رحیم یار خان کلب د «ال پاکستان کبډي ټورنمنټ» وګاټه
د بلوچستان په سیبۍ ضلع کې د ملېشه ځواکونو په نوښت د ال پاکستان کبډي تورنمنټ پایلوبه رحیم یار خان کلب وګټله. دغه ټورنمنټ چې یوه اونۍ روان و، د پاکستان له بېلابېلو ښارونو اتو لوبډلو پکې برخه اخیستې.
د بلوچستان په سیبۍ ضلع کې د ملېشه ځواکونو په نوښت د ال پاکستان کبډي تورنمنټ پایلوبه رحیم یار خان کلب وګټله. دغه ټورنمنټ چې یوه اونۍ روان و، د پاکستان له بېلابېلو ښارونو اتو لوبډلو پکې برخه اخیستې.
په پایلوبه کې رحیم یار خان کلب د شنبې په ورځ د خان خدایي مرغزاني کلب ماته ور کړه او د ټورنمنټ اتل شو.
د ټورنمنټ په پای کې ګټونکي لوبډلې او لوبغاړو ته انعامونه او مډالونه ورکړل شوې.
د دې لوبې لیدلو ته د کالج او پوهنتون پر زدکوونکو سربېره د سیمې مشران او سیاستوال هم ورغلي وو.
د پاکستان چارواکي او د تحریک انصاف ګوند غړي وايي، د دغه هېواد د ټاکنو کمېسون د ۲۰۲۴ کال د ټاکنو لپاره د پخواني لومړي وزیر عمران خان نوماندي رد کړه. پخواني لومړي وزیر او د تحریک انصاف ګوند مشر عمران خان غوښتل، د پنجاب له میاولې او لاهور نه په راتلونکو ټاکنو کې ولوبېږي.
دغه ۷۱ کلن کرېکټ ستوری د ۲۰۲۲ کال اپرېل کې د پارلمان له خوا د بې باوره کېدو او بې واکه کېدو راهیسې سیاسي او قانوني جنجال کې ښکېل دی.
نوموړی تېر اګسټ په توشه خانه کېس کې د درې کاله بند له امله بیا په عام محضر کې نه دی لیدل شوی.
توشه خانه کې عمران خان تورن دی چې له ۲۰۱۲ تر ۲۰۲۲ یې دولتي ډالۍ ناقانونه پلورلې دي، خو ښاغلی خان دا تورونه ردوي.
د عمران خان په مشرۍ تحریک انصاف ګوند رسنیو څانګه وايي، که څه هم ښاغلی خان د فساد د تورونو له امله د راتلونکې فبرورۍ ټاکنو کې له نوماندېدو بې صلاحیته بلل شوی، خو د جمعې په ورځ یې د دې ټاکنو لپاره خپل کاغذونه سپارلي دي.
په لاهور کې د رد شویو نوماندانو په لېست کې د عمران خان نوم هم دی او د ټاکنو کمېسون وايي، ښاغلی خان یې ځکه دلته ونه مانه چې د رایه ور کوونکي په حیث دلته نه دی راجسټر شوی او بل دا چې محکمې محکوم کړی او بې واکه شوی دی.
د خان رسنډله وایي، په پلرني ټاټوبي میاوله کې هم د ښاغلي خان کاغذونه نه دي منل شوي.
عمران خان چې هېواد کې تر ټولو منلی مشر بلل کېږي پر پوځ تور لګوي چې دی یې په نښه کړی او غواړي په ټاکنو کې یې له ګډون بې برخې کړي.
د پاکستان پوځ دا تورونه ردوي.
د اسلام اباد ځايي محکمو د پاکستاني پولیسو د غوښتنې خلاف نن د پښتون ژغورنې غورځنګ مشر منظور پښتين زندان ته ولېږه. نوموړی د اسلام اباد ترناول پوليسو مرکز کې د ثبت شوې قضې له امله تر دوو ورځو توقیف پوره کېدو وروسته عدالت ته وړاندې شو و.
په همدې حال کې پولیسو له محکمې وغوښتل چې د منظورپشتين بیا له دوی سره بندي شي.
د پاکستان جیو نیوز د راپور په بنسټ د اسلام اباد محکمې د پاکستاني پولیسو لخوا د منظور پښتین د بیا ځلي توقیف غوښتنه رد کړه.
په راپور کې راغلي چې د منظور پښتین وکيل له محکمې څخه د نوموړي د ضمانت غوښتنه کړې ده.
