په ځینې ښارونو کې یو ځای اوسېږي او په ودونو کې نڅا سره د خپل ژوند تېرولو لپاره پیسې ترلاسوي.

د خواجه سراوو ټولنې د مالوماتو له مخې، تېر کال په پېښور کې ۱۲ نرښځي وژل شوي او په تېرو کلونو کې د ټولو وژل شویو شمېر سلو ته رسېږی.

د امنيه قومندانۍ وياند عبدالبصير زابلی وایي، چې د نشه يي توکو سره د مبارزې کارکوونکو ۱۰ کسان په غني خېلو او ۶ کسان نور په پچيراګام ولسواليو کې نيولي، چې پر خپلو ځمکو يې ترياک کرلي و.

نوموړی وایي، چې د دې کسانو کرل شوي ترياک او کښتونه یې له منځه وړي دي.

د زابلي په خبره، نيول شويو کسانو د طالبانو د مشر هبت الله اخونذازه د امر سرغړونه کړې، چې ډېر ژر به قضايي ارګانونو ته ور وپېژندل شي.

د طالبانو امنيتي مسولينو درې ورځي مخکې د کندهار په ميوند ولسوالۍ کې هم هغه ۵ جريبه ځمکه له کوکنارو پاکه کړې، چې پټ کرل شوي وو.

طالبان هڅه کوې، چې د تریاکو او نورو نشه يي توکو د مخنيوي لپاره د خپل مشر فرمان په ټولو سیمو کې عملي کړي، خو ځيني داسي راپورونه خپاره شوي، چې د هېواد په ليرو سېمو کې خلګ دغه امر ته غاړه نږدې.

ځکه د ليرو سېمو خلګ ترياک د خپلو کورنيو لوړ اقتصادي منبع يادوي.

ذبیح الله سادات وویل، چې په دې اثارو کې « خټین څراغونه، مجمر، عقیق ډول ټاپي، ارایشي او خټين توکې» شامل دي.

د طالبانو تر واک لاندي باختراژانس ليکلي، چې کشف شوي اثار تر پاکولو او ثبتولو وروسته ملي موزيم ته سپارل شوي دي.

طالبانو تر دې مخکې خبر ورکړی و، چې یو شمېر تاريخي اثار يې د افغانستان څخه د وتلو او قاچاق پر مهال نيولي.

د یونسکو په ګډون نړیوال سازمانونه د افغانستان د لرغونو اثارو د ساتنې په اړه اندیښنه لري.