د طالبانو د کډوالو وزارت سرپرست له نړۍوالو همکارو ټولنو سره د همغږۍ په ناسته کې له پاکستانه د ستنو شویو کډوالو لپاره د ژمنیو مرستو په رسولو ټینګار کړی؛ خو ویلي یې دي چې، مرستې دې د کار په بدل کې ورکړل شي.
هغه وایي، افغاني غرور دا نه ایجابوي چې یا دې له چا د سوال او خیرات غوښتنه وشي او یا دې چاته لاس وغځول شي؛ نو ځکه د کار په بدل کې به مرستې ورکړل شي.
خلیل الرحمن حقاني د دوشنبې په ورځ په بلخ ولایت کې له نړۍوالو همکارو ادارو سره د همغږۍ په ناسته کې له پاکستانه د راستنو شویو کډوالو لپاره د ژمنیو مرستو په رسولو ټینګار کړی.
نوموړي ویلي:« د واورو په ورېدو سره ښايي ځینو ولایتونو ته لارې بندې شي؛ نو له همدې امله مخکې تر مخکي باید مرستې ور ورسول شي. کډوالو ته د کورونو جوړول، د کاري فرصتونو برابرول او نور اساسي خدمتونه دې وړاندې شي.»
همدارنګه حقاني په دغه ناسته کې ویلي:« افغاني غرور سوال کول او بل ته د لاس نیول نه مني، له همدې امله دې مرستي د کار په بدل کې خلکو ته ورکړل شي.»
د نړۍوالو همکارو ادارو چارواکو د طالبانو د کډوالو له وزیر سره د همغږۍ په دغې ناسته کې خپلې ستونزې هم شریکې کړې.
دا په داسې حال کې ده، چې طالبان له پاکستان او ایرانه په جبري توګه د اېستل شویو افغان کډوالو لپاره د مرستو جلبولو هڅې کوي او تر دې مهاله ملګرو ملتونو او ګڼو هېوادونو د تازه ستنو شویو افغان کډوالو لپاره د مېلیونونه ډالرو مرستو اعلان هم کړی.
تر دې مهاله له پاکستانه ۴ لکه، ۴۸ زره او ۶۷۰ تنه افغان کډوال افغانستان ته ستانه شوي دي.
خو طالبانو بیا د هغه مکتوب په خپرولو سره ویلي چې ملا واصل د هغه عمومي ادلون بدلون له مخې له دندې ګوښه شوی چې د ریاست الوزرا له لوري استول شوی دی.
خو د بدخشان د والي په دفتر کې یوې سرچینې تایید کړه چې د دغه ولایت د قوماندان قاري واصل زوی درې ورځې وړاندې ذ پنځوس کیلو ګرامه نشه یي توکو په قاچاق د بدخشان د ملي امنیت ادارې نیولی او دا مهال په بند کې دی چې له هغه سره هم مهاله قاري واصل هم له دغې دندې لرې شوی دی.
د طالبانو د رییسالوزرا له دفتره د (لیندۍ په ۳۰مه) په خپره شوې خبرپاڼه کې دا هم راغلي چې د قاري واصل پر ځاى ملا عزيزالله عمر د بدخشان د امنيه قوماندان په توګه ټاکل شوى دى.
قاري واصل یو له هغو کسانو څخه دی چې د طالبانو د پوځ لوی درستیز فصیحالدین فطرت له ملاتړه برخمن دی.
دا لومړی ځل نه دی چې په یو شمېر ولایتونو کې طالب چارواکي د نشه یي توکو په قاچاقو کې په لاس لرلو تورنیږي، یو شمېر کتونکي وايي د طالبانو له واکمنیدو وروسته لوی او واړه قاچاق کونکي نن سبا د نشه یي توکو قاچاقو ته زړه نه ښه کوي، همدغه طالبان دي چې پر همدغو چارو کې ښکیل دي.