په ننګرهار کې د طالبانو د امنيې قومندانۍ مسولين وایي، په دې ولایت کې یې په تېرو لسو مياشتو کې د بېلا ـ بيلو جرمنو په تور ۱۴۴۷ کسان نيولي، چې ۳۶ ښځې هم پکې دي. د طالب مسولينو په خبره، په نيول شويو کسانو کې ډېری يې په جنايي جرمونو تورن دي.
د ننګرهار د طالبانو د امنيې قومندانۍ وياند عبدالبصير زابلی وایې، چې په تېرو لسو مياشتو کې يې د جنايي جرمنو ۵۷۶، د نشه يي توکو د مخنيوي د سرغړوني ۲۲۴ او ۱۰۰ ترافيکي پيښې ثبت کړې دي.
د زابلي په خبره، د جنایي جرمونو په تور يې د ۳۶ ښځو په ګډون ۱۱۳۱ کسان نيولي، چې په زنا، لواطت، فرېب، قتل، قاچاق او انسان تښتونې په ګډون په بېلابېلو جرمونو تورن او عدلي او قضايې ارګانونو ته سپارل شوي دي.
طالبان دا هم وايي چې تېرو لسو میاشتو کې په ننګرهار کې د ترافيکي پېښو پرمهال ۶۹ کسان مړه شوي او ۱۵۵ کسان نور ټپيان شوي دي.
