د افغانستان کرېکټ ملې لوبډلې له متحده عربې اماراتو د شل اوريزو لوبو لوبلړۍ وګټله

افغان ورو توپ اچونکی مجیب الرحمن د سه شنبې ورځې لوبه کې د ملبرون سټارز پروړاندې د میلبرون رینګیډز راتلونکو لوبو کې له بیګ باش لیګ څخه د نوموړي د (این او سي) په شرایطو کې د بدلون له امله پاتي شو.

مجیب الرحمن د افغانستان د افغان لوبډلې دوه تیزو بال اچوونکو نوین الحق او فضل الحق فاروقي په ګډون د مرکزي قرارداد نه لاسلیک کولو له امله د افغانستان د کرېکټ بورډ له لوري په لیګونو کې د لوبېدو دوه کلن بندیز سره مخ شو.

هغه مهال د ملبرون لوبدلې په یوه خبرپاڼه کې ویلي وه چې «د بیګ باش لیګ هیڅ اړیکه نه ده ترلاسه کړې چې په لیګ کې د مجیب الرحمن د لوبېدو پلانونه بدل شي. او ملبرون لوبډله په بیګ باش لیګ پاته فصل لپاره د هغه ملاتړ ته دوام ورکوي.»

خو ملبرون لوبډلې تیره ورځ په یوه تازه خبرپانه کې ویلي چې،« مجیب الرحمن د هغه د این او سي په شرایطو کې د بدلون له امله د لوبډلې له نوملړ څخه ایستل شوی.»

دا په داسې حال کې ده چې تېره اونۍ د افغانستان کرېکټ بورډ د کرېکټ ملي لوبډلې درې لوبغاړي د مرکزې قرارداد نه امضا کېدو له امله یو کال په ملي لوبډله کې او دوه کاله په بهرنيو لیګونو کې پر لوبېدو بندیز ولګاوه.

خو درې ورځې وړاندې د افغانستان کرېکټ بورډ له متحده عربي متحده امارتو سره د درې شل اوریزې لوبلړۍ پر مهال له بندیز سره مخ دوه افغان لوبغاړي ولوبول او ویلي یې دي چې له بندیز سره مخ لوبغاړي کولای شي د ضرورت پر مهال د افغان ملي لوبډلې لپاره ولوبیږي.

خو په بهرنیو لیګونو کې د لوبېدو د بندیز په اړه یې څه نه دي ویلي.

د افغانستان او متحده عربي امارتو د کرېکټ ملي لوبډلو تر منځ د درې شل اوریزې لوبلړۍ دوه سیالۍ تر سره شوې چې، یوه سیالي افغانستان او یوه بله یې متحده عربي اماراتو ګټلې ده.

دغه لوبلړۍ د راشد خان په نه شتون د افغان لوبډلې د پیلیز توپ وهوونکي ابراهیم ځدراڼ په لوبډلمشرۍ تر سره کیږي.

له دغه لوبلړۍ وروسته افغان ملي لوبډله د هند له ملي لوبډلې سره درې شل اوریزه لوبلړۍ پیلوي.

د افغانستان او هند تر منځ د شل اوریزې لوبلړۍ لومړۍ لوبه د روان میلادي کال د جنورې په ۱۱مه د هند په موهالي لوبغالي کې، دویمه لوبه د جنورۍ په ۱۴مه او دریمه لوبه د جنورۍ په ۱۷مه تر سره کیږي.

په پام کې ده چې له هند سره د درې شل اوریزه لوبلړۍ لوبې به هم د راشد خان په نه شتون کې د ابراهم ځدراڼ په لوبدلمشرۍ تر سره شي.

د افغانستان کرېکټ بورډ پر خپلې فیسبوک پاڼه لیکي،‌ چې دغه بورډ د ۲۰۲۴ کال لپاره د ملي لوبډلې د اوسني مشر روزونکي جانتن ټروټ تړون غځولی دی.

د کرېکټ بورد په وینا؛ د دغه روزونکي قرارداد د هغه د ښه فعاليت او د ملي لوبډلې د لاسته راوړنو د کچې لوړېدلو له امله غځول شوی دی.

ټروټ به د روان میلادي کال تر پایه د افغانستان د کرېکټ د ملي لوبډلې د روزونکي په توګه دنده ترسره کوي.‌

د انګلستان د کرېکټ لوبډلې دغه پخواني لوبغاړی تر دې وړاندې ویلي وو، چې د نوي تړون له شرایطو خوښ دی؛ خو غواړي د تړون تر لاسلیک کولو له مخه د خپل کاري ټیم د غړو غوراوی نهايي کړي.

ټروټ چې د ۲۰۲۲ کال په جولای میاشت کې د افغان ډلې د روزونکې دنده پر غاړه واخیسته. د نوموړي د دندې پر مهال افغان لوبډلې په هندوستان کې د اکټوبر او نومبر میاشتو په اوږدو کې د کرېکټ د نړۍوال جام د انګلستان، پاکستان، سریلانکا او هالنډ لوبډلو ته ماته ور کړه.

دغه لوبلړۍ د متحده عربې امارتو په شارجه نړۍوال کرېکټ لوبغالي کې تر سره کیږي او لومړۍ لوبه افغانستان د ۷۲ منډو په توپیر له کوربه لوبډلې ګټلې وه.

له بلې خوا له نولس کلونو کم عمره افغان لوبډلې نن سویلي افریقا ته د ۴۷ منډو په توپیر ماتې ورکړه.

افغان لوبډلې لومړی توپوهنه وکړه، چې د خپلو ټولو لوبغاړو په زیان یې ۱۷۶ منډې جوړې کړې؛ خو سیاله لوبډله د هدف پوره کولو کې پاتې راغله.

لومړی افغان لوبډلې توپ وهنه وکړه، چې د خپلو ټولو لوبغاړو په سوځېدو یې ۱۷۶ منډې جوړې کړې.

افغان ځوانانو د غوره توپ اچونې په پایله کې سیاله لوبډله په ۳۰،۴ اورونو کې په ۱۲۹ منډو له ډګره بهره کړه او په ۴۷ منډو یې بریا خپله کړه.

د افغان لوبډلې په ګټه عرب ګل مومند او الله محمد غضنفر څلور او فریدون داودزي او بشیر احمد افغان یوه - یوه وېکټ ترلاسه کړه.

افغان ځوانان به د راتلونکې پنچشنبې په ورځ د روانو سیالیو په ترڅ کې خپله درېیمه لوبه کې به هند پر وړاندې د سیالۍ ډګر ته ښکته شي.