خو د اسلام اباد محکمې د ثبت شوې قضې په اړه د پرېکړې تر اعلان پورې منظور پښتين زندان ته ولېږه.
ویل کیږي جې د جنورۍ په دوهمه به د منظور پښتین د ضمانت غوښتنلیک په اړه به پرېکړه کیږي.
دوه ورځې مخکې منظور احمد پښتین د ترهګرۍ ضد محکمې څخه په ضمانت تر خوشې کېدو وروسته سملاسي د جرمونو د مخنیوي او کشف ادارې ته وسپارل شو.
د پښتون ژغورنې غورځنګ غړي وايي، تمه وه چې په هغه ورځ ښاغلی پښتین له بنده خوشی شوی وی؛ خو د ترهګرۍ ضد محکمې څخه په ضمانت تر خوشې کېدو ورسته د یوې بلې قضیې په تور د جرمونو د مخنیوي او کشف ادارې ته وسپارل ش
د پاکستان بهرنیو چارو وزارت ویانده وايي، د هند په ممبيي ښار کې په بریدونو تورن او د جماعت الدعوه مشر حافظ سعید به نوي ډېلي ته ونه سپاري. ممتاز زهرا بلوڅ وايي، د هند او پاکستان ترمنځ د تورنو کسانو د سپارلو کوم تړون نشته.
د هند بهرنیو چارو وزارت ویاند اریندام باغچي پرون وویل، له اسلام اباد یې د حافظ سعید د سپارلو غوښتنه کړې، چې پر ۲۰۰۸ کال د ممبيي په مرګونو بریدونو کې ښکېل دی.
خو مېرمن بلوڅ اسلام اباد کې پرون خبري غونډې ته وویل، نوي ډېلي ترې غوښتي چې د پیسو سپینولو دوسیه کې تورن حافظ سعید ور وسپاري.
د لښکر طیبه مشر حافظ سعید اوس د جماعت الدعوه مشر دی او د پاکستان یوې محکمې تېر کال د ترهګرۍ د تمویل په تور په ۳۱ کاله بند محکوم کړ.
هند وايي حافظ سعید نه یوازې د ممبيي بریدونو کې ښکېل و، بلکې په دغه هېواد کې د وسلوالو ملاتړ هم کوي.
د ممبيي بریدونه
په ۲۰۰۸ کال د لشکر طیبه ډلې سره په تړاو شکمنو لسو پاکستانيانو په ممبيي کې پر ودانیو برید وکړ، چې ۱۶۴ کسان یې ووژل.
د بریدونو په ترڅ کې ۹ تنه بریدګر وژل شوي او یو تن ژوندی پاتې شوی و.
محمد اجمل قصاب چې د دغو بریدګرو له ډلې یوازینی ژوندی پاتې شوی کس و په ۲۰۱۲ کال کې اعدام شو.
دغه بریدګر د پاکستان له کراچۍ ښار ممبيي ته کښتۍ کې تللي وو.
د لارې په اوږدو کې، دوی د کب نیولو یوه کښتۍ هم تښتولې او پکې سپاره پنځه کسان یې وژلي وو.
د ممبيي له مرګوني برید وروسته حفظ سعید او لښکر طیبه د ملګرو ملتونو په تور لست کې واچول شول.
حافظ سعید تېرو دوو لسیزو کې بیا بیا نیول شوی او ازاد شوی دی.
نوموړی د ممبيي بریدونو په ګډون په هر ډول تاوتریخوالي کې لاس لرل ردوي.
هغه پر ۲۰۱۹ کال د لاهور یوې محکمې د ترهګرۍ د ملاتړ او پیسو سپینولو په تور پر پنځلس کاله بند محکوم کړ.
د مالي ګام ځانګړې ډلې د سختۍ زیاتېدو سره دې محکمې تېر کال نوموړی د ترهګرۍ د ملاتړ په تور پر ۳۱ کاله بند محکوم کړ.
دا اعتراض نږدې دوه نیمې میاشتې وړاندې د ډیورنډ لیکې په دواړو خواو کې د خلکو د تګ راتګ لپاره د ویزو او پاسپورټ د جبري کولو پر ضد پیل شوی و، چې نن یې ۷۳مه ورځ ده.
پرلتوال وايي، چې د بلوچستان د مخکښو سیاستوالو په منځګړیتوب یې تر اوسه د حکومت وروستۍ پرېکړې ته تمه لرله؛ خو په وینا یې حکومت په ظاهره دوی ته وايي، چې غوښتنې یې عملي کېږي.
دوی وایي، ښکاري داسې چې حکومت چمتو نه دی د دوی دغو غوښتنو ته غاړه کېږدي.
د دغه پرلت یو ګډونوال مولوي عبدالمنان وايي، تر هغې یې چې غوښتنې نه وي منل شوي دوی به دغه پرلت ته دوام ورکوي.
هغه وایي:« موږ ته د عوامي نشنل پارټۍ مشر محمود خان اڅکزي او نور سیاستوال هم راغلي وو او را ته یې ویلي وو، چې زموږ غوښتنې به له مرکزي حکومت سره شریکې کړي او زموږ غوښتنې به ومنل شي؛ خو تر اوسه دغو خبرو کومه پایله نه ده ورکړې.»
د پرلت یو بل ګډونوال او د سوداګرو د ټولنې مشر صادق خان اڅکزی وايي:« موږ به سبا او د نوي کال په لومړۍ ورځ عمومی اعتراض کوو، موږ پخوا په تېرو دوه نیمو میاشتو کې داسې ستر اعتراضونه نه کول او هیله مو دا وه، چې زموږ غوښتنې به منل کېږي؛ خو موږ یې اړ کړي یو، پر موږ یې روزګار بند کړی او موږ د یوې مړۍ ډوډۍ پیدا کولو له پاره هک حیران یو.»
دغه پرلتوال وایي، سر له سبا یې پرېکړه کړې چې له چمن څخه نیولې بیا د بلوچستان تر نورو سیمو به خپل اعتراضي غونډې پراخوي او په ګڼو ښارونو کې به کاربندیز اعلانوي، له هغې وروسته به د کوژک په غره کې لویه لاره هم وتړي.
همدا اوس هم د چمن سپین بولدک لاره د ټرانزیټ له پاره تړل شوې او د لیکې دواړو خواوو کې شته دوکانونه او مارکیټونه تړل شوي دي.
ګڼ پرلت کوونکي وايي، له هغه مهاله چې پاکستان پر چمن او سپین بولدک ته د تلونکو کاروباریانو د تګ راتګ له پاره د پاسپورټ او ویزې لرل جبري کړي، د دوی ټولو کاروبار ورسره زیانمن شوی او له سختو ستونزو سره مخامخ شوي دي.
یو شمېر پرلتوال بیا د کرښې په هغې غاړې پر افغانانو غږ کوي، چې هغوی دې هم ورته اعتراضونه پیل کړي؛ خو ښکاري داسې چې د سپین بولدک اوسېدونکي د طالبانو له وېرې دغه کار ته زړه نه شي ښه کولای.
د افغانستان کرېکټ ملی لوبډلې د شل اوره لوبلړۍ په لومړۍ لوبه کې کوربه هېواد متحده عربي اماراتو ته د ۷۲ منډو په توپیر ماته ورکړه. له بلې خوا په سوېلي افریقا کې د افغان ۱۹ کلنو لوبډلې له سیالې هندۍ لوبډلې ماتې وخوړه.
په شارجه لوبغالي کې د اماراتو لوبډلې پچه وګټله او د توپ اچونې پریکړه یې وکړه. افغان لوبډلې د درېیو لوبغاړو په سوځیدو د ۲۰۳ منډو هدف وټاکه.
عربي متحده امارات د ټولو اورونو په ختمیدو او ۴ لوبغاړو په زیان سره ۱۳۱ منډې جوړې کړې او لوبه یې وبایلله.
د متحده عربي اماراتو پر وړاندې د افغانستان دویمه لوبه د روانې میاشتې په ۳۱مه او وروستۍ لوبه به د ۲۰۲۴م کال د جنوري په دویمه نېټه ترسره شي.
بلخوا، د افغانستان، هند او سویلي افریقا له ۱۹ کلنو کمعمره کرېکټ لوبډلو تر منځ یو ورځنۍ لوبلړۍ چې نن د هند او افغانستان په لوبه پیل شوه، افغان ۱۹ لوبډلې پکې ماتې وخوړه.
د لوبې پچه د هند لوبډلې وګټله او لومړی یې د توپ اچونې پرېکړه وکړه.
افغان لوبډلې په ۴۸.۲ اورو کې د لسو لوبغاړو په زیان سره د ۱۹۸ منډو هدف وټاکه. د هند لوبډلې په ۳۶.۴ اورو کې په ۶ ویکټو دا هدف ترلاسه کړ.
د افغان ۱۹ کلنو لوبډلې دویمه لوبه د ډسمبر په ۳۱مه له سویلي افریقا سره ده